Chapter Title : അഴകാന രാക്ഷസി…. 3 [മനൂപ് ഐദേവ്]

അറ്റത്തായി ലെഫ്റ്റ് സൈഡിൽ ഒരു ബെഡ്‌റൂം റൈറ്റ് സൈഡിൽ ചെറിയൊരു കിച്ചൺ.

ബാത്രൂം ആ ബെഡ് റൂമിൽ മാത്രമാണ് ഉണ്ടായിരുന്നത്. ഹാളിന്റെ എതിർ വശത്തായി പുറത്തേക്ക് തുറക്കുന്ന രണ്ട് ജനലുകളും ഒരു ഡോറും ഉണ്ടായിരുന്നു.

ഡോറിന്റെ അപ്പുറത്ത് ചെറിയൊരു ബാൽക്കണിയും ഉണ്ട്. ഹാളിൽ തന്നെ ചുമരിനോട് ചാരി ഒരു സിംഗിൾ കട്ടിലും അതിനോട് ചാരി ഒരു അലമാരയും ഉണ്ട്.

" ഡാ... നീ ഇവിടെ കിടന്നോ... നിന്റെ ഡ്രെസ്സെല്ലാം ആ അലമാരയിലും വെച്ചോ... ബെഡ്‌റൂമിൽ ചേച്ചി കിടന്നോട്ടെ... "

അശ്വിൻ അത് പറഞ്ഞപ്പോൾ ഞാൻ തലയാട്ടി എന്റെ ബാഗ് ആ കട്ടിലിൽ വേച്ചു.

ഇന്നലെ ഉച്ചയ്ക്ക് കയറിയതാണ് ട്രെയിനിൽ. അതിൽ കിടന്നുറങ്ങാനൊക്ക പറ്റിയിരുന്നെങ്കിലും ഒന്ന് നീണ്ടു നിവർന്നു കിടക്കാൻ തോന്നി. ഞാൻ ആ കട്ടിലിൽ ഡ്രെസ്സൊന്നും മാറ്റാതെ തന്നെ കിടന്നു.

ഈ സമയം അശ്വിൻ ചേച്ചിയുടെ ബാഗുമായി ബെഡ്‌റൂമിനുള്ളിലേക്ക് പോയി. അതിന്റെ വാതിൽ തുറന്നപ്പോൾ ആ ബെഡ്‌റൂമിൽ AC വെച്ചിട്ടുണ്ടെന്ന് മനസ്സിലായി. അവിടെ ഉള്ളത് ഡബിൾ കോട്ട് കാട്ടിലാണ്.

എന്റെ കട്ടിലിൽ കിടന്നാൽ ആ മുറിയുടെ ഉള്ളൊക്കെ കാണാൻ പറ്റും...

ഞങ്ങൾ രണ്ട് പേരും അകത്ത് കയറിയിട്ടും ചേച്ചി ഉള്ളിലേക്ക് വന്നിരുന്നില്ല.. അവൾ പുറത്ത് നിന്ന് ആർക്കോ ഫോൺ വിളിക്കുകയാണെന്ന് തോന്നുന്നു. കുറച്ചു കഴിഞ്ഞപ്പോൾ അവൾ കാൾ കട്ടാക്കി ഉള്ളിലേക്ക് കയറി.

എന്നിട്ട് ഹാളും മറ്റും ഒന്ന് നോക്കി കണ്ട് ബെഡ്‌റൂമിലേക്ക് കയറി. ഞാൻ മനപ്പൂർവ്വം അവൾക്ക് മുഖം കൊടുക്കാതിരിക്കാൻ വേണ്ടി എന്റെ കട്ടിലിൽ കിടന്ന് മൊബൈലിൽ തോണ്ടി.

അവൾ ബെഡ്‌റൂമിൽ കയറിയ ഉടനെ തന്നെ ആ വാതിൽ ചേർത്തടച്ചു. പിന്നെ പത്തു - പതിനഞ്ചു മിനിറ്റിന് ശേഷം അശ്വിൻ വാതിൽ തുറന്നു പുറത്തു വന്നു...

" ഡാ... അവൾ കുളിക്കാൻ കയറിയേക്കുവാ.. ഞാൻ വൈകുന്നേരം വരാം.. ഉച്ചയ്ക്കുള്ള ഫുഡ്‌ ഓർഡർ ചെയ്തിട്ടുണ്ട്.. രാത്രിയിലേക്കുള്ളത് ഞാൻ കൊണ്ട് വരാം... ഓക്കേ ബൈ... "

അതും പറഞ്ഞു പുള്ളി ബെഡ്‌റൂമിന്റെ വാതിലടച്ച് പുറത്തേക്ക് പോയി... ഞാൻ ആ കട്ടിലിലേക്ക് വീണ്ടും കിടന്നു മൊബൈൽ തോണ്ടി..

കുറച്ചു കഴിഞ്ഞപ്പോൾ എനിക്ക് നന്നായി