?ചെറിയമ്മയുടെ സൂപ്പർഹീറോ 6?[Hyder Marakkar]

“ഓ...... വല്യ സി.ഐ.ഡി ആണെന്ന വിചാരം, പിന്നെ സോപ്പ് ഇടാൻ.....ഒന്ന് പോടി പെണ്ണേ.......” ഞാൻ ഒരു ഒഴുക്കൻ മട്ടിൽ മറുപടി കൊടുത്തു “ഹ...... ഞാൻ കണ്ടുപിടിക്കും......” ഈശ്വരാ..... പെണ്ണിന് വല സംശയം തോന്നിയോ... ഏയ്..... അതിന് സാധ്യതയില്ല, എന്നാലും ഇനിയും ഇരുന്ന് സംസാരിച്ച അപകടം ആവും, വേഗം മുങ്ങാം ഞാൻ വേഗം ഭക്ഷണം കഴിച്ച് എഴുന്നേറ്റ് വാക്കിംഗ് സ്റ്റിക്കും കുത്തി പിടിച്ച് ടിവിയുടെ മുനിൽ പോയിരുന്നു... കുറച്ച് കഴിഞ്ഞ് അമ്മുവും വന്ന് എന്റെ അടുത്ത് ഇരുന്നു, ഒരു ഉഗ്രൻ കോമഡി സിനിമ വച്ച് കൊടുത്തത് കൊണ്ട് പിന്നെ അവൾ ഒന്നും മിണ്ടാതെ ടിവിയിൽ മുഴുകി ഇരുന്നു, ഞാനും അതിൽ ശ്രദ്ധ കൊടുക്കാൻ ശ്രമിച്ചു..... അടുക്കളയിൽ പണിയെല്ലാം തീർത്ത ശേഷം ദേവു വന്ന് അമ്മുവിനെ ചീത്ത പറഞ്ഞ് കിടക്കാൻ പറഞ്ഞു വിട്ടു... “എന്തിനാ ദേവു എപ്പോഴും അതിനെ ഇങ്ങനെ ചീത്ത പറയുന്നത്, കുറച്ച് ഫ്രീ ആയി വിട്ടുടെ” അമ്മു മുറിയിലേക്ക് നടക്കുമ്പോൾ ഞാൻ ദേവൂനോട് ചോദിച്ചു “അങ്ങനെ ചോദിക്ക് ചേട്ടാ....” തിരിഞ്ഞ് നോക്കി അമ്മുവിന്റെ കമന്റ്‌ “പോയി കിടന്ന് ഉറങ്ങാൻ നോക്കെടി” ദേവൂന്റെ ശബ്ദം ഉയർന്നതും അമ്മു വേഗം സ്കൂട്ടായി “രാവിലെ അതിനെ വിളിച്ച് എഴുന്നേപിക്കുന്ന പാട് എനിക്ക് അലെ അറിയൂ.......” എന്റെ നേരെ നോക്കി അതും പറഞ്ഞിട്ട് ദേവു ഉണങ്ങാൻ ഇട്ട തുണികൾ എടുക്കാൻ പോയി ആ ഗ്യാപ്പിൽ ടിവിയും ഓഫാക്കി രാത്രി കഴിക്കണ്ട മരുന്ന് മനഃപൂർവം കഴിക്കാതെ ഞാൻ ബെഡ്‌റൂമിൽ പോയി കിടന്നു, എനിക്കറിയാം ദേവു അതുമായി വരുമെന്ന്.... അങ്ങനെ ഞാൻ ദേവൂന്റെ വരവും കാത്ത് കട്ടിലിൽ അക്ഷമനായി കാത്തിരുന്നു..... അധിക നേരം കാത്തിരിക്കേണ്ട വന്നില്ല, അതാ ദേവു വരുന്നു...... “അഭി...... നീ മരുന്ന് കഴിച്ചോ??” മുറിയിലേക്ക് കയറിയതും ദേവു ചോദിച്ചു “അയ്യോ.... ഇല്ല........ മറന്നു പോയി” “വാ എഴുന്നേൽക്ക്......” എന്നെ പിടിച്ചു ദേവു കട്ടിലിൽ ചാരി ഇരുത്തി “കുറച്ച് നേരം ഇവിടെ ഇരിക്ക് ദേവു” മരുന്ന് കുടിച്ച ശേഷം എന്നെ കട്ടിലിൽ കിടത്താൻ ശ്രമിച്ച ദേവൂനെ തടഞ്ഞു കൊണ്ട് ഞാൻ പറഞ്ഞു