Chapter Title : ഭൂമിയിലെ ഗന്ധർവ്വൻ 4 [Climax]

പുനഃസ്ഥാപിക്കപ്പെടുകയായിരുന്നു. ആകാശത്ത് കാർമേഘങ്ങൾ മാറി പുതിയൊരു സൂര്യൻ തേജസ്സോടെ ഉദിച്ചുയർന്നു.

ശത്രുക്കളിൽ നിന്ന് കൊട്ടാരം പൂർണ്ണമായി മോചിപ്പിക്കപ്പെട്ട ആ പുലരിയിൽ തന്നെ , ഞാൻ  എന്റെ  പ്രാണപ്രിയയെയും തന്റെ പിഞ്ചോമനയേയും സുരക്ഷിതമായി കൊട്ടാരത്തിലേക്ക് തിരികെ കൊണ്ടുവരാൻ യാഗശാലയിലേക്ക് യാത്രയായി.

അവിടെ, ഗുരുവിന്റെ കാവലിൽ ഇരുന്ന പ്രാണപ്രിയയുടെ കണ്ണുകൾ തന്നെക്കാണാൻ വന്ന തന്റെ പ്രിയതമനെ കണ്ടതും ആനന്ദാശ്രുക്കളാൽ നിറഞ്ഞുതുളുമ്പി. ഞാൻ  അവരെ രണ്ടുപേരെയും വാരിപ്പുണർന്നു. തന്റെ പ്രാണന്റെ നെഞ്ചിൽ ചേർന്നുറങ്ങുന്ന കുഞ്ഞിന്റെ നെറ്റിയിൽ സ്നേഹത്തോടെ ചുണ്ടുകൾ ചേർത്ത്, ഞാൻ  ആ മനോഹര കുടുംബത്തെയും കൂട്ടി സ്വന്തം കൊട്ടാരത്തിലേക്ക് മടങ്ങി.

ജനങ്ങൾ പൂമാലകളോടെയും ആരവങ്ങളോടെയും തങ്ങളുടെ പ്രിയപ്പെട്ട രാജാവിനെയും രാജ്ഞിയെയും വരവേറ്റു.

***************************************************

അതിനുശേഷം അങ്ങോട്ട്, ആ രാജ്യത്തിന്റെ സുവർണ്ണ കാലഘട്ടമായിരുന്നു. അഞ്ചു വർഷങ്ങൾ ഒരേയൊരു മാന്ത്രികസ്വപ്നം പോലെ കടന്നുപോയി. രാജാവിന്റെ മിടുക്കായ ഭരണത്തിൽ ആ നാട് സസ്യശ്യാമളമൃഗങ്ങളാൽ സമൃദ്ധമായി. പ്രജകൾ പരസ്പരം സ്നേഹത്തോടും സമാധാനത്തോടും കൂടി ജീവിച്ചു. യുദ്ധത്തിന്റെ കറുത്ത പാടുകൾ മാഞ്ഞ് ആ കൊട്ടാരം വീണ്ടും പൂവണിഞ്ഞു.

ഈ അഞ്ചു വർഷങ്ങൾക്കിടയിൽ, ആ കൊട്ടാരത്തിന്റെ വരാന്തകളിൽ ഓടിച്ചാടിനടക്കുന്ന ഒരു കൊച്ചു രാജകുമാരൻ എല്ലാവരുടെയും കണ്ണിലുണ്ണിയായി മാറി. അന്ന് യാഗശാലയിൽ പിറന്നുവീണ ആ കുഞ്ഞ് ഇന്ന് അഞ്ചു വയസ്സിന്റെ ചുറുചുറുക്കോടെ, അച്ഛന്റെ ധീരതയും അമ്മയുടെ സൗന്ദര്യവും ഒത്തിണങ്ങിയ ഒരു തേജസ്സായി വളർന്നിരുന്നു.

രാജ്യമെങ്ങും വസന്തം നിറഞ്ഞുനിൽക്കുന്ന ഒരു സായാഹ്നം. കൊട്ടാരത്തിന്റെ ഉയരമുള്ള മട്ടുപ്പാവിൽ, തണുത്ത കാറ്റേറ്റ് എന്റെ പ്രാണപ്രിയയോടും ഓടിച്ചാടി കളിക്കുന്ന എന്റെ അഞ്ചു വയസ്സുകാരൻ മകനോടുമൊപ്പം ഞാൻ ചിലവഴിക്കുകയായിരുന്നു. എന്റെ മകന്റെ കുറുമ്പും നിഷ്കളങ്കമായ ചിരിയും കണ്ടുനിൽക്കുന്ന