Bhoga Pooja Part 3 | Author : Mkuttan

Previous Parts

മുൻഭാഗങ്ങൾ വായിച്ചതിനു ശേഷം മാത്രം ഇതു വായിക്കുക

____________________________________

ആ ബന്ധപ്പെടലിലൂടെ അവർ അനുഭവിച്ചു വന്ന മാനസിക സംഘർഷം അല്പം അയഞ്ഞു. അവന്റെ നെഞ്ചിൽ തലവച്ചു അവൾ അവനെ പുണർന്നു കിടന്നു. "ഏട്ടാ. ഈ പൂജ നടന്നു കഴിഞ്ഞാൽ എന്നോട് ഏട്ടന് ദേഷ്യം ഉണ്ടാകുമോ?" അവളുടെ ചോദ്യത്തിന് മുന്നിൽ അവൻ അല്പം ഒന്നു പതറി. ശരിക്കും തനിക്ക് ദേഷ്യം ഉണ്ടാവുമോ എന്നവൻ ഭയന്നു. "ഇല്ല മോളെ. നീ നമുക്ക് വേണ്ടി എടുക്കുന്ന ഈ റിസ്ക് ഒരിക്കലും എന്നിൽ ദേഷ്യം ഉണ്ടാക്കില്ല." അവളെ അശ്വസിപ്പിക്കാനായി പറഞ്ഞു. എന്നിട്ട് അവളെ കൂടുതൽ തന്നോടമർത്തി. അവളുടെ തലമുടിയിൽ തലോടിക്കൊണ്ട് മൂർധാവിൽ ഒരു ചുംബനം നൽകി. അവൾ താൻ അനുഭവിക്കുന്ന സ്നേഹത്തിലും സുരക്ഷിതത്വത്തിലും അവനെ പുണർന്നു കിടന്നു എപ്പോഴോ മയങ്ങി.

"ഏട്ടാ, എഴുന്നേൽക്ക്". അവളുടെ ശബ്ദം കേട്ടാണ് സുമിത് ഉണർന്നത്. നോക്കുമ്പോൾ ശ്രുതി കുളിച്ചു വസ്ത്രം ഒക്കെ മാറിയിരുന്നു. ഒരു ബ്ലൂ കളർ ടോപ്പും വൈറ്റ് ലെഗ്ഗിൻസും ആയിരുന്നു അവളുടെ വേഷം. തലയിൽ ടർക്കി ചുറ്റിയിട്ടുണ്ട്. "ആ നീ രാവിലെ എഴുന്നേറ്റ് കുളിച്ചൊരുങ്ങിയോ?" സുമിത് അവളുടെ കയ്യിൽ നിന്നും ചായ കപ് വാങ്ങിക്കൊണ്ട് തിരക്കി. "അതിനു സമയം എത്ര ആയി എന്നൊന്ന് നോക്കിക്കേ". മുഖത്തേക്ക് വീണ മുടിച്ചുരുളകളെ മടിയൊതുക്കി കൊണ്ട് അവൾ പറഞ്ഞു.

ക്ലോക്കിലേക്ക് നോക്കിയ സുമിത് അതിശയത്തോടെ "ആഹാ 10 മണി ഒക്കെ ആയോ." എന്നു പറഞ്ഞു കൊണ്ട് കട്ടിലിൽ പിടിച്ചു എണീക്കാൻ ശ്രമിക്കുന്ന മകനെ വാരിയെടുത്തു കൊഞ്ചിച്ചു. "വേഗം റെഡി ആയി വാ ഞാൻ ഫുഡ് എടുത്തു വെക്കാം." അവൾ മോനെയും വാങ്ങി ഒക്കെത്തെടുത്തു കൊണ്ട് മുറി വിട്ട് പോയി. അവൻ ഉടനെ തന്നെ എഴുന്നേറ്റു പ്രഭാത കൃത്യങ്ങളും കുളിയും ഒക്കെ കഴിഞ്ഞു ഒരു ട്രാക്ക് പാന്റും ട് ഷർട്ടും ഇട്ടു ഡൈനിങ്ങ് ടേബിളിൽ വന്നിരുന്നു. 2 മാസങ്ങൾക്കു മുൻപ് വരെ താൻ ഈ സമയത്തു ഓഫീസിൽ തിരക്കിട്ട ജോലികളിൽ ഏർപ്പെടുന്നതിനെ പറ്റി ഓർത്ത് അയാൾ നെടുവീർപ്പിട്ടു.