Chapter Title : ദേവാൻഷ് 2 [മഹി]

നോക്കി...

"കൈവിട്ട് പോകുമോ അളിയാ....."

"ഇവനെന്താ ജാക്കി ചാനോ...."

ഇന്ദ്രന്റെ ഇടികളിൽ നിന്ന് ഒഴിഞ്ഞുമാറുന്ന ദേവാൻഷിനെ നോക്കി മനു താടിക്ക് കൈകൊടുത്തു....

"ഈ ഇന്ദ്രൻ എന്താ അവനെ തല്ലാതെ ഇട്ട് കളിപ്പിക്കുന്നത്...."

അഭിരാമി കൈകൾ തമ്മിൽ കൂട്ടിയിടിച്ചു അമർഷത്തോടെ പറഞ്ഞു....

"ഇന്ദ്രനെയാണ് അവനിട്ട് കളിപ്പിക്കുന്നത്...."

ദക്ഷായണി ചിരിച്ചു....എന്തുതരം ഫൈറ്റിംഗ് സ്റ്റൈലാണ് ദേവാൻഷ് ഉപയോഗിക്കുന്നതെന്ന് അവൾക്ക് മനസ്സിലായില്ല..... ബോക്സിങൊ കരാട്ടെയോ അല്ല.... പിന്നെന്താണ് ഇത്

ഇന്ദ്രൻ ക്രോധത്തോടെ അലറി വിളിച്ചുകൊണ്ട് ദേവാൻഷിന്റെ ഹൂഡിയിൽ പിടിച്ചുവലിച്ചു മുഖത്തേക്ക് ആഞ്ഞിടിക്കാൻ ശ്രമിച്ചു.... തന്റെ മൂക്കിനുനേരെ വന്ന ഇന്ദ്രന്റെ മുഷ്ടിയെ ദേവാൻഷ് തന്റെ ഉള്ളംകൈയിൽ തടഞ്ഞു....ഇന്ദ്രന്റെ കൈ ഇടത്തേക്ക് തിരിച്ചുകൊണ്ട് അൻഷ് വലത് കൈ ഉയർത്തി, ഇന്ദ്രന്റെ മൂക്കിന്റെ ഇടതുവശത്ത് കണ്ണിനുതാഴെയായി ആഞ്ഞിടിച്ചു...

ദേവാൻഷിന്റെ മേലെയുള്ള ഇന്ദ്രന്റെ പിടി അയഞ്ഞു... അവനു ചുറ്റും കറങ്ങുന്നതുപോലെ... ഒരൊറ്റ ഇടിയിൽ തലച്ചോർ മുഴുവൻ ഇളങ്ങിമറിഞ്ഞ പ്രതീതി....ഡെസ്കിന്റെ മുകളിലിരുന്ന ദക്ഷായണി താഴെ ഇറങ്ങി...അഭിരാമി അമ്പരന്നു... ഒരൊറ്റ ഇടിയിൽ അവന്റെ ബോധം പോയോ

"ഡാ......."

അൻഷ് വീണ്ടും അവനുനേരെ കൈ ഉയർത്തുന്നതുകണ്ട് ദക്ഷ ഉറക്കെ വിളിച്ചു... ദേവാൻഷിന്റെ ശ്രദ്ധ അവളിലേക്ക് തിരിഞ്ഞ നിമിഷം ഇന്ദ്രന്റെ കൂട്ടുകാരിൽ ഒരാൾ ക്രിക്കറ്റ്‌ ബാറ്റ് കൊണ്ട് അൻഷിന്റെ കരണത്ത് വീശി അടിച്ചു..... അവന്റെ മുഖം ഒരുവശത്തേക്ക് ചാഞ്ഞുപോയി.... അൻഷിന്റെ മുന്നിൽ നിന്ന ഇന്ദ്രൻ തളർന്നു നിലത്തേക്ക് ഇരുന്നു...

"അൻഷേ...."

ആൽവിൻ ഓടിവന്ന് ദേവാൻഷിനെ പിടിച്ചു... അടിച്ചവൻ വീണ്ടും ബാറ്റ് വീശാൻ മുതിരുന്നത് കണ്ട് മനു അവനെ എടുത്ത് ചുമരിൽ അടിച്ചു...

ദേവാൻഷ് ഒന്ന് മുഖം കുടഞ്ഞു....അവൻ ആൽവിന്റെ കൈകൾ തന്റെ ശരീരത്തിൽ നിന്നും കുടഞ്ഞെറിഞ്ഞു, ദക്ഷായണിയുടെ അടുത്തേക്ക് നടന്നു.... ദക്ഷയുടെ മുന്നിൽ എത്തിയ അൻഷ് ചിരിയോടെ അവൾക്ക് മുന്നിൽ നിലത്ത് മുട്ടുകുത്തി ഇരുന്നു....

ദക്ഷയുടെ ഷൂസിന്റെ ലേസ് അഴിഞ്ഞുകിടപ്പുണ്ടായിരുന്നു... അൻഷ് അത് കെട്ടിമുറുക്കി.... എന്തൊക്കെയാ ഇവിടെ നടക്കുന്നതെന്നറിയാതെ അഭിരാമി കുഴങ്ങി

"ബ്യൂട്ടി..... Don't get hurt."

അൻഷ് ദക്ഷയെ നോക്കി കണ്ണുചിമ്മി പുഞ്ചിരിച്ചു....അവൾ അവന്റെ ചിരിയിലേക്കും, കവിളിൽ വിരിഞ്ഞ നുണക്കുഴിയിലേക്കും നോക്കി നിന്നു....

.

.

.

"എന്താടാ ഇവിടെ....whats happening here..."

പ്രിൻസിപ്പൽ