Chapter Title : ?ചെറിയമ്മയുടെ സൂപ്പർഹീറോ?[Till Epilogue] [Hyder Marakkar]

പിന്നെ  ആരാ….

""""""അങ്ങനെ  നോക്കണ്ട….. ഇപ്പൊ  നോക്കിയാ  കാണാൻ  പറ്റുന്ന  ആളല്ല  എന്റെ  കൂടെ  ഉള്ളത്…""""""

എന്നും  പറഞ്ഞ്  പുഞ്ചിരിച്ചുകൊണ്ട്  ദേവു  വയറ്റിൽ  തൊട്ട്  കാണിച്ചു….

അക്ഷരാർത്ഥത്തിൽ  ഒരു  നിമിഷത്തേക്ക്  ഞാൻ  സ്റ്റക്കായി  പോയി….. കല്യാണം  കഴിഞ്ഞ  ശേഷമുള്ള  ഞങ്ങളുടെ  തുടർച്ചയായ  പരിശ്രമം  ഫലം  കണ്ടോ?? ഞാനൊരു  അച്ഛനാവാൻ  പോവുകയാണോ?? എനിക്ക്  വിശ്വസിക്കാൻ  പറ്റിയില്ല, ഞാൻ  ഒന്നൂടെ  ദേവൂനെ  നോക്കി  സംശയത്തോടെ  "സത്യമാണോ" എന്ന്  കണ്ണുകൊണ്ട്  ചോദിച്ചപ്പോൾ  ദേവു  കയ്യിൽ  ഒളിപ്പിച്ച്  വച്ചിരുന്ന  പ്രെഗ്നൻസി കിറ്റ്  എനിക്ക്  നേരെ  കാണിച്ചു,  അതിൽ  രണ്ട്  വര തെളിഞ്ഞ്  കണ്ടതും  എന്റെ  സകലകിളിയും  പോയ  അവസ്ഥയായി….

ചെറിയമ്മയിൽ  തുടങ്ങി  ഭാര്യയിൽ  എത്തിയ  ദേവുവും  ഞാനുമായുള്ള  റിലേഷൻ  അടുത്ത  ഘട്ടത്തിലേക്ക്  കടക്കുകയാണ്,  കഴിഞ്ഞ  മൂന്ന്  മാസമായി  നന്നായി  അധ്വാനിച്ചിട്ടാണെങ്കിലും  പെട്ടെന്ന്  അറിഞ്ഞപ്പോ  അങ്ങോട്ട്  വിശ്വസിക്കാൻ  പറ്റുന്നില്ല….

"""""മ്മ്??"""""

അനങ്ങാതെ  ഒന്നും  മിണ്ടാതെ  കിളിപോയി  ഇരിക്കുന്ന  എന്നെ  നോക്കി  ദേവു  ചോദ്യഭാവത്തിൽ മൂളിയപ്പോൾ  വെറുതെ  നോക്കി  ഇളിച്ച്  കാണിക്കാനെ  എനിക്ക്  പറ്റിയുള്ളു….

ഒടുക്കം  റിയാലിറ്റിയിൽ  തിരിച്ചെത്തിയപ്പോൾ  ഞാൻ  മെല്ലെ  കുനിഞ്ഞ്  ആ  മഞ്ഞ ചുരിദാറിന്  മുകളിലൂടെ  ദേവൂസിന്റെ  വയറ്റിൽ  ചുണ്ട്  മുട്ടിച്ചു, ഇത്  ദേവുനുള്ളതല്ല… എന്റെ  കുഞ്ഞിന്  ഈ  അച്ഛന്റെ  ആദ്യചുംബനം…..

വയറ്റിൽ  നിന്ന്  മുഖം  പിൻവലിച്ച്  എന്റെ  കുഞ്ഞിന്റെ  അമ്മയോടുള്ള  സ്നേഹം  എങ്ങനെ  പ്രകടിപ്പിക്കും  എന്നറിയാതെ  ഞാൻ  നോക്കിയപ്പോൾ  ദേവു  എന്റെ  മുടിയിഴകളിൽ  തഴുകി  കൊണ്ട്  കണ്ണിമചിമ്മാതെ  എന്നെ  തന്നെ  നോക്കി  ഇരുന്നു…

"""""ദേവൂസേ…. ഞാനിപ്പോ  വരാ  ട്ടോ"""""

എന്നും  പറഞ്ഞ്  ഞാൻ  ദേവൂന്റെ  അടുത്ത്ന്ന്  എഴുന്നേറ്റ്  മുറിക്ക്  പുറത്തേക്ക്  നടന്നു…. എന്റെ  ലക്ഷ്യം  എന്നെ  ടെൻഷൻ  അടിപ്പിച്ച്  പറഞ്ഞുവിട്ട  ആ  സാധനമായിരുന്നു…

ബെഡ്റൂമിൽ  നിന്ന്  പുറത്തേക്ക്  ഇറങ്ങിയപ്പോൾ  കാണുന്നത്  ഒന്നും  അറിയാത്ത  പോലെ  ഇരുന്ന്  ടീവിയിൽ  ഏതോ  ഹിന്ദി  സീരിയൽ  കാണുന്ന  അമ്മുവിനെയാണ്…. എന്റെ  സാനിധ്യം  തിരിച്ചറിഞ്ഞതും  പെണ്ണ്  എന്നെയൊന്ന്  സംശയത്തോടെ  നോക്കിയ  ശേഷം  സോഫയിൽ  നിന്നും  എഴുന്നേൽക്കാൻ  തുനിഞ്ഞെങ്കിലും  അപ്പോഴേക്കും  ഞാനവളെ  എന്റെ  കൈപിടിയിൽ  ഒതുക്കിയിരുന്നു…

""""""ദേവു  കട്ടകലിപ്പിലാണല്ലേ  ഡീ  കള്ളീ…"""""""

എന്നും  ചോദിച്ചുകൊണ്ട്  ഞാനവളെ  പിടിച്ച്  തൂക്കിയെടുത്തു……

പെണ്ണ്