Black Dahlia 4

Author : Parvathi | www.kkstories.com | Previous Part

...പ്രിയയുടെ കൈപ്പിടിയിൽ ഒതുങ്ങി നിന്നിരുന്ന നന്ദൻ കിതച്ചുകൊണ്ട് ചോദിച്ചു

"ഞാനൊരു ആർട്ടിസ്റ്റ് അല്ലെ പ്രിയ.... ഒരു ചിത്രം കണ്ടാൽ അതിന്റെ അർത്ഥം എനിക്ക് മനസ്സിലാകില്ലേ?...."

"നിനക്ക് മനസ്സിലാകില്ലെന്ന് ആരാ പറഞ്ഞെ?...."പ്രിയ ഉടനെ തിരികെ ചോദിച്ചു

"അത്... അത് കോളേജിൽ വച്ച് ഭൂമിക ചോദിച്ചില്ലേ, എനിക്ക് സുഖമില്ലേന്ന്...ഞാൻ പൊട്ടത്തരം വിളിച്ചു പറയുകയാണെന്ന്...."

ഏങ്ങി ശ്വാസമെടുത്തുകൊണ്ട് നന്ദു പതംപറഞ്ഞു....പ്രിയ ഒന്ന് നിശ്വസിച്ചു.....അതായിരുന്നു കാര്യം.....കേവലം ഇന്നലെ കണ്ട ഒരാളുടെ അവഗണന അവന്റെ ഹൃദയത്തെ വല്ലാതെ പിടിച്ചുലച്ചിരുന്നു....

"എന്തുകൊണ്ടാ അവളെന്നെ മനസ്സിലാകാത്തത്?...."... കൊച്ചു കുട്ടികളെപ്പോലെ ചോദിക്കുന്ന നന്ദുവിനെ കാണെ പ്രിയക്ക് സങ്കടം തോന്നി

"അവളെന്തിനാ നിന്നെ മനസ്സിലാക്കുന്നത്...."

പ്രിയ മുഖം വീർപ്പിച്ചു,...അവനെ വിട്ടുമാറി ബെഡിൽ ചെന്ന് കൈകെട്ടിയിരുന്നു....

"എന്താ... എന്തുപറ്റി...."

പിണങ്ങിയതുപോലെ ബെഡിൽ ഇരിക്കുന്ന പ്രിയയെ കണ്ട് നന്ദുവിന്റെ കണ്ണ് ഒന്നുകൂടെ തുറന്നു.... അവനോടിപ്പോയി അവളുടെ അടുത്തിരുന്നു....

"എന്ത്യേ... എന്തുപറ്റി..."നന്ദു വീണ്ടും ചോദിച്ചു

"നിന്നെ ഞാൻ മാത്രം മനസ്സിലാക്കിയാപോരെ.... ഞാനല്ലേ എന്നും നിന്നെ മനസ്സിലാക്കിയിട്ടുള്ളത്... പിന്നെന്തിനാ അവള് പറയുന്ന കേൾക്കുന്നെ?...."... പിണങ്ങിയ ഭാവത്തിൽ പ്രിയ ചുണ്ട് പിളർത്തി ചോദിച്ചതും നന്ദുവിനും വിഷമമായി....അവൻ പ്രിയയുടെ മുഖത്തേക്ക് അല്പനേരം കണ്ണെടുക്കാതെ നോക്കി ഇരുന്നു, പിന്നെ സാവധാനം അടുത്തേക്ക് ചാഞ്ഞ് അവളുടെ കവിളത്ത് പതിയെ ചുണ്ട് മുട്ടിച്ചു...

"സോറി....ഇനി ഞാൻ അവള് പറയുന്നതൊന്നും കേൾക്കില്ല"....നന്ദു ഉറപ്പോടെ പറഞ്ഞു

"അവളെന്നല്ല... ഞാൻ അല്ലാതെ വേറെ ആര് പറയുന്നതും കേൾക്കണ്ട...."... ചിരി കടിച്ചുപിടിച്ചുകൊണ്ട് പ്രിയ കൂട്ടിച്ചേർത്തു....

"ഇല്ല കേൾക്കില്ല...."അവൻ വീണ്ടും ഉറപ്പ് നൽകിയതും പ്രിയ അവനെ കെട്ടിപ്പിടിച്ചു....

"My sweet boy...."ദേവപ്രിയ ചിരിച്ചു.... അവളുടെ ചിരി കണ്ടതും നന്ദുവിന്റെ മുഖവും അല്പമൊന്നു ശാന്തമായി....

ഹരിനന്ദന്റെ ചിന്തകളെ തന്നിലേക്ക് തിരിച്ചുവിടുക എന്നല്ലാതെ അവന്റെ മനസ്സിനെ നിയന്ത്രിക്കാൻ ദേവപ്രിയയുടെ കൈയിൽ മറ്റ് മാർഗ്ഗങ്ങൾ ഇല്ലായിരുന്നു....ഹരിനന്ദന്റെ അമിതമായ ആകുലതയെ അധീനതകൊണ്ട് പിടിച്ചടക്കുന്ന ദേവപ്രിയയുടെ മെനിപ്പുലേഷൻ....

ദേവപ്രിയ എന്ന വ്യക്തിയിൽ ഹരിനന്ദന്റെ വ്യക്തിത്വം ഇഴുകി ചേരുകയായിരുന്നു...

.

.

രാത്രി അത്താഴം കഴിഞ്ഞ സമയത്ത് ബാംഗ്ലൂരിൽ നിന്നും ദേവദത്തൻ വീഡിയോ കാൾ ചെയ്തു....നന്ദു അധികം സംസാരിക്കാറില്ല എങ്കിലും അയാളുടെ സുഖവിരങ്ങൾ അന്വേഷിച്ചു....

"ഹരി നല്ലോണം ഫുഡ്‌ കഴിക്കണം കേട്ടോ.... ജിമ്മിൽ പോകുന്നില്ലേ ഇപ്പൊ?".. ദേവദത്തൻ ചോദിച്ചതും മൊബൈൽ സ്‌ക്രീനിൽ കാണുന്ന അയാളുടെ മുഖത്തേക്ക് നോക്കി നന്ദു മൂളി

"പോകുന്നുണ്ട്....."

"പൊട്ടുന്നവരെ അടിപ്പിക്കും ഞാൻ...."നന്ദുവിന്റെ അടുത്തിരുന്ന