Chapter Title : ചന്ദ്രവേദം 9 [മന്ത്രവാദി]

എണ്ണം തികയ്ക്കുന്നതിനിടയിൽ ഭവാനി ചോദിച്ചു.

" ഇല്ല മുത്തശ്ശി, വിളിച്ചിട്ട് കിട്ടിയതുമില്ല."

" അല്ലമ്മേ ഇതിനും മാത്രം എന്താ ഇത്ര പ്രശ്നം."

കൂട്ടത്തിൽ നിന്നും മീനാക്ഷിയുടെ പുച്ഛത്തോടെയുള്ള ചോദ്യം വന്നതും മാധവൻ അവളെ തറപ്പിച്ചൊന്നു നോക്കി.

ഇനി ആരിൽ നിന്നും മറച്ചുവെക്കേണ്ട ആവശ്യം ഇല്ലാത്തതിനാൽ ഭവാനി തനിക്കറിയാവുന്നതും പണിക്കർ പറഞ്ഞതുമായ എല്ലാം അവരെ അറിയിച്ചു. ഇങ്ങനൊരു ചരിത്രം ഉണ്ടെന്നറിയാതെ കേട്ടവരൊക്കെ ഭയപ്പെട്ടു. കൂട്ടത്തിൽ ഭദ്രയ്ക്ക് ആയിരുന്നു കൂടുതൽ പേടി. എല്ലാം മനസ്സിലാക്കിയ അവരുടെ പ്രതീക്ഷ കാശിയിലേക്ക് നീണ്ടു.

###

പണിക്കരോടൊപ്പം പൂജ ചെയ്യുന്ന കാശിക്ക് തൻ്റെ ശരീരത്തിൽ വരുന്ന മാറ്റങ്ങൾ അറിയാൻ കഴിഞ്ഞു. വേദത്തിൽ പറഞ്ഞിട്ടുള്ള പല പൂജകളും അവൻ അവിടെ ചെയ്തു , സഹായത്തിനു പണിക്കരും മകനും ഉണ്ടായിരുന്നു. പൂജകൾ പിറ്റേന്ന് വൈകുന്നേരം വരെ നീണ്ടു. കാലാത്മവേദം ചരടുകൾ മന്ത്രിച്ചുകെട്ടി തിരികെ വച്ചു . പൂജകൾ കഴിഞ്ഞതോടെ കണ്ണിലെ ചുവപ്പ് നിറവും മങ്ങിയിരുന്നു. വേഷം മാറി മൂവരും ആവശ്യമായ സാധനങ്ങൾ എടുത്തുകൊണ്ട് തറവാട്ടിലേക്ക് മടങ്ങി.

മുറ്റത്ത് വന്ന് നിന്ന കാറിൽ നിന്നും ഇറങ്ങിയ കാശിയെ കണ്ടതും ഭദ്ര ഓടിച്ചെന്ന് അവൻ്റെ നെഞ്ചിലേക്ക് വീണു മുറുകെ കെട്ടിപിടിച്ചു. തൻ്റെ നെഞ്ചിലേക്ക് വീണ ജീവൻ്റെ പാതിയെ ചേർത്ത് പിടിച്ചുകൊണ്ടവൻ തലയിലൂടെ കൈയോടിച്ചു.

" ന്നേം കൂട്ടായിരുന്നില്ലേ"

കൊച്ചിനെ പോലെ കൊഞ്ചിയുള്ള കരച്ചിൽ കലർന്ന അവളുടെ ചോദ്യത്തിന് അവന് മറുപടി ഉണ്ടായിരുന്നില്ല. അവളെ ഇറുകെ പുണർന്നവൻ നെറുകിൽ ഉമ്മ നൽകി ക്ഷമ ചോദിച്ചു. ഭദ്രയ്ക്ക് പുറകെ ദേവുവും ഓടി അവൻ്റെ അടുത്ത് എത്തിയിരുന്നു. ഭദ്രയെ നെഞ്ചിൽ നിന്നുമകത്തി അവളുടെ കണ്ണുകൾ