0%

Chapter Title : അവൻ 1 [OG]

Author : OG Read All Parts 181.2K

"പോകാം അമ്മേ. ജോലി കിട്ടിയാൽ എവിടേക്കും പോകാം. പക്ഷേ നിങ്ങളെ രണ്ടുപേരെയും വിട്ടിട്ട് പോകാൻ..."

"ഞങ്ങളെയോർത്ത് നീ നിന്റെ ജീവിതം കളയരുത്."

അമ്മയുടെ ശബ്ദം അല്പം ഇടറി.

"നീയും അനഘയും നല്ല നിലയിൽ എത്തണം. അതുമാത്രമാണ് എനിക്ക് വേണ്ടത്."

അവൻ അമ്മയുടെ മുഖത്തേക്ക് നോക്കി.

ആ മുഖത്ത് അവന് തന്റെ ജീവിതത്തിലെ ഏറ്റവും വലിയ പോരാട്ടം കാണാമായിരുന്നു.

അവന്റെ അച്ഛൻ നേരത്തെ പോയി.

അമ്മയ്ക്ക് സ്വന്തം കുടുംബ കൂടെയില്ല.

ബന്ധുക്കളെന്ന് പറയാൻ ആരുമില്ല.

എന്നിട്ടും ഈ സ്ത്രീ ഇത്രയും കാലം അവരെ രണ്ടുപേരെയും ചേർത്തുപിടിച്ചു.

അവൻ ഒന്നും പറയാതെ അമ്മയുടെ കൈയിൽ പിടിച്ചു.

"ഞാൻ നോക്കിക്കോളാം അമ്മേ."

അവൾ ചിരിച്ചു.

രാത്രി എല്ലാവരും ഉറങ്ങിയശേഷം അഭിജിത്ത് വീണ്ടും മൊബൈൽ എടുത്തു.

ജോബ് പോർട്ടൽ തുറന്നു.

അപേക്ഷിച്ച ജോലികളുടെ ലിസ്റ്റ് പരിശോധിച്ചു.

പുതിയതായി വന്ന ഒഴിവുകൾ നോക്കി.

പിന്നെ ഇമെയിൽ തുറന്നു.

ഒരു പുതിയ മെയിൽ.

അവന്റെ കണ്ണുകൾ പ്രതീക്ഷയോടെ സ്ക്രീനിലേക്ക് നീങ്ങി.

Dear Abhijith,

Thank you for applying for the position...

അവൻ വായിച്ചുതീർത്തു.

അത് മറ്റൊരു നിരസിക്കൽ മെയിലായിരുന്നു.

ഫോൺ പതുക്കെ താഴെവെച്ചു.

കട്ടിലിന്റെ മറുവശത്ത് ചുമരിൽ തൂക്കിയിട്ടിരിക്കുന്ന അച്ഛന്റെ പഴയ ഫോട്ടോയിലേക്ക് അവൻ നോക്കി.

"അച്ഛാ... എനിക്ക് പറ്റുമോ?"

അവന്റെ മനസ്സിൽ ഒരു ചോദ്യം മാത്രം.

പക്ഷേ ആ ചോദ്യത്തിന് മറുപടി നൽകാൻ ആരുമുണ്ടായിരുന്നില്ല.

ജനലിലൂടെ നിലാവിന്റെ വെളിച്ചം മുറിയിലേക്ക് കടന്നുവന്നു.

അവൻ കണ്ണുകളടച്ചു.

നാളെ വീണ്ടും എഴുന്നേൽക്കണം.

വീണ്ടും CV അയക്കണം.

വീണ്ടും ഓഫീസുകൾ കയറണം.

വീണ്ടും നിരസിക്കപ്പെടാം.

എങ്കിലും

💬 Comments

View all comments