Chapter Title : ദേവരാഗം 16 [ദേവന്‍]
തഴുകി.. നെറ്റിയില്‍ ചുണ്ടുകള്‍ ചേര്‍ത്തു..
“..എന്താടാ.. എന്താ നിനക്ക് പറ്റിയെ.. എന്തെങ്കിലും ഒന്ന് പറ പെണ്ണേ..??” അല്‍പ്പം കഴിഞ്ഞിട്ടും ഇടയ്ക്കുള്ള ചെറിയ തേങ്ങലല്ലാതെ അവളൊന്നും പറയാതിരുന്നപ്പോള്‍ ഞാന്‍ അവളുടെ മുഖം പിടിച്ചുയര്‍ത്തി... മഷിയെഴുതിയ കലങ്ങിയ മിഴികളില്‍ ഉള്ളിലൊളിപ്പിച്ച വേദന ഞാന്‍ കണ്ടു.. നീണ്ട കരച്ചില്‍ കാരണം ജലദോഷം വന്നപോലെ മൂക്കില്‍ അടിഞ്ഞ നനവ്‌ അവള് അകത്തേയ്ക്ക് വലിച്ചു.. സാരിത്തുമ്പുയര്‍ത്തി മൂക്ക് തുടച്ചു.. അപ്പോഴും എന്റെ മാറില്‍ നിന്ന്‍ അകന്നില്ല.. മറുപടി പറയാന്‍ ചുണ്ടുകള്‍ വിടരുന്നത് കണ്ട് ഞാനവളുടെ മുഖം കൈക്കുമ്പിളില്‍ കോരി..
“..ഒന്നൂല്ല.. പെട്ടന്ന് ശ്രീനിധി ദേവേട്ടന്റെ ഫോണ്‍ പിടിച്ചു വാങ്ങി അധികാരത്തോടെ എന്നോടങ്ങനെ പറഞ്ഞപ്പോ... ഞാന്‍ ആരും അല്ലാണ്ടായപോലെ... വീട്ടീ ഇരുന്നട്ട് ഇരുപ്പൊറച്ചില്ല.. അതോണ്ടാ..” കവിളുകളില്‍ അമര്‍ത്തിയ എന്റെ കൈയില്‍ അവള് പതുക്കെ തഴുകി നിന്നു.. അവളുടെ വാക്കുകളില്‍ വിഷമത്തോടൊപ്പം സ്നേഹംകൊണ്ട് സ്വാര്‍ത്ഥയായ ഭാര്യയെ ഞാന്‍ കണ്ടു.. എനിക്ക് ചിരി പൊട്ടി..
“...അയ്യേ... നീയിങ്ങനെ സില്ലിയാവല്ലേ പെണ്ണേ.. അവള് ചുമ്മാ തമാശയ്ക്ക്.. നിങ്ങള് നല്ല കൂട്ടല്ലേ.. ആ സ്വാതന്ത്ര്യത്തില്‍ പറഞ്ഞതല്ലേ അവള്... അല്ലാതെ ഒന്നൂല്ലടാ..” മറുപടിയായി കൊച്ചുകുഞ്ഞിനെപ്പോലെ പരിഭവിച്ച് ചുണ്ടുകള്‍ കൂര്‍പ്പിച്ചു നിന്ന അവളുടെ നെറ്റിയില്‍ ഞാന്‍ മുത്തി... മുഖം എന്റെ നെഞ്ചില്‍ ചേര്‍ത്ത് നിര്‍ത്തി..
“..ഞാന്‍ പറഞ്ഞിട്ടില്ലേ അനുക്കുട്ടാ.. ആവശ്യമില്ലാതെ ഓരോ കാര്യങ്ങള്‍ ഓര്‍ത്ത് ടെന്‍ഷന്‍ അടിക്കരുതെന്ന്.. ഈ ടെന്‍ഷന്‍ അടിച്ച്, ടെന്‍ഷന്‍ അടിച്ച് നീ കുറച്ച് മെലിഞ്ഞു പോയി..”
അവള് മുഖമുയര്‍ത്തി “...ആണോ ഞാന്‍ മെലിഞ്ഞു പോയോ വാവാച്ചീ..??” നനഞ്ഞ കണ്ണുകളില്‍ ആകാംഷയുടെ തിളക്കം... അവളുടെ പിണക്കമൊക്കെ ഇത്രയേ ഉള്ളൂ... ഞാന്‍ ഉള്ളാലെ
💬 Comments
View all comments