Chapter Title : ബുദൂർ ഇഫ്രീത്തിന്റെ രാജ്ഞി 6 [സൂർദാസ്]

പോലെ ഓർമകളുടെ മുത്ത് പൊഴിഞ്ഞ് തുള്ളിക്കളിച്ചത് കൊണ്ടാവണം ബുദൂറിന്റെ മനസ് ആ കല്യാണരാവിലും ഗാസിയുടെ സാമീപ്യത്തിനായി തുടിച്ച് കൊണ്ടിരുന്നു. കല്യാണരാവിന്റെ ഒന്നാം യാമം, ആഹ്ളാദം തിരതല്ലുന്ന കൊട്ടാരം, ബുദൂറിന്റെ കൈയ്യിൽ ചിത്രംവരച്ച മൈലാഞ്ചി ഒരു തളികയിലേക്ക് നീട്ടിപ്പിടിച്ച് തോഴിമാർ വെള്ളമൊഴിച്ചു,കഴുകി തുടച്ചു കൊടുത്തു. ഗാസി അവിടെയാകെ ഓരോ കാര്യങ്ങളും നോക്കി ,ഒന്നിനും ഒരു കുറവും വരാത്ത വിധം ശ്രദ്ധിച്ച് ഓടി നടക്കുന്നുണ്ടെങ്കിലും അവന്റെ മുഖത്ത് ബുദൂറിനെ നഷ്ടപ്പെടുന്ന വേദന ഇടയ്ക്ക് ഓളം വെട്ടുന്നുണ്ടായിരുന്നു. അവളുടെ മുന്നിലൂടെ കടന്നുപോകുമ്പോഴൊക്കെ ചമയങ്ങളണിയിച്ചു ഒന്ന് കൂടി സുന്ദരിയാക്കിയ അവന്റെ മുത്തിനെ അവൻ ഒളിക്കണ്ണിട്ടു നോക്കുന്നുണ്ടായിരുന്നു. ചിലപ്പോഴൊക്കെ അവരുടെ നോട്ടം കൂട്ടിമുട്ടിയപ്പോഴൊക്കെ അവൻ കണ്ണുകൾ പിൻവലിച്ച് വേഗം കടന്ന് പോകും. മനസ്സ് വിങ്ങുന്ന വേദന കൊണ്ടാവണം അവൻ ഇന്ന് അന്നപാനീയങ്ങൾ ഉപേക്ഷിച്ച മട്ടാണ്... കല്യാണത്തിരക്കിലായിരുന്നതിനാൽ ആരും അത് ശ്രദ്ധിച്ചിരുന്നില്ല. എല്ലാവരും ഓരോരോ ജോലികളിൽ മുഴുകിയിരിക്കുകയാണ്. ശേബയും, ഇഷ്താരയും, ഹിർക്കലിന്റെ കൂടെ നിന്ന് വിശിഷ്ട അതിഥികളെ സ്വീകരിക്കുന്നതിന്റെയും അവരെ തൃപ്തിപ്പെടുത്തുന്നതിന്റെയും തിരക്കിലാണ്.

മിക്ക അതിഥികൾക്കും, ഭാരതത്തിൽ നിന്ന് കൊണ്ടുവന്ന ഏലക്കയിട്ട് തിളപ്പിച്ച വെള്ളത്തിൽ തേനും ചെറുനാരകം പിഴിഞ്ഞതും ചേർത്തിളക്കിയ സ്വാദൂറും സർബത്ത് സ്വീകരണപാനീയമെന്ന നിലയിൽ നൽകുന്നത് ഗാസി തന്നെയാണ്. പേർഷ്യയുടെ രാജകുമാരൻ തങ്ങളെ നേരിട്ട് പരിചരിക്കുന്നതും സന്തോഷിപ്പിക്കുന്നതും അതിഥികൾക്ക് വലിയ അഭിമാനബോധവും, അതോടൊപ്പം അവന്റെ വിനയത്തോടുള്ള പെരുമാറ്റം അവരിൽ അവനോട് അളവറ്റ മതിപ്പും സൃഷ്ടിക്കുന്നുണ്ട്. അവസാനം വന്നു കയറിയ അതിഥിക്ക് വെള്ളവുമായി വരുമ്പോഴാണ് ശേബയുടെ കണ്ണുകൾ ഗാസിയുടെ മുഖം ശ്രദ്ധിക്കുന്നത്. അവളുടെ ഉള്ളൊന്ന് പിടഞ്ഞു. അവന്റെ മുഖത്ത് പ്രകടമായ ക്ഷീണം മറക്കാൻ ശ്രമിച്ച് പുഞ്ചിരിച്ചാണ് അവൻ അതിഥിക്ക് വെള്ളം നീട്ടിയത്.. പക്ഷേ അവന്റെ ഉമ്മിക്ക് അവന്റെ ഏത് ഭാവവും പെട്ടെന്ന് മനസ്സിലാകും. ഒന്നും മിണ്ടാതെ , അവന്റെ കൈ പിടിച്ച് ശേബ അവരുടെ ശയനമുറി ലക്ഷ്യമാക്കി പോകുന്നത് ബുദൂറും കാണുന്നുണ്ടായിരുന്നു... കാലിൽ മൈലാഞ്ചി ആയിരുന്നതിനാൽ അവൾക്ക് അവരെ പിന്തുടരാൻ സാധിച്ചില്ല. മുറിയിൽ കയറി കതകടച്ച് ശേബ അവനെ കെട്ടിപ്പിടിച് ആശ്വശ്വസിപ്പിക്കാനെന്നവണ്ണം " ഉമ്മീടെ... മുത്തിനെന്താടാ പറ്റിയെ...സന്തോഷിക്കേണ്ട രാവല്ലേടാ... ഇത്...നീ.... ഒന്നും കഴിച്ചിട്ട് കൂടെയില്ലേ വാവേ..." എന്ന്