Chapter Title : അവൻ 1 [OG]
ശ്രമിക്കണം.
കാരണം അവന്റെ പരാജയം അവനിൽ മാത്രം ഒതുങ്ങുന്നതായിരുന്നില്ല. അതിന് പിന്നിൽ അവനെ വിശ്വസിച്ച് ജീവിക്കുന്ന രണ്ട് മനുഷ്യരുടെ പ്രതീക്ഷകളുമുണ്ടായിരുന്നു.
ഒരു മാസം കൂടി കടന്നുപോയി.
അഭിജിത്തിന്റെ ജീവിതത്തിൽ വലിയ മാറ്റങ്ങളൊന്നും സംഭവിച്ചില്ല. ഓരോ ദിവസവും പഴയതുപോലെ തന്നെ കടന്നുപോയി. രാവിലെ എഴുന്നേൽക്കുന്നു, ജോബ് പോർട്ടലുകൾ പരിശോധിക്കുന്നു, പുതിയ ഒഴിവുകൾക്ക് അപേക്ഷിക്കുന്നു, ചില ദിവസങ്ങളിൽ ടൗണിലെ ഓഫീസുകൾ കയറിയിറങ്ങുന്നു.
പക്ഷേ ഫലമൊന്നും ഉണ്ടായില്ല.
അപേക്ഷകൾക്ക് മറുപടി വരാത്ത ദിവസങ്ങളും, ഇന്റർവ്യൂവിന് വിളിച്ചിട്ട് പിന്നീട് യാതൊരു വിവരവുമില്ലാത്ത ദിവസങ്ങളും പതിവായി.
അതിനിടയിൽ അമ്മയുടെ തയ്യൽക്കടയിലെ ജോലികൾ കൂടിയിരുന്നു. ഓണം കഴിഞ്ഞിട്ടും ചില ഓർഡറുകൾ ബാക്കിയുണ്ടായിരുന്നു. അതുകൊണ്ട് ശോഭ വീട്ടിലെത്താൻ പലപ്പോഴും വൈകി.
അനഘയാകട്ടെ പതിവുപോലെ ജോലിക്കും വീട്ടുജോലികൾക്കുമിടയിൽ ഓടിനടന്നു.
അങ്ങനെ അവരുടെ ചെറിയ ലോകം പഴയതുപോലെ മുന്നോട്ടുപോയി.
അങ്ങനെയിരിക്കെ ഒരു ഞായറാഴ്ച.
സമയം ഉച്ചയ്ക്ക് ഒരു മണിയോടടുത്തിരുന്നു.
അടുക്കളയിൽ നിന്ന് മീൻകറിയുടെ മണം വീടിന്റെ അകത്തളങ്ങളിലേക്ക് പടർന്നു.
"അഭീ... ഈ മീൻകറി ഒന്ന് ടേബിളിലോട്ട് എടക്ക് "
അനഘ അടുക്കളയിൽ നിന്ന് വിളിച്ചു പറഞ്ഞു.
"ദാ ചേച്ചീ."
അഭിജിത്ത് പാത്രങ്ങൾ മേശപ്പുറത്ത് നിരത്തി.
ശോഭ അപ്പോഴേക്കും കുളി കഴിഞ്ഞ് വന്ന് മുടി തുവർത്തുകയായിരുന്നു.
"അമ്മേ, വേഗം വായോ."
"വരുന്നു മോനേ."
മൂവരും ഭക്ഷണം കഴിക്കാനിരുന്നപ്പോഴാണ് വീടിന് മുന്നിൽ ഒരു കാറിന്റെ ശബ്ദം കേട്ടത്.
ആദ്യം ആരും ശ്രദ്ധിച്ചില്ല.
എന്നാൽ കുറച്ചുനിമിഷങ്ങൾക്കുള്ളിൽ മുറ്റത്ത് കാർ നിർത്തിയ ശബ്ദവും ഡോർ തുറക്കുന്നതും കേട്ടു.
"ആരാ ഈ സമയത്ത്?"
അനഘ ജനലിലൂടെ പുറത്തേക്ക് നോക്കി.
മുറ്റത്ത് ഒരു കറുത്ത ഇന്നോവ കാർ.
അതിൽ
💬 Comments
View all comments