Chapter Title : ദേവനന്ദ 6 [വില്ലി]

ഹോസ്പിറ്റലിൽ പോയില്ലേ  നിങ്ങൾ? "

" അവിടെ അടുത്ത് ഒരു ലോക്കൽ ഹോസ്പിറ്റലിൽ പോയി.  പക്ഷെ കുറഞ്ഞില്ല.  അതാ തിരിച്ചു പോന്നത് .  "

" ഇപ്പൊ എങ്ങനെ ഉണ്ട് മോളെ.  കുറവ് ഉണ്ടോ. "

കാറിനുള്ളിൽ നിന്നും എന്റെയും ദേവുവിന്റെയും ബാഗുകൾ എടുത്തു ഞാൻ  നടക്കുമ്പോൾ ഏടത്തിയുടെ ചോദ്യത്തിന് മറുപടി പോലും പറയാനാവാത്ത അവസ്ഥയിൽ നിൽക്കുകയായിരുന്നു ദേവു .

അന്നത്തെ ദിവസം ഞാൻ ദേവുവിന്റെ മുന്നിൽ ചെന്നു പെടാതെ ഇരിക്കാൻ  പ്രത്യേകം ശ്രെധിച്ചു.  എന്നെ കാണുമ്പോൾ ഒക്കെ എന്തോ പറയാനായി മുതിരുന്ന അവളെ ഞാൻ മനപ്പൂർവം കണ്ടില്ലെന്നു നടിച്ചു .  അവളെ അഭിമുഘീകരിക്കുക എന്നത് ശ്രെമകരമായ ഒന്നായി എനിക്ക് തോന്നി തുടങ്ങിയിരിക്കുന്നു . കാരണം അവളുടെ ഒരു ചോദ്യത്തിനും എന്റെ കയ്യിൽ ഉത്തരങ്ങൾ ഇല്ലായിരുന്നു എന്നതാണ് സത്യം.  വാടിയ റോസാപൂ കണക്കേ ആയിരുന്നു ദേവുവിന്റെ മുഖം അന്ന് മുഴുവൻ.

രാത്രി കിടക്കാൻ നേരം,  "ദേവുവിന് ഇനിയും വയ്യാതെ വന്നാലെന്തു ചെയ്യും... അത് കൊണ്ട് അവളെയും  ഏടത്തിയുടെ മുറിയിൽ കിടത്തു"  എന്ന എന്റെ അഭിപ്രായത്തിന് ഏടത്തിയും ശരി വച്ചു.  എന്നെ കടന്നു ഏടത്തിയുടെ മുറിയിലേക്ക് പോകുന്ന ദേവുവിന്റെ മിഴികൾ അപ്പോളും തോർന്നിരുന്നില്ല.

......... ####....... ###......... ###....... ###...

" ഓഹ്  .  അപ്പൊ നിന്നെ കാണാൻ ആണല്ലേ അവൾ സ്ഥിരം. ക്രിക്കറ്റ് ഗ്രൗണ്ട് വലം വച്ചു കൊണ്ടിരുന്നത്?  "

സംഭവം എല്ലാം കേട്ട ഹരിയുടെ ആദ്യ പ്രതികരണം അതായിരുന്നു  ..

" ഇനി ഇപ്പൊ.  അവളെ അവളുടെ അച്ഛന്റെ കൂടെ വിടുന്നതെന്തിനാ..?   "

" എന്റെ ഹരി.  നീ എന്തൊക്കെയാ ഈ പറയുന്നേ?  "

" അപ്പൊ   നിനക്കു അവളെ ഇഷ്ടമല്ലേ..?  "

"  എന്നെ കൊണ്ട് പറ്റുന്നില്ല.  അവളെ അങ്ങനെ കാണാൻ. "

" ഒന്നുമില്ലേലും അവൾ ഇപ്പോ നിന്റെ ഭാര്യയല്ലേ.  അവളെ അല്ലാതെ വേറെ ആരെയാ അങ്ങനെ ഒക്കെ കാണണ്ടേ ? അവളെ ആകുമ്പോ നിനക്കു എങ്ങനെ ആണെങ്കിലും കാണാലോ ?  "

അവനെന്നെ കളിയാക്കുന്ന രീതിയിലാണത് പറഞ്ഞതെന്ന് എനിക്ക് മനസിലായി.

", നീ