Chapter Title : ?ചെറിയമ്മയുടെ സൂപ്പർഹീറോ 1 ?[Hyder Marakkar]

നല്ല പ്രോഗ്രാമുകൾ ഉണ്ടാകില്ല, എങ്കിലും ഇങ്ങനെ ചാനൽ മാറ്റി കളിക്കാൻ ഒരു രസമാണ്. അങ്ങനെ ഒരു പത്ത് മിനിറ്റ് ടീവി നോക്കി ഇരുന്നപ്പോഴാണ് ദേവൂന്റെ എൻട്രി. അമ്മുന്റെ നീരാട്ട് ഇപ്പോഴും കഴിഞ്ഞിട്ടില്ല. പതിവിന് വിപരീതമായി ഒന്നും മിണ്ടാതെ സിറ്റിംഗ് റൂം കടന്ന് ദേവു നേരെ അടുക്കളയിലേക്ക് പോവുകയാണ് ചെയ്തത്. ആ പോക്ക് കണ്ടാൽ അറിയാം എന്തോ കാര്യമായി സംഭവിച്ചിട്ടുണ്ട്. ഞാൻ ദേവൂന് പിന്നാലെ അടുക്കളയിലേക്ക് ചെന്നു. “എന്താ ദേവു......എന്ത് പറ്റി...മുഖം ഒക്കെ വല്ലാതെ ഇരിക്കുന്നേ” ഫിൽറ്ററിൽ നിന്നും വെള്ളം എടുത്ത് കുടിക്കുകയാണ് കക്ഷി. “ഒന്നുല്ലെടാ......ചെറിയ തലവേദന....ഒന്ന് കിടക്കണം” പക്ഷെ ആ മുഖത്ത് നിന്നും ആ പറഞ്ഞത് കള്ളമാണെന്ന് എനിക്ക് വായിക്കാമായിരുന്നു. “ഹേയ് ഇത് വേറെ എന്തോ കാര്യം ഉണ്ട്....പറ ദേവൂസെ” എന്നെ നോക്കാതെ വേറെ എങ്ങോട്ടോ നോക്കി കൊണ്ടിരുന്നു ദേവൂന്റെ താടിക്ക് പിടിച്ച് മുഖം ഉയർത്തി കൊണ്ട് ഞാൻ ചോദിച്ചു “ഹാ....നിന്നോടല്ലെ ചെക്കാ തലവേദന ആണെന്ന് പറഞ്ഞത്.....ഹോ.....തലവേദന ആയാലും മനസ്സമാധാനം തരില്ല വെച്ച എന്താ ചെയാ” എന്നെ നോക്കി ഉറക്കെ ദേവു അങ്ങനെ പറഞ്ഞപ്പോൾ ഞാൻ ആകെ വല്ലാതായി പോയി. ആദ്യമായാണ് ദേവു എന്നോട് ഇങ്ങനെ പെരുമാറുന്നത്. അവരുടെ കണ്ണ് ചുവന്ന് കലങ്ങിയിട്ടുണ്ട്, എന്തോ കാര്യമായി തന്നെ പട്ടിട്ടുണ്ട്.

“സോറി ചെറിയമ്മേ...... റൂമിൽ അമ്മു കുളിക്കാൻ കേറിയതാ...എന്റെ റൂമിൽ കിടന്നോ” എന്നെ ഒരു നിമിഷം നോക്കി നിന്നിട്ട് പുള്ളിക്കാരി നേരെ എന്റെ റൂമിലെക്ക് പോയി. ആദ്യമായാണ് ഞാൻ ദേവൂനെ ചെറിയമ്മേന് വിളിച്ചത്. പണ്ട് അമ്മ കുറെ ശ്രമിച്ചതാ എന്റെ ദേവു വിളി മാറ്റി ചെറിയമ്മേന് വിളിപ്പിക്കാൻ, എവിടെ