Chapter Title : ദേവാൻഷ് 4 [മഹി]

ദക്ഷ ഇരിക്കുകയായിരുന്നു.... കാലിന്മേൽ കാൽ കയറ്റിവച്ച്, കൈയിലൊരു പെപ്സിയുടെ ബോട്ടിലുമായി കുട്ടികളുടെ പ്രാക്റ്റീസും നോക്കി അവളിരുന്നു....

Arts ഡേക്ക് ഇനി ഒരാഴ്ച്ച തികച്ചില്ല.....വലിയ പ്രോഗ്രാമായാണ് സെൻട്രൽ ട്രവാൻഡ്റം കോളേജിലെ arts ഡേ നടക്കുന്നത്... ഏതെങ്കിലും സിനിമ താരങ്ങളുടെ സാന്നിധ്യത്തിൽ ഉയർന്ന രാഷ്ട്രീയ നേതാക്കൾ ആരെങ്കിലും arts ഡേ ഉത്കാടനം ചെയ്തതിനു ശേഷമാകും കോളേജ് ഓഡിറ്റോറിയത്തിൽ പ്രോഗ്രാം സ്റ്റാർട്ട്‌ ചെയ്യുന്നത്

ദക്ഷ നോക്കിയിരിക്കെ വലിയ ശബ്ദത്തോടെ ഹാളിന്റെ ഡോർ തുറന്നു, അതിലൂടെ ഒരുവൻ ഉള്ളിലേക്ക് വായുവിലൂടെ ഒഴുകി വന്ന് ഡാൻസ് പ്രാക്റ്റീസ് ചെയ്തുകൊണ്ടിരുന്ന സീനിയേഴ്‌സിന്റെ നടുവിൽ വീണു... ഹൂഡിയുടെ പോക്കറ്റിൽ കൈയിട്ടും, വായിലൊരു ലോലിപോപ്പുമായി ദേവാൻഷ് അകത്തേക്ക് കയറി...മുള്ളറ്റ് സ്റ്റൈലിൽ ഒതുക്കി വെട്ടിയ നീളൻ മുടിയിഴകൾ കണ്ണിലൂടെ ഇടതെറ്റി വീണു.....

"ഏതാടാ അവൻ....."
വന്നു വീണവനെ എല്ലാവരുംകൂടെ പിടിച്ചെഴുന്നേൽപ്പിച്ചു....

"ഏതോ ഒരുത്തൻ....ജൂനിയറാ..... അകത്ത് കേറാൻ പറ്റില്ലെന്ന് പറഞ്ഞപ്പോ എന്നെ ചവിട്ടി...."
അവൻ നെഞ്ചിൽ തടവി പറഞ്ഞതും സീനിയേഴ്‌ എല്ലാവരും ഇറങ്ങി അൻഷിന്റെ മുന്നിലേക്ക് വന്നു....അങ്ങും ഇങ്ങുമായി നിന്ന പെൺകുട്ടികളും ആൺകുട്ടികളും പ്രാക്റ്റീസ് നിർത്തി അവരെ നോക്കി....

"നീയേതാടാ..."
അവരിൽ ഒരാൾ അൻഷിനെ നോക്കി ചോദിച്ചു....അവനൊന്നും മിണ്ടാതെ വായിലെ മിഠായി നുണഞ്ഞുകൊണ്ട് ആ ഹാളിലാകെ കണ്ണോടിച്ചു.....ഏറ്റവും പിന്നിലൊരു കസേരയിൽ കാലുകയറ്റിവച്ച് ഇരിക്കുന്ന ദക്ഷയെ കണ്ടതും ദേവാൻഷിന്റെ കണ്ണുകൾ വിടർന്നു.... My cutie,beauty,sweety, hotie girl... അവൻ പിറുപിറുത്തു

"നിനക്കെന്താടാ ചെവി കേൾക്കില്ലേ...."
സീനിയേഴ്‌സിൽ ഒരുത്തൻ ദേഷ്യത്തോടെ കൈയ്ച്ചുരുട്ടി ദേവാൻഷിന്റെ മുഖത്ത് ഇടിക്കാൻ ഓങ്ങി, അടുത്ത സെക്കൻഡിൽ അലറി വിളിച്ചുകൊണ്ട് അവൻ കാലിടുക്കിൽ കൈപൊത്തിപിടിച്ചു, നിലത്തേക്ക് വീണു,....

"Balls treatment...."
ചവിട്ടുകൊണ്ട് നിലത്തു വീണവനെ നോക്കി അൻഷ് ചിരിച്ചു....

"തല്ലി കൊല്ലടാ പന്നിയെ...."
ഒരുവൻ അലറി വിളിച്ചു.... പിന്നാലെ സീനിയേഴ്‌സ് കൂട്ടമായി അൻഷിന്റെ നേരെ പാഞ്ഞു.... ദക്ഷ മനഃപൂർവം എഴുന്നേൽക്കാതെ അവരെ വീക്ഷിച്ചു... അവന്റെ ചുവടുകൾ, ഫൈറ്റിങ് സ്റ്റൈൽ....എല്ലാം അവൾക്ക് കാണണമായിരുന്നു...

"ചേട്ടാ.... അവനാ ദക്ഷകിനെ തല്ലിയത്....."
ഫിസിക്സിലെ ഒരുത്തൻ പിന്നിൽ നിന്നും ഉറക്കെ വിളിച്ചുപറഞ്ഞു.... ദേവാൻഷിന്റെ മുന്നിൽ എത്തിയവരെല്ലാം നിശ്ചലമായി, ഞൊടിയിടയിൽ അവരുടെ ഉള്ളിൽ ഭയം നിറഞ്ഞു.... ഓരോരുത്തരായി പിന്നോട്ട് നീങ്ങി...