Chapter Title : ഡെലിവറി ബോയ് ഡയറി 2 [സാഹിൽ]

തന്നെ എനിക്ക് ഒരു surprise ആയിരുന്നു.

“ഹലോ…” ഞാൻ ഫോൺ എടുത്തു.

“സാഹിൽ… ഒരു സഹായം ചെയ്യാമോ?” അവളുടെ ശബ്ദത്തിൽ ചെറിയൊരു തിരക്കുണ്ടായിരുന്നു.

“എന്താ സംഭവിച്ചത്?” ഞാൻ ചോദിച്ചു.

“കുറച്ച് സാധനങ്ങൾ വാങ്ങിക്കൊണ്ടുവരാമോ? അത്യാവശ്യമാ… വീട്ടിലേക്ക് guest വരുന്ന വഴിയിലാണ്,” അവൾപറഞ്ഞു.

ഞാൻ ഒട്ടും ആലോചിക്കാതെ “ഓക്കേ” പറഞ്ഞു.

“എന്തൊക്കെയാ വേണ്ടത്?”

“ഞാൻ വാട്സാപ്പിൽ അയക്കാം,” അവൾ പറഞ്ഞു.

കോൾ കട്ട് ചെയ്തതിന് ശേഷം കുറച്ച് നേരം ഞാൻ ഫോണിലേക്കുതന്നെ നോക്കി നിന്നു. അനു ആദ്യമായിട്ടാണ്എനിക്ക് ഇങ്ങനെ വ്യക്തിപരമായി എന്തെങ്കിലും ആവശ്യപ്പെടുന്നത്. അതുകൊണ്ട് തന്നെ എന്റെ ഉള്ളിൽ ഒരു വേറിട്ടസന്തോഷം തോന്നി.

കുറച്ച് കഴിഞ്ഞ് അവളുടെ വാട്സാപ്പ് മെസേജ് വന്നു. ഞാൻ നമ്പർ സേവ് ചെയ്തിരുന്നില്ലെങ്കിലും, പ്രൊഫൈൽഫോട്ടോ കണ്ടപ്പോൾ തന്നെ ഒരു ചിരി വന്നു.

അവൾ അയച്ച സാധനങ്ങളുടെ ലിസ്റ്റ് ഞാൻ നോക്കി. വഴിയിലുണ്ടായിരുന്ന ഒരു കടയിൽ കയറി എല്ലാം വാങ്ങി അതൊക്കെ എടുത്ത് ഞാൻ നേരെ അവളുടെ വീട്ടിലേക്ക് വിട്ടു.

ബെൽ അടിച്ചതും അനു വേഗം വാതിൽ തുറന്നു. വീട്ടിൽ നല്ല തിരക്കുള്ള പോലെ തോന്നി. അകത്ത് ആളുകളുടെ ശബ്ദവും കേൾക്കാം.

“കിട്ടിയോ?” അവൾ ചെറിയൊരു ആശ്വാസത്തോടെ ചോദിച്ചു.

ഞാൻ കവർ അവൾക്ക് കൊടുത്തു. അവൾ അതെല്ലാം വേഗം വാങ്ങിക്കൊണ്ടിരിക്കുമ്പോഴും, മുഖത്ത് ഒരു ടെൻഷൻ ഉണ്ടായിരുന്നു.

“താങ്ക്യൂ സാഹിൽ… ശരിക്കും ഹെൽപ്പ് ആയി,” അവൾ പറഞ്ഞു.

അതിനുശേഷം പണം ഓൺലൈനായി അയച്ചു.

ഞാൻ കുറച്ച് കൂടി അവിടെ നിൽക്കണമെന്ന് ഉള്ളിൽ ആഗ്രഹമുണ്ടായിരുന്നു. സത്യത്തിൽ അവളെ കുറച്ചുകൂടി കാണണം എന്ന് തോന്നിയിരുന്നു. പക്ഷേ അവൾ അത്യാവശ്യം പോലെ അകത്തേക്ക് പോയി.

വാതിൽ അടഞ്ഞിട്ടും കുറച്ച് സെക്കൻഡ് ഞാൻ അവിടെ തന്നെ നിന്നു. എന്നിട്ട് തിരിച്ചു പോയി.

ഒരു കാര്യം ഞാൻ നിങ്ങളോട് പറഞ്ഞിട്ടില്ലായിരുന്നു… അനു കാണാൻ ഏകദേശം ആയിഷ ഖാനെ പോലെ തന്നെയായിരുന്നു. അതേ മുഖഭാവം… അതേ ശരീരഘടന… അതേ കണ്ണുകൾ. ആദ്യമായി കണ്ട ദിവസം മുതൽ തന്നെ എനിക്ക് അത് തോന്നിയിരുന്നു.

അന്ന് ജോലി കഴിഞ്ഞ് രാത്രി ഞാൻ വെറുതെ വാട്സാപ്പ് നോക്കി ഇരിക്കുകയായിരുന്നു. അപ്പോഴാണ് പെട്ടെന്ന്