Chapter Title : Curious case edited version 1,2,3,4 [Willie Beamen]

അവൾ എന്തോ പറയാൻ തുടങ്ങിയതും ഞാൻ അവളുടെ ചുണ്ടിൽ വിരൽ വെച്ച് തടഞ്ഞു.

“ഞങ്ങൾ ഇറങ്ങുകയാണ് രചനാ...” തിരിഞ്ഞു നടക്കുമ്പോൾ അവളെ നോക്കാൻ പോലും ഞാൻ നിന്നില്ല. സണ്ണി പുറകിൽ നിന്ന് അവൾക്ക് ടാറ്റ കൊടുക്കുന്നുണ്ട്.

“ബൈക്ക് എടുക്കടാ പട്ടീ!” അവന്റെ പുറത്തിട്ട് ഒരെണ്ണം കൊടുത്ത് ഞാൻ വേഗം കയറി ഇരുന്നു. അഞ്ച് മിനിറ്റ് കൂടി അവിടെ നിന്നിരുന്നെങ്കിൽ എന്റെ സമാധാനം പോയേനെ.

“എന്താടാ പുണ്ടേ... നിനക്കിത്ര തിടുക്കം?” കുറച്ചു ദൂരം ചെന്നപ്പോൾ സണ്ണി ചോദിച്ചു.

“നീ ഈ ബ്രോക്കർ പണി തുടങ്ങിയോ? അവൾക്ക് സംസാരിക്കണം എന്ന് പറഞ്ഞപ്പോൾ ഓടി അങ്ങോട്ട് ചെല്ലാൻ!”

“അല്ല എബി, പണ്ട് നടന്നതൊക്കെ ഒന്ന് പറഞ്ഞ് തീർക്കാനല്ലേ...”

“അതൊക്കെ പണ്ടേ തീർന്നതാ. അവൾ എന്റെ കയ്യിൽ നിന്ന് എത്ര ക്യാഷ് പിഴിഞ്ഞിട്ടുണ്ടെന്ന് നിനക്കറിയാമോ?” ഞാൻ ഒരു കള്ളം തട്ടിവിട്ടു.

എബിയെ വീട്ടിലാക്കി സണ്ണി പോയി.

⏩⏩

വീട്ടിലെത്തി റൂമിൽ കയറി ഹെഡ്സെറ്റും വെച്ച് കമ്പ്യൂട്ടറിന് മുന്നിൽ ഇരിക്കുകയായിരുന്നു. പെട്ടെന്നാണ് ആ ശബ്ദം കേട്ടത്.

"എബി... എബി!"

അപ്പന്റെ ശബ്ദം! ഞാൻ പെട്ടെന്ന് ഹെഡ്സെറ്റ് ഊരി. വാച്ചിൽ നോക്കി,കുറെ നേരമായല്ലോ ഇരിപ്പുറപ്പിച്ചിട്ട്. മുഖം ഒന്ന് കഴുകി ഞാൻ താഴേക്ക് ചെന്നു. ലിവിങ് റൂമിലെ സോഫയിൽ മമ്മി ഇരിപ്പുണ്ട്. അപ്പൻ കലിപ്പിൽ നിൽക്കുകയാണ്.

“കഴുവേറി!” ആ വിളിക്ക് പിന്നാലെ ഒരാൾ എന്റെ നേരെ പാഞ്ഞു വന്നു. നല്ല ഒന്നാന്തരം ഒരെണ്ണം കവിളിൽ തന്നെ കിട്ടി. കോളേജിൽ നിന്ന് കിട്ടിയ അടിയുടെ ബാക്കിയെന്നോണം കവിൾ വീണ്ടും ചുവന്നു. വേറെ ആരെങ്കിലും ആയിരുന്നെങ്കിൽ ഞാൻ കൈ കെട്ടി നോക്കി നിൽക്കില്ലായിരുന്നു, പക്ഷേ ഇത് അപ്പനാണ്!

“പഴയ കഴപ്പ് തീരാഞ്ഞിട്ടാണോടാ നീ കോളേജിൽ പോയി പ്രശ്നം ഉണ്ടാക്കിയത്?” അപ്പന്റെ ഒച്ച കേട്ട് പേടിച്ചിട്ടാകണം ചേട്ടത്തി നദിയെയും കൂട്ടി റൂമിൽ കയറി. മമ്മിക്ക് ഇതൊന്നും പുത്തരിയല്ല.

“ആ കിളവന്റെ (കുരുവിള) അടുത്തേക്ക് തന്നെ തിരിച്ചു പോടാ! ഇവിടെ നിൽക്കുമ്പോൾ അടങ്ങി ഒതുങ്ങി കഴിഞ്ഞോണം. ഇത് എന്റെ വീടാണ്, നിന്റെ പെരിങ്ങമ്മലയല്ല!” അപ്പൻ കലിപ്പിൽ റൂമിലേക്ക് പോയി. അദ്ദേഹത്തിന്റെ വിചാരം ഞാൻ പത്തനംതിട്ട