Chapter Title : ദേവരാഗം 11 [ദേവന്‍]

മോളേ അനൂ നിനക്ക് സുഖമായുറങ്ങാം... ഞാന്‍ ഇവിടെ ഈ നിലത്ത് നിന്റെ അനുപമ സൌന്ദര്യത്തിന് കാവല്‍ കിടക്കും... നിന്റെ അജുവന്ന് നിന്നെ കൊണ്ടുപോകുന്നവരെ എന്നും നിനക്ക് ഞാനൊരു കാവല്‍ക്കാരന്‍ മാത്രം ആയിരിക്കും... കാരണം നിന്നോട് എനിക്ക് തോന്നുന്ന വികാരം പലപ്പോഴും ഒരു കുഞ്ഞിന്റെ നിഷ്കളങ്കതയോട് തോന്നുന്ന വാത്സല്യമാണ്.. അതെന്തുകൊണ്ടാണ് എന്ന് എനിക്കറിയില്ലെങ്കില്‍ പോലും...

മനസ്സിലാണ് അത്രയും ഞാന്‍ പറഞ്ഞത്... അവളപ്പോഴും എന്റെ അടുത്ത നീക്കം എന്താണെന്ന് അറിയാതെ ഭയത്തോടെ നില്‍ക്കുകയാണ്... അവളുടെ അടുത്തേയ്ക്ക് ചെന്ന ഞാന്‍ പെട്ടന്ന് കുനിഞ്ഞ് കട്ടിലില്‍ കിടന്ന തലയിണ ഒരെണ്ണം എടുത്തു... അവള്‍ ഞെട്ടി പിന്നോട്ട് മാറി.. അത് തന്നെയായിരുന്നു എന്റെ ഉദ്ദേശവും... പിന്നെ ബാഗില്‍ ഞാന്‍ ചുരുട്ടി വച്ചിരുന്ന യോഗാ മാറ്റും, ഒരു സിംഗിള്‍ ബെഡ്ഷീറ്റും എടുത്ത് നിലത്ത് വിരിച്ച്... തലയിണയും വച്ച് മലര്‍ന്നു കിടന്നു... അവളോടൊരു വാക്കുപോലും ഞാന്‍ മിണ്ടിയില്ല... കട്ടിലിന്റെ അപ്പുറത്ത് നിന്നിരുന്ന അവള്‍ ഞാന്‍ ഉറങ്ങിയോ എന്നറിയാന്‍ കട്ടിലില്‍ കയറി മുട്ടില്‍ നിന്നുകൊണ്ട് ഏന്തി വലിഞ്ഞു നോക്കി... പെട്ടന്ന് കണ്ണ് തുറന്ന് ഞാന്‍ “..എന്ത്യേ..??” എന്ന്‍ കണ്ണുകള്‍ കൊണ്ട് ചോദിച്ചപ്പോള്‍ ഒന്നുമില്ല എന്ന അര്‍ദ്ധത്തില്‍ തോള്‍ കുലുക്കി അവള്‍ പോയി കിടന്നു.. വിളക്കുകള്‍ അണഞ്ഞു... ഉറക്കം എന്റെ മിഴികളെ തഴുകി..

രാത്രി രണ്ടു മണിക്ക് പതിവുപോലെ ഞാന്‍ മുള്ളാന്‍ എഴുന്നേറ്റു... സാധാരണ ഇങ്ങനെ ഇടയ്ക്കുണര്‍ന്നാലും ഉറക്കം തൂങ്ങിപ്പോയി മൂത്രമൊഴിച്ചിട്ടു വന്നു കിടക്കാറാണ് പതിവ്... തിരിച്ചു വന്നു ലൈറ്റണച്ച് കിടക്കാന്‍ തുടങ്ങുമ്പോള്‍ ഞാന്‍ അനുവിനെ നോക്കി... ബാല്‍ക്കണിയിലെ വെളിച്ചം മുറിയിലേയ്ക്ക് അരിച്ചു വരുന്നതില്‍ അവള്‍ കിടക്കുന്നത് ഒരു നിഴല്‍പോലെ