Chapter Title : Avalude ravukal part 2

അതും മറന്നേക്ക് …… ……….! ”

” എന്റെ ചാരൂ ഇങ്ങനെയൊക്കെ പറയാൻ മാത്രം വളർന്നോ നിയ്യ് .എന്നെ ഒഴിവാക്കാൻ വേണ്ടി ഇങ്ങനൊന്നും പറയരുത് മോളെ ” ഞാൻ പറഞ്ഞു

” നീ വേണെങ്കി വിശ്വസിച്ചാൽ മതി എനിക്കൊരു നിര്ബന്ധവും ഇല്ല, ”

” ഇല്ല ഞാൻ വിശ്വസിക്കില്ല , എന്റെ ചാരൂ ഒരിക്കലും അങ്ങനെയൊന്നും …. ഏയ് ഇല്ല ….ഇല്ല…. ഇല്ല ”

” ഹഹാ ..ഹഹഹ … നിന്ടെ ചാരൂ ചത്തിട്ടു വര്ഷം രണ്ടര കഴിഞ്ഞു . ആറു മാസം അവൾ നിന്ടെ വിളി കാത്തിരുന്നു , നീ തിരിച്ചു വരും എന്ന് വിശ്വസിച്ചു .. ഉണ്ടായില്ല. ഒടുവിൽ മരണത്തിന്റെ മുന്നിൽ തന്നെ സമർപ്പിക്കാൻ തീരുമാനിച്ച അവളെ ജീവിതത്തിലേക്ക് തിരിച്ചു കൊണ്ടുവന്ന ആൾക്കുമുന്നിൽ അവൾ അവളെത്തന്നെ സമർപ്പിച്ചു. അതവൾക്കൊരു പുനർജന്മമായിരുന്നു ശക്തമായ ഒരു പുനർജ്ജന്മം ”

” ഇല്ല ഞാൻ വിശ്വസിക്കില്ല നീ … അങ്ങനെ ചെയില്ലൊരിക്കലും ” എന്റെ ശരീരം തളർന്നു.. തൊണ്ട വറ്റിവരണ്ടു തുടങ്ങി ..

” അപ്പൊ ഞാൻ രാവിലെ വിളിച്ചപ്പോ ഫോൺ എടുത്തത് , അത് അതാണോ അയാൾ ”

” അല്ല , നീ വിളിച്ചപ്പോ ഫോൺ എടുത്തത് ഇക്കയായിരുന്നു ”

” അതാരാ ഇക്ക ” ഞാൻ ചോദിച്ചു

” എന്റെ ഓഫീസിലെ ഡ്രൈവറാണ് റിയാസിക്ക ”

” അപ്പൊ നിന്നെ രക്ഷിച്ച ആൾ , അയാളെവിടെ ” …. എന്നിലെ ആകാംഷ വീണ്ടും വീണ്ടും ചോദ്യങ്ങൾ ചോദിച്ചുകൊടിരുന്നു

” അതൊക്കെ വലിയ കഥയെ പിന്നെ