Chapter Title : ദ വിച്ച് പാർട്ട്‌ 3 [Fang leng]

നിന്നെ ഞാൻ എന്താണ് ചയ്യാൻ പോകുന്നത് കണ്ടോ

കരീക :ഞാൻ പറഞ്ഞത് മുഴുവൻ നുണയായിരിക്കാം പക്ഷേ എന്റെ സ്നേഹം സത്യമാണ് ഞാൻ ചേട്ടനെ ഒരുപാട് സ്നേഹിക്കുന്നുണ്ട് അതുകൊണ്ടാണ് ഇതൊക്കെ ഞാൻ ചേട്ടനോട് തുറന്ന് പറഞ്ഞത് എനിക്ക് ചേട്ടനെ ഒരിക്കലും നഷ്ടപ്പെടുത്താൻ സാധിക്കില്ല

സഹീർ :മതിയാക്കിക്കോ കരീക നീ പറയുന്നതോന്നും എനിക്കിനി കേൾക്കണ്ട നീയും ഞാനുമായി ഇനി ഒരു ബന്ധവുമില്ല നിന്റെ ലക്ഷ്യമൊന്നും നടക്കാനും പോകുന്നില്ല

കരീക :അപ്പോൾ ചേട്ടൻ എന്നെ കൊല്ലുമെന്നാണോ പറയുന്നത് ചേട്ടനെ കൊണ്ട് അത് ഒരിക്കലും സാധിക്കില്ല എന്നെനിക്ക് നന്നായിഅറിയാം ഇന്ന്‌ രാത്രി ഞാൻ കൊട്ടാരത്തിൽ ഒരു മഹാ പൂജ നടത്തുവാൻ പോകുകയാണ് വർഷങ്ങളായുള്ള എന്റെ പരിശ്രമത്തിന്റെ ഭലം ഇന്നെനിക്ക് ലഭിക്കാൻ പോകുകയാണ് മരണപ്പെട്ട നാല്പത് പേരുടെ ആത്മാക്കളേയും ഞാൻ ഇന്ന്‌ ഞങ്ങളുടെ വിശുദ്ധ സർപ്പത്തിനു സമർപ്പിക്കുന്നതാണ് അതോടു കൂടി ഞാൻ മഹാ ശക്തിശാലിയായി തീരും പിന്നെ എന്നെ തടയാൻ ആർക്കും സാധ്യമല്ല അതിനു ശേഷം ഞാൻ ഈ രാജ്യം മുഴുവൻ എന്റെ സ്വന്തമാക്കും ചേട്ടനും എന്നോടൊപ്പം ഉണ്ടാകണം എന്നാണ് എന്റെ ആഗ്രഹം നമുക്ക് രണ്ട് പേർക്കും ചേർന്ന് ഈ രാജ്യം ഭരിക്കാം നമ്മൾ ഒന്നായിചേർന്നാൽ ലോകത്തെ ഒരു ശക്തിക്കും നമ്മളെ തോൽപ്പിക്കാനാകില്ല എന്താ ചേട്ടൻ എന്നോടോപ്പം നിൽക്കില്ലേ

കരീകയുടെ വാക്കുകൾ കേട്ട് സഹീർ അടുത്ത നിമിഷം അവൾക്ക് നേരെ വാൾ ഓങ്ങിയെങ്കിലും അവളെ ആക്രമിക്കാനാകാതെ സഹീർ തന്റെ വാൾ താഴേക്ക് വലിച്ചെറിഞ്ഞു

കരീക :എന്താ എന്നെ കൊല്ലുന്നില്ലേ

സഹീർ :നീ പറഞ്ഞത് സത്യമാണ് എനിക്ക് നിന്നെ ഒരിക്കലും കൊല്ലുവാൻ കഴിയില്ല എനിക്കിനി ഒരു കാര്യം അറിഞ്ഞാൽ മതി എന്നെ നീ സ്നേഹിക്കുന്നുണ്ട് എന്ന് പറഞ്ഞത് സത്യമാണോ

കരീക :ചേട്ടന് അതിൽ എന്തെങ്കിലും സംശയം ഉണ്ടോ

സഹീർ :എങ്കിൽ നീ ഇതൊക്കെ അവസാനിപ്പിക്കണം ഒന്നും ആരുമറിയാതെ ഞാൻ നോക്കികൊള്ളാം നീ എന്നോടൊപ്പം വാ നമുക്ക് തിരികെ പോകാം

കരീക :അപ്പോൾ ഇത്രയും വർഷത്തെ എന്റെ പരിശ്രമത്തിനും പ്രതികാരത്തിനും ഒരു വിലയുമില്ലേ

സഹീർ :എന്ത് പ്രതികാരമാണ് കരീകാ നിന്റെ വിഭാഗക്കാരെ കൊല്ലിച്ച ചക്രവർത്തി ഇന്ന്‌ ജീവനോടെ ഇല്ല കൂടാതെ നീ 40 നിരപരാധികളെ കൊല്ലുകയും ചെയ്തു ഇതിൽ കൂടുതൽ എന്താണ് നിനക്ക് ചെയ്യുവാനുള്ളത്

കരീക :ഞാൻ കൊന്ന ആരും നിരപരാധികൾ അല്ല അവരൊക്കെ അത് അർഹിക്കുന്നു കൂടാതെ ചക്രവർത്തി മരണപെട്ടിരിക്കാം പക്ഷേ അയാളുടെ വംശം തന്നെയാണ് എപ്പോഴും രാജ്യം ഭരിക്കുന്നത്