Chapter Title : C2 ബാച്ച് 1992 ചരല്‍ കുന്ന്

വേറെ ആരെയേലും കൂട്ടി വാ '

" ടാങ്ക് ക്ളീൻ ചെയ്യാൻ ഒന്നുമല്ലലോ സാറെ ..ഇനിയിപ്പോ അതായാലും കുഴപ്പമില്ല ...സാര് പൊക്കോ ..ഞാൻ ചെയ്തോളാം .... ഇടക്ക് വല്ല സഹായവും വേണമെങ്കിൽ ചേച്ചിയോട് പറഞ്ഞോളാം '

" ഹമ് ... ശെരി ..... പിന്നെ ചേച്ചിയോട് പഞ്ചായത്ത് വരെ ഒന്ന് വരാൻ പറ ...ഡിവോഴ്സ് ആയ സ്ഥിതിക്ക് വിധവ പെന്ഷന് വല്ല ചാൻസും ഉണ്ടോന്നു നോക്കാം '

" ശെരി സാറെ '

അപ്പോഴാണ് ഗായത്രി റെഡിയായി അങ്ങോട്ട് വന്നത് . ജയേട്ടനോട് സംസാരിക്കുന്ന ആളെ കണ്ടപ്പോൾ അവൾ ഞെട്ടി പോയി

" അനിൽ ...താൻ ഇവിടെ ?'

നേരെ നോക്കിയ അനിൽ പെട്ടന്ന് മടിക്കുത്തഴിച്ചിട്ടു

" അയ്യോ ..ടീച്ചറിന്റെ വീടായിരുന്നോ ..ഞാനറിഞ്ഞില്ല ...സാറിനെ മാത്രമേ കണ്ടിട്ടുള്ളൂ .....'

" ഓ !!! ഹ ഹ ...അങ്ങനെ വരട്ടെ ..അപ്പൊ ഇതാണ് നീ ഇന്നലെ ഇറക്കി വിട്ട സ്റ്റുഡന്റ് അല്ലെ ?"

ഗായത്രി ചമ്മലോടെ മുഖം കുനിച്ചു

' എന്റെ ഗായൂ ....രാവിലെ പത്രം വരുമ്പോ ഒന്നിറിങ്ങി നോക്കിയിരുന്നേൽ ഈ ചമ്മല് ഒഴിവാകൂല്ലരുന്നോ ..ഇതാണ് നമ്മുടെ പത്രക്കാരൻ ...പത്രക്കാരൻ എന്ന് വെറുതെ പറയണ്ട കേട്ടോ ...ഇടയ്ക്കു എനിക്ക് ഓഫീസിലെന്തെങ്കിലും ആവശ്യം ഉണ്ടേലും ഞനിവനെയാ എൽപ്പിക്കുന്നെ '

" ഞാൻ ചായ എടുക്കാം ജയേട്ടാ .." ഗായത്രി അകത്തേക്ക് കയറാൻ ഒരുങ്ങി

" ചായ ഒന്നും വേണ്ട ഗായൂ ...നീ ഇറങ്ങാൻ നോക്ക് ..ഇപ്പ തന്നെ സമയം പോയി ..'

' ജയേട്ടാ ...അനിൽ ഞാനുള്ളപ്പോ ആദ്യമായിട്ട് വീട്ടിൽ