Chapter Title : ദേവനന്ദ 5 [വില്ലി]

അവളെ സ്വീകരിക്കാൻ കിട്ടിയ മനസ് അത് വലുതാണ് .  അതെന്റെ അജയന് മനസിലാകും.  അവളും അച്ഛനും  മാത്രം ഉള്ള ലോകത്തേക് അവൾ  തിരഞ്ഞെടുത്ത പുതിയ ആളിൽ മോൾക്ക് തെറ്റ് പറ്റിയിട്ടില്ലെന്ന്.ആണ് എന്റെ വിശ്വാസവും .. "

കാര്യങ്ങൾ ഒന്നും അറിയാതെയാണ്   രാമേട്ടന്റെ സംസാരം.  എങ്കിലും അയാളെ തിരുത്താൻ ഞാൻ നിന്നില്ല. അന്നത്തെ സംഭവങ്ങൾ ആദ്യം മുതൽക്കേ വിവരിക്കാൻ നിന്നാൽ ചിലപ്പോൾ എല്ലാവരെയും പോലെ ആയാളും എന്നെ അവിശ്വസിക്കും അല്ലെങ്കിൽ രാമേട്ടൻ ദേവുവിനെ ഒരു ചീത്ത പെണ്ണായി കാണും  . എന്തിനു അങ്ങനെ ഇന്നിന് ഇടവരുത്തണം.  ഞങ്ങൾക്കു സത്യം  ബോധ്യപ്പെടുത്തേണ്ടത് രണ്ടുപേർക്കു  മുന്നിൽ മാത്രം ആണ്.  അവളുടെ അച്ഛന്റെ മുന്നിലും എന്റെ അമ്മയുടെ മുന്നിലും.. .

" താനെന്താ ഈ ആലോചിക്കുന്നത് ? "

" വെറുതെ..  "

" ഈ ജാനകി.  അവരെങ്ങനെ  ആണ്....... അവരുടെ കൂടെ  ..  എങ്ങനെ   ?  "

ഞാൻ അറിയാനൊരു ആകാംക്ഷയിൽ ചോദിച്ചു.

" വേശ്യയായ ഒരു സ്ത്രീയിൽ അച്ഛനാരെന്നറിയാതെ ജനിച്ച ഒരു അബദ്ധം  .  അത് മാത്രമായിരുന്നു അന്നത്തെ ജാനകിയുടെ വിലാസം.  എത്ര കഴുകി കളഞ്ഞാലും പോവാത്ത കറ.  പക്ഷെ ആ കറ ദേവുവിൽ പുരളാതിരിക്കാൻ അജയൻ നന്നേ പാടുപെട്ടു.  "

അയാൾ കൂട്ടിച്ചേർത്തു.

" നല്ലൊരു ജീവിതം നയിക്കാനവൾക്ക് അതിയായ ആഗ്രഹം ഉണ്ടായിരുന്നെങ്കിലും  ജാനകിക്ക് വിവാഹാലോചനകൾ ഒന്നും വന്നില്ല. . എല്ലാം അറിഞ്ഞു അജയനവളെ വീട്ടിലേക്കു കൂട്ടികൊണ്ട് പൊന്നു   ...  അവളാഗ്രഹിച്ച ജീവിതത്തിലേക്ക്.  പക്ഷെ എപ്പോളോ അവളും അവളുടെ അമ്മയുടെ വഴിയിലേക്ക് തിരിഞ്ഞു നടന്നു.....  "

രാമേട്ടൻ പറഞ്ഞു നിർത്തി.....  " എല്ലാം കേട്ടറിവുകൾ മാത്രമാണ് ."  രാമേട്ടൻ കൂട്ടിച്ചേർത്തു.

"എല്ലാറ്റിനും കാരണം അവനാ  .. ആ..... "

രാമേട്ടൻ പറയാൻ വന്ന പേര് പുറത്തേക്കു വന്നില്ല...   ഉള്ളിൽ തന്നെ ഒതുക്കി.  അയാൾക് ആ പേര് പറയാൻ പോലും അറപ്പുള്ള പോലെ.   എങ്കിലും രാമേട്ടൻ പറയാൻ വന്ന പേര് എനിക്ക് നന്നായി പരിചയമുള്ളതാണെന്നു രാമേട്ടനറിയില്ല.....

", അല്ല മോനോട് അതൊന്നും പറഞ്ഞിട്ട് കാര്യമില്ല.  എല്ലാം അവരുടെ വിധി.  മോനെപ്പോലെ ഉള്ളവരൊക്കെ