Chapter Title : ചന്ദ്രവേദം 8 [മന്ത്രവാദി]

ഗൗരി കാശിയുമായി കൂട്ടായി. തിരികെ അവളെ വീട്ടിൽ എത്തിച്ച് കാശിയും ഭദ്രയും തറവാട്ടിലേക്ക് മടങ്ങി.

പിറ്റേന്ന് കാശി ഭദ്രയെ നിർബന്ധപൂർവം കോളേജിലേക്ക് അയച്ചു. ഡ്രോപ്ചെയ്യാൻ അവനും ചെന്ന്. കറുത്ത ഹിമാലയൻ്റെ പുറകിൽ ഇരുന്ന തൻ്റെ ഭർത്താവിൻ്റെ ഒപ്പം കോളേജ് കവാടം കടന്ന് പോകുന്ന ഇരുവരെയും മറ്റുള്ളവർ ശ്രദ്ധിക്കുന്നത് കണ്ട ഭദ്രയിൽ നാണവും അല്പം അഹങ്കാരവും വന്നു.

ബൈക്ക് നിർത്തിയപ്പാടെ ക്ലാസിലേക്ക് പോകാൻ ഒരുങ്ങിയ ഭദ്രയെ കൂട്ടി അവൻ പ്രിൻസിപ്പളിൻ്റെ ചേമ്പറിലേക്ക് നടന്നു. കൂടെ പഠിക്കുന്നവരുടെ മുന്നിൽ ആദ്യമായാണവൾ ഒരു പുരുഷൻ്റെ കൈ പിടിച്ച് നടക്കുന്നത്.

തങ്ങളെ എല്ലാവരും നോക്കുന്നുണ്ടെന്ന ഭാവം കാശിക്ക് ഇല്ലായിരുന്നെങ്കിലും ഭദ്രയ്ക്ക് അത് നന്നായി ഏൽക്കുന്നുണ്ട്. കാശിയെ നോക്കി നിൽക്കുന്ന പെൺകുട്ടികൾ ഒക്കെ അവൾക്ക് എതിരാളികളായി മാറി.

അവൾ അവൻ്റെ കയ്യിലെ പിടി വിട്ട് കൈത്തണ്ടയിലേക്ക് കയറ്റി പിടിച്ച് ചേർന്ന് നടന്നുകൊണ്ട് എൻ്റേതാണെന്ന് പറയാതെ പറഞ്ഞു. സ്റ്റാഫ് റൂമിന് പുറത്തുള്ള ടീച്ചർമാരുടെ കണ്ണും കാശിയിലായിരുന്നു.

ഇതൊക്കെ കണ്ട് അവൻ്റെ കയ്യിൽ അവളുടെ പിടി മുറുകി തുടങ്ങിയിരുന്നു.

ഇത്രയും നാൾ പലരീതിയിലായി ഭദ്രയോട് അടുക്കാൻ ശ്രമിച്ച പയ്യന്മാർക്കൊക്കെ ആ കാഴ്ച്ച താങ്ങാവുന്നതിലും അധികമായിരുന്നു. കോളേജിലെ നീലക്കണ്ണുള്ള രാജകുമാരിയെ കിട്ടാതെ പോയവരെ നോക്കി ആ കെട്ടിടങ്ങൾ വരെ ചിരിച്ചു.

ഭദ്രയോട് നേരിട്ട് ഇഷ്ടം പറഞ്ഞവരിലും കൂടുതൽ മനസിൽ കൊണ്ടുനടന്നവർ ആയിരുന്നു. പ്രണയാഭ്യർത്ഥനകൾ നിരസിക്കപ്പെടുന്നവർക്ക് എന്നെങ്കിലും മറുപടി കിട്ടുമെന്ന പ്രതീക്ഷ ഉണ്ടായിരുന്നു, പക്ഷേ ഈ നിമിഷം അതെല്ലാം കാറ്റിൽ പറന്നു.

തൻ്റെ ചേംബറിലേക്ക് കയറിവന്ന ആളെ കണ്ട് ജോസഫ് കവിളിൽ തടവിപ്പോയി. കാശിയുടെ മുഖത്തെ പൈശാചികമായ ചിരി കണ്ട്