Chapter Title : ഭാര്യയുടെ അവിഹിതവവും ഭർത്താവിന്റെ കുറ്റാന്വേഷണവും 10 [ഗില്ലി ബാല] [Climax]

അകത്തേക്ക് വന്നത് വേണിയായിരുന്നു.

“എന്താ വേണി? ” ഞാൻ എഴുന്നേറ്റിരുന്നു.

“ഒന്നുമില്ല ഏട്ടാ… ഉറക്കം വരുന്നില്ല.” അവൾ പതിയെ പറഞ്ഞു.

“ഹ്മ്മ്.....എനിക്കും ഉറക്കം വരുന്നില്ല.”

ഞാൻ ഒരു ദീർഘനിശ്വാസം വിട്ടു.

വേണി പതുക്കെ വന്ന് കട്ടിലിന്റെ ഒരറ്റത്ത് എന്റെ അടുത്തിരുന്നു. ഞാൻ താഴേക്ക് നോക്കി എന്റെ പഴയ ഓർമ്മകളിൽ മുഴുകിയിരുന്നു.

“ഏട്ടാ…”

അവൾ എന്നെ പതുക്കെ വിളിച്ചു.

ഞാൻ ഒന്ന് മൂളി.

“ഏട്ടനെ ഇങ്ങനെ കാണുമ്പോൾ എന്റെ നെഞ്ച് പിടയുന്നു. ദയവുചെയ്ത് ഇങ്ങനെ തളർന്നിരിക്കല്ലേ.”

“എനിക്കറിയില്ല വേണി… അവളായിരുന്നു എന്റെ ലോകം. ആ ലോകം ഇനിയില്ല എന്ന് ഓർക്കുമ്പോൾ നെഞ്ചിനുള്ളിൽ ഒരു വലിയ ഭാരം അനുഭവപ്പെടുകയാണ്.”

“എന്താ ഏട്ടാ ഇത്? ഏട്ടനല്ലല്ലോ… അർച്ചനയല്ലേ ആ ലോകത്ത് നിന്നും ഇറങ്ങിപ്പോയത്. അതിന് ഏട്ടൻ എന്തിനാ ഇങ്ങനെ സങ്കടപ്പെടുന്നത്?”

വേണിയുടെ ചോദ്യങ്ങൾ ന്യായമായിരുന്നു, പക്ഷേ എന്റെ മനസ്സ് അത് ഉൾക്കൊള്ളാൻ തയ്യാറായിരുന്നില്ല.

“മറ്റന്നാൾ ഞാൻ എല്ലാം അവസാനിപ്പിക്കും. അതുകഴിഞ്ഞാൽ പിന്നെ ഞാൻ ഈ ലോകത്ത് തനിച്ചാവില്ലേ വേണി? എനിക്കെന്ന് പറയാൻ ഇനി ആരാണ് ഉള്ളത്?”

ആലോചിച്ചപ്പോൾ എന്റെ നിയന്ത്രണം വിട്ടുപോയി. ഞാൻ പൊട്ടിക്കരഞ്ഞു. എന്റെ കരച്ചിൽ കണ്ട് വേണിയുടെ കണ്ണുകളും നിറഞ്ഞുതുളുമ്പി. അവൾ പെട്ടെന്ന് എന്നെ ചേർത്തുപിടിച്ച് അവളുടെ നെഞ്ചിലേക്ക് അമർത്തി. ആ നിമിഷം, ആ സാന്ത്വനത്തിൽ ഞാൻ ഒരല്പം ആശ്വാസം കണ്ടെത്തി. ലോകം മുഴുവൻ എന്നെ ചതിച്ചാലും വേണി കൂടെയുണ്ടാകുമെന്ന ഒരു തോന്നൽ എന്റെ ഉള്ളിൽ പതുക്കെ നാമ്പിട്ടു.

അവളുടെ നെഞ്ചിലെ ആ ചൂടിൽ മുഖമമർത്തി ഞാൻ കുറച്ചുനേരം അങ്ങനെ തന്നെ ഇരുന്നു. വേണിയുടെ വിരലുകൾ എന്റെ മുടിയിഴകളിലൂടെ