Black Dahlia 2

Author : Parvathi | www.kkstories.com | Previous Part

കുളിച്ചിറങ്ങിയ ദേവപ്രിയ സ്റ്റഡി ടേബിളിന് മുന്നിലിരുന്ന് ലാപ്ടോപ്പിൽ എന്തോ കാര്യമായി തിരയുന്ന നന്ദനെ കണ്ട് സംശയിച്ചു.... അവൾ അലമാര തുറന്ന് ഉടുത്തിരുന്ന ടവൽ മാറ്റി ഒരു ഷോർട്സും ടീഷർട്ടും ധരിച്ചു, നന്ദുവിന്റെ അരികിൽ വന്നിരുന്നു....

"എന്തുവാ നോക്കുന്നെ.... ഉറങ്ങണ്ടേ..."...

"ഇപ്പൊ വരാം....."അവനതു പറഞ്ഞതും പ്രിയ താല്പര്യത്തോടെ ലാപ്ടോപിന്റെ സ്ക്രീനിലേക്ക് നോക്കി.....കുറെ നാളുകൾക്ക് മുന്നേ വന്ന ഏതോ ഒരു പെൺകുട്ടിയെ കുറിച്ചുള്ള യൂട്യൂബിലെ ന്യൂസ്‌ ആയിരുന്നു അവനിത്ര കാര്യമായി നോക്കിക്കൊണ്ടിരുന്നത്....

'കോളേജ് വിദ്യാർത്ഥിനിയെ കാണ്മാനില്ല' വാർത്തയുടെ തലക്കെട്ട് ദേവപ്രിയ വായിച്ചു

"നമ്മുടെ കോളേജിൽ ഇപ്പൊ രണ്ടാം വർഷം പഠിക്കേണ്ട കുട്ടി ആയിരുന്നു....".... അവളത് പറഞ്ഞതും നന്ദു ഞെട്ടി,

"നിനക്ക് അറിയോ ഈ കുട്ടിയെ?"

"അറിയാല്ലോ......ഒത്തിരി ഇഷ്യൂ ആയ സംഭവം അല്ലെ...കഴിഞ്ഞ ആഴ്ച്ചകൂടെ ന്യൂസിൽ ഉണ്ടായിരുന്നല്ലോ...."... ലാപ്ടോപിലേക്ക് നോക്കി പ്രിയ പറഞ്ഞു..... വാർത്തകൾ ഒന്നും താൻ ശ്രദ്ധിക്കാറില്ല, നന്ദു ഓർത്തു

"ഓഹ്......"ഉള്ളിൽ പലവിധ ചിന്തകളോടെ നന്ദു എഴുന്നേറ്റ് ബെഡിൽ ഇരുന്നു....

"ഇപ്പൊ എന്താ അവളെ കുറിച്ചൊരു അന്വേഷണം...."... മുറിയിലെ ജനലുകൾ തുറക്കുന്നതിനിടയിൽ പ്രിയ ചോദിച്ചു.... രാത്രി ac ഉപയോഗിക്കാറില്ല, ജനലിലൂടെ അകത്തേക്ക് കടക്കുന്ന രാത്രിയുടെ തണുപ്പിൽ ഉറങ്ങുന്നതായിരുന്നു അവൾക്കിഷ്ടം...

"നമ്മൾ ഇപ്പൊ ഇരിക്കുന്ന ക്ലാസ്സ്‌റൂമിൽ ആവും അല്ലെ അവളും പഠിച്ചിരുന്നത്...."...

"Maybe... Bcom ആണെങ്കിൽ നമ്മളിപ്പോ ഇരിക്കുന്ന ക്ലാസ്സ്‌റൂമിൽ തന്നെ ആയിരിക്കും അവളും പഠിച്ചിരുന്നത്....."ദേവപ്രിയ പറഞ്ഞു

"Bcom ആയിരുന്നു....."നന്ദുവിന്റെ ശബ്ദം വരണ്ടു....

"എന്തുപറ്റി ചെക്കാ നിനക്ക്...."....

സ്റ്റഡി ടേബിളിനോട്‌ ചേർന്നുള്ള ഷെൽഫിൽ നിന്നുമെടുത്ത ബോഡി ലോഷനുമായി പ്രിയ നന്ദുവിന്റെ അരികിൽ ഇരുന്നു....അവനതുവാങ്ങി തുറന്ന് അല്പം കൈയിൽ ഒഴിച്ചു....പ്രിയ ഉടനെ ബെഡിലേക്ക് വീണു നിവർന്നു കിടന്നു.....

"നല്ലോണം മസ്സാജ് ചെയ്ത് തരണേ....."കണ്ണുകൾ അടച്ചുകൊണ്ട് ദേവപ്രിയ പറഞ്ഞതും നന്ദുവിന്റെ ചുണ്ടുകളിൽ നേർത്തൊരു പുഞ്ചിരി മിന്നി മാഞ്ഞു....

"ചിരി വന്നാൽ ചിരിക്കണം.... അതിങ്ങനെ പിടിച്ചു വയ്ക്കരുത്...."കണ്ണുകൾ അടച്ചുകിടന്നുകൊണ്ട് പ്രിയ ഗൗരവത്തോടെ പറഞ്ഞു....നന്ദു അവളുടെ കൈയികളിലും കാലുകളിലും ലോഷൻ തേച്ച് അല്പനേരം മസ്സാജ് ചെയ്തു കൊടുത്തതിനുശേഷം ബോട്ടിൽ തിരികെ ഷെൽഫിൽ കൊണ്ടുവച്ചു,ലൈറ്റ് ഓഫ് ചെയ്ത് തിരികെ അവളുടെ അരികിൽ വന്നു കിടന്നു....

നന്ദു വന്നു കിടന്നതറിഞ്ഞ പ്രിയ ഉരുണ്ടുതിരിഞ്ഞ് അവന്റെ നെഞ്ചിൽ തല വച്ചു, ഉടവ് തട്ടാത്ത മാറിടങ്ങളുടെ മുഴുപ്പ് വയറിൽ അമർന്നു നന്ദു ഒന്നുവിറച്ചു....അവളുടെ മുടിയിഴകളിൽ നിന്ന് വമിക്കുന്ന ഷാമ്പുവിന്റെയും കണ്ടീഷ്ണറിന്റെയും ഗന്ധം മണത്തുകൊണ്ട് അവൻ കണ്ണുകൾ മുറുക്കെ അടച്ചുകിടന്നു....രാത്രിയിൽ എപ്പോഴോ അവൻ ഒന്നുകൂടെ അവളെ തന്നിലേക്ക് ചേർത്തു പിടിച്ചിരുന്നു....

.

.

.

നീലാന്ധര കൊടുംവനത്തിന്റെ ആരംഭം.... അത്  നാടും കാടും തമ്മിൽ വേർപിരിയുന്ന വനാതിർത്തി ആയിരുന്നു..... ആകാശം മുട്ടെ വളർന്നു നിൽക്കുന്ന നൂറുകണക്കിന് അൽക്കേഷ്യ മരങ്ങളുടെയും ആൽമരങ്ങളുടെയും ഇടയിൽ ഇരുട്ടിന്റെ മറവിൽ ഉയർന്നു നിൽക്കുന്ന വന്മാളികപോലെ പഴക്കം ചെന്നൊരു കെട്ടിടം

ആദർശ് തന്റെ കൈയിലിരുന്ന ബിയർ ബോട്ടിൽ ഊക്കിന് ചുവരിലേക്ക് വലിച്ചെറിഞ്ഞു.... അത് പല കഷ്ണങ്ങളായി പൊട്ടിചിതറി....

"ഒരിടിക്ക് ഇല്ലാത്ത നിന്റെയൊക്കെ മുന്നിൽ എന്തോ ആളാവാനാ