Chapter Title : ♥️അവിരാമം♥️ 3 [കർണ്ണൻ]

മടിയിൽ നിന്നും എഴുന്നേറ്റു വീണ്ടും അവന്റെ മുഖം കൈകളിൽ കോരിയെടുത്ത് കണ്ണിൽ നോക്കി പറഞ്ഞു.

ഞാൻ എന്റെ ജീവിതത്തിൽ ഇത്രയേറെ സന്തോഷിച്ച മറ്റൊരു ദിവസം ഉണ്ടായിട്ടില്ല ഹിരൺ... ഇന്ന് നീ എന്നോട് സംസാരിച്ചു. അംഗീകരിക്കാൻ കഴിയില്ല എന്നറിഞ്ഞിട്ടും നിനക്ക് എന്നോടുള്ള സ്നേഹം നീ തുറന്നു സമ്മതിച്ചു. മതി... ഈ ജന്മം മുഴുവൻ നിനക്ക് വേണ്ടി ജീവിക്കാൻ നിനക്ക് വേണ്ടി കാത്തിരിക്കാൻ ഇപ്പൊ നീ എനിക്ക് തന്ന ഈ നിമിഷങ്ങൾ മാത്രം മതി. കാത്തിരുന്നോളാം ഒരിക്കലും കിട്ടില്ല എന്നറിഞ്ഞുകൊണ്ട് തന്നെ ഹിരണിന്റെ പെണ്ണായി ഈ ജന്മം മുഴുവൻ കാത്തിരുന്നോളാം.....

അനീ...

പറയാൻ വന്നതിനു സമ്മതിക്കാതെ അവൾ അവന്റെ വായ കൈകൊണ്ടു അടച്ചു പിടിച്ചു.

വേണ്ട നീ ഇനി ഒന്നും പറയണ്ട... നീ പറയാൻ പോകുന്നത് എന്ത് തന്നെയായാലും ചിലപ്പോ എനിക്ക് അത് താങ്ങാൻ കഴിഞ്ഞില്ല എന്ന് വരും....

ഹിരണിന്റെ മിഴികൾ വീണ്ടും നിറഞ്ഞൊഴുകി. ഒട്ടും തന്നെ കുറവില്ലാതെ അനീറ്റയുടെയും.

കൈകളിൽ അവന്റെ മുഖം വാരിയെടുത്തു അവൾ നെറ്റിയിൽ അമർത്തി ചുംബിച്ചു കൊണ്ട് വിതുമ്പി.

അവളുടെ കൈകളിൽ കൈകൾ ചേർത്ത് കൊണ്ട് ഹിരൺ കണ്ണടച്ച് മനസുകൊണ്ട് തന്നെ ആ ചുംബനം ഏറ്റു വാങ്ങി.

ഈ വരുന്ന സൺ‌ഡേ എന്റെ ബർത്ത് ഡേ ആണ്... പപ്പയോടും മമ്മിയോടും ഞാൻ പറഞ്ഞു നിന്റെ കൂടെ ആയിരിക്കും ഈ ബർത്ത് ഡേ ഞാൻ ആഘോഴിക്കുന്നത് എന്ന്. വരണം ഞാൻ കാത്തിരിക്കും. ഒരു പക്ഷെ അതാവും നമ്മൾ തമ്മിലുള്ള അവസാന കൂടി കാഴ്ച.. സൺ‌ഡേ രാവിലെ 8 മണിക്ക് ഞാൻ നിനക്കായ് കാത്തു നില്കും കുറവിലങ്ങാട് പള്ളിക്കു മുന്നിൽ.......

പറഞ്ഞു തീർത്തു വായ പൊത്തി കരഞ്ഞു കൊണ്ട് അവന്റെ മുന്നിൽ നിന്നും അനീറ്റ ഓടി അകന്നു. മുറ്റത്തു കിടന്നിരുന്ന കാറിനുള്ളിൽ കയറി സീറ്റിലേക്കു അലച്ചു വീണു കൊണ്ട് അലറി കരഞ്ഞു.

അനീറ്റ പോയ വഴിയിലൂടെ നോക്കിയെങ്കിലും

കണ്ണ് നിറഞ്ഞു തുളുമ്പി നിന്നിരുന്നതിനാൽ ഒന്നും തന്നെ അവനു കാണാൻ കഴിഞ്ഞില്ല.

മനസിനുള്ളിലെ വേദനകൾ എല്ലാം കൂടി പൊട്ടി വന്ന ഹിരൺ മുഖം പൊത്തി നിന്ന് വിതുമ്പി.

തങ്ങൾക്കു മുന്നിൽ