Chapter Title : അഴകാന രാക്ഷസി…. 2[മനൂപ് ഐദേവ്]

അവളുടെ കയ്യിൽ നമ്മുടെ വീഡിയോ ഉണ്ട്.. അതാ പ്രശ്നം... "

അത് കേട്ടതും ചേച്ചിയൊന്ന് ഞെട്ടി.

" നീ അത് കണ്ടോ... എന്താ അവൾ പറഞ്ഞെ... "

" അവൾക്ക് ദേഷ്യം ചേച്ചിയോടല്ല മറിച്ച് എന്നോടാണ്.. ഞാൻ അതിനുമാത്രം എന്താ അവളെ ചെയ്തേ...? "

എന്റെ സങ്കടവും ദേഷ്യവും കണ്ട് ചേച്ചി എന്റെ അടുക്കൽ ഇരുന്ന് എന്നെ സമാധാനിപ്പിച്ചു...

" മ്മ്... നീ പറഞ്ഞത് ശെരിയാ... ഇല്ലെങ്കിൽ അവൾക്ക് എത്ര ദേഷ്യമുണ്ടെങ്കിലും നിന്നെ അനാവശ്യം പറഞ്ഞത് കുറച്ച് കൂടി പോയി. നീ അറിഞ്ഞോ അറിയാതെയോ എന്തെങ്കിലും അവളോട് ചെയ്തിട്ടുണ്ടോ... "

" ഇല്ല ചേച്ചി... ഞാൻ അമ്മയും അനിയത്തിയും ദുബായിലേക്ക് പോയപ്പോൾ അമ്മ പറഞ്ഞ് തറവാട്ടിലാണ് ആദ്യം നിൽക്കാൻ കരുതിയത്. ഇന്ദുവേച്ചിക്ക് വിളിച്ച് കാര്യം പറഞ്ഞപ്പോൾ അവൾ എന്നോട് ബാലൻ മാമന്റെ കൂടെ നിൽക്കാൻ ഉപദേശിച്ചു. ഇനി അവൾ പറഞ്ഞതിൽ അമ്മയ്ക്ക് അവളോട് നീരസം ഉണ്ടാകേണ്ട എന്ന് കരുതി അമ്മയോട് ഞാൻ അത് മറച്ചു വെച്ചാണ് നിങ്ങളുടെ വീട്ടിലേക്ക് വന്നത്. അന്ന് വിളിച്ചതല്ലാതെ അതിന് മുൻപോ ശേഷമോ ഞാൻ അവളെ വിളിച്ചിട്ട് പോലുമില്ല... "

"മ്മ്... എങ്കിൽ നീ അറിയാത്ത എന്തോ കാര്യം അവളുടെ മനസ്സിലുണ്ട്.. സാരമില്ല നമുക്ക് വഴിയേ കണ്ടു പിടിക്കാം... നീ പോയി മുഖം കഴുകി വന്നേ... പോ.."

ഞാൻ ചേച്ചിയെ നോക്കി ചിരിച്ചു പുറത്തേ കോണിയുടെ സൈഡിലുള്ള ബാത്‌റൂമിൽ നിന്ന് കയ്യും മുഖവും കഴുകി വന്ന് നേരെ കടയിലേക്ക് കയറി. ചേച്ചി അപ്പോൾ കാശ് കൗണ്ടറിന് മുന്നിലുള്ള കമ്പ്യൂട്ടറിൽ എന്തോ പരതുകയായിരുന്നു...

ഞാൻ കൗണ്ടറിനുള്ളിലേക്ക് കയറി അവിടെയുള്ള ചെയറിൽ ഇരുന്ന് മൊബൈലിൽ കളിച്ച് കൊണ്ടിരുന്നു.
കുറച്ച് നേരം കഴിഞ്ഞു ഞാൻ തിരിഞ്ഞ് ചേച്ചിയോട് ചോദിച്ചു..

" അല്ല ചേച്ചി ഞാൻ ഒരു മാസമായില്ലേ നിങ്ങളുടെ വീട്ടിൽ വന്നിട്ട്, ബാലേട്ടനും കുട്ടികളുമില്ലാത്ത ഒരുപാട് ദിവസങ്ങളിൽ നമ്മൾ ഒരുമിച്ചു വീട്ടിൽ ഉണ്ടായിട്ടുമുണ്ട്. പക്ഷേ അന്നൊന്നും ചേച്ചി എന്നോട് ഇങ്ങനെയൊന്നും പെരുമാറിയിട്ടില്ലല്ലോ.. പിന്നെ ഇപ്പൊ ഇതെന്ത് പറ്റി...? "

ചേച്ചി ചിരിച്ച് കൊണ്ട് എന്റെ മുഖത്തേയ്ക്ക് നോക്കികൊണ്ട് പറഞ്ഞു.