Chapter Title : ? ബീവി 2 ? [räbi]

നോക്കി .

“വേണ്ട .. വലിയ കാര്യമൊന്നുമല്ല ഞാൻ പിന്നെ ചോദിച്ചോളാം .. ഇക്ക കിടന്നോ .. ” ഞാൻ ഇക്കാടെ തല പിന്നെയുമെന്റെ വയറിനോട് ചേർത്തു . “”ചോദിച്ചോ .. ബീവീ .. ” എന്റെ മാറിലൂടെ വീണിരുന്ന മുടികൾ പിടിച്ചുകൊണ്ട് ഇക്ക പറഞ്ഞു .

“ഞാൻ ഡയറി വായിച്ചപ്പോൾ ആയിഷയെ കുറിച്ചു വായിച്ചു ..” ഇക്കയെന്റെ കണ്ണുകളിലേക്ക് തന്നെ നോക്കുകയാണ് . ഇക്കയുടെ നോട്ടം എന്നെ വല്ലാതാക്കുന്നുണ്ടായിരുന്നു . ഇക്കയെ എനിക്കത്രക്കിഷ്ടമാണ് .

“ആയിഷയാരാണെന്നാണോ ..? ” ഞാൻ പൂർത്തീകരിക്കാതെ നിശബ്ദയായപ്പോൾ ഇക്ക ചോദിച്ചു .

“ആയിഷ ചെറുപ്പത്തിലെ കളിക്കൂട്ടുകാരിയാണ് .. മാമാടെ മോളുമാണ് .!

ഉമ്മാടെ വീടും വാപ്പാടെ വീടും തമ്മിൽ അധികം ദൂരമില്ല . ചെറുപ്പത്തില് ഉമ്മാടെ വീടിന്റെയവിടെയായിരുന്നു മെയ്നായിട്ട് കൂട്ടുകാര് . . ശനിയും ഞായറും അവിടെ പോയി കളിക്കും .

ചിലപ്പോ തറവാട്ടിൽ പാർത്തു അവിടെ നിന്ന് സ്കൂളിൽ പോകും ! ഉമ്മാക്ക് രണ്ട് ആങ്ങളമാരാണ് . ആദ്യത്തെ ആങ്ങളയുടെ എന്റെ വല്ല്യമാമയുടെ മകളാണ് ആയിഷ ..”

ഞാൻ മുടികൾ തഴുകികൊണ്ടിരുന്നു .. അതുവരെ തെളിഞ്ഞിരുന്ന മുഖം വാടുന്നത് ഞാൻ ശ്രദ്ധിച്ചു ..

“തറവാടിനോട് ചേർന്ന് തന്നെയാണ് വല്ല്യാമയുടെ വീടും . പകലുമുഴുവൻ അവിടായിരിക്കും . മുറ്റത്തും പറമ്പിലും പിന്നെയവിടത്തെ പരിസരങ്ങളെല്ലാം ഞങ്ങൾ ചുറ്റിനടന്ന് കുറേ ഓർമകളുണ്ട് . .

മിക്കപ്പോഴും ചെക്കൻമാരൊന്നും ഉണ്ടാവില്ല .. ഒരു ഓളത്തിനെ അവർ വരൂ .. പിന്നെയവർക്കൊന്നും കളിക്കാൻ താല്പര്യമുണ്ടാകില്ല . അങ്ങനെ കുറച്ചു ദിവസം വരാതിരിക്കും .

അപ്പോഴൊക്കെ ഞാനും ആയിശയുമാണ് ചുറ്റല് ..

ഇടക്ക് നായിഫിനെയിം മെഹ്‌ജൂനേം സാധിയേം കൂട്ടും . സവാരിയാണെങ്കിൽ അവരെ ഒഴിവാക്കും .”

ആയിഷയെ പറ്റി പറയുമ്പോൾ ഇക്കാടെ മുഖം തെളിയും ചിരിക്കും എന്റെ മുഖത്തു നോക്കും തുടരും .. ഇപ്പോൾ ഒരു കൈ പുറത്തുകൂടി എന്നെ ചുറ്റിയിട്ടുണ്ട് .

“ഒരു ദിവസം അവളുടെ വീടിനു പുറകുവശത്തെ പറമ്പില് ഞാനും അവളും മാത്രമുള്ളപ്പോൾ നല്ല കാറ്റു വന്നു .. മഴക്കോള് പോലെ .. ആയിഷ ഒരു ചെടിയിൽ നിന്നും ഒരുതരം ചെറിയ കുരുകൾ പറിക്കുകയാരിന്നു ..!

ആ കുരു പൊട്ടിച്ചാല് ചുമന്ന ചായം വരും .. അവളത് നഖത്തിലും ചുണ്ടത്തുമൊക്കെ പെറ്റും . ( ഇക്ക ചിരിച്ചു)

അപ്പോൾ മുറ്റത്തെയഴയിലെ തുണിയെടുക്കാൻ അമ്മായി പുറത്തേക്ക്‌ വന്നു. മഞ്ഞൾ പിഴിയുന്ന