Chapter Title : ദേവേട്ടന്റെ ചീക്കുട്ടി [Nadippin Nayakan]

എനിക്കെതിരെ ഫ്രീയായി കിടന്ന സീറ്റിൽ അവളിരുന്നു. പിന്നേ ചോദ്യം ചെയ്യലും ഉത്തരം പറച്ചിലുമൊക്കെയായി. ഒരു സാധു. ടെക്നോ പാർക്കിലാണ് ജോലി. ചേച്ചിയുടെ കല്യാണമാണ്, ലോങ് ലീവ് എടുത്ത് നാട്ടിൽ പോവുവാ. എന്നേം ക്ഷെണിച്ചു. ഞാനായി ചോദിക്കാത്ത ഒരുപാട് ചോദ്യങ്ങൾക്ക് അവളായി തന്നെ ഉത്തരവും നൽകിയിരുന്നു. കുറച്ച് സമയം കൊണ്ട് തന്നെ നല്ലൊരു ഫ്രണ്ട് ആയി അവൾ മാറിയിരുന്നു. പക്ഷെ അപ്പോഴും അവളുടെ പേര് മാത്രം അവൾ പറഞ്ഞിരുന്നില്ല. ഞാനൊട്ട് ചോദിച്ചതുമില്ല. തിരുവനന്തപുരം എത്തും വരെ അല്ലെങ്കിൽ സന്ധ്യോട് അടുക്കും വരെ ഒരു മടുപ്പും തോന്നാതെ ഞങ്ങൾ സംസാരിച്ചു.

""""""""അടുത്തത് എന്റെ സ്റ്റേഷനാ.....!!"""""""""""

തന്റെ സാധനങ്ങൾ എല്ലാം ഉണ്ടോന്ന് അവളൊന്നൂടെ ഉറപ്പ് വരുത്തി. പിന്നീട് ചെറിയൊരു നിരാശയോടെ അവൾ പറഞ്ഞു.

"""""""""""""Thanks for the company.....!!""""""""""""

ഷേക്ക്‌ ഹാൻഡിനായി കൈകൾ നീട്ടിമ്പോൾ ആ കൈകൾ തട്ടിമാറ്റി അവളെന്നെ ഇരുന്ന ഇരുപ്പിൽ തന്നെ കെട്ടിപ്പിടിച്ചു.

"""""""""""നല്ലൊരു യാത്ര സമ്മാനിച്ചതിന്.....!!""""""""""

എന്നിൽ നിന്നും വിട്ട് മാറി അവൾ പറഞ്ഞു.

"""""""""""കാണാം.....!!""""""""""

ചിരിയോടെ ഞാൻ പറഞ്ഞു. അവളും ചിരിച്ചു. പിന്നീട് നടന്നകന്നു......!! അപ്പോഴും അവളുടെ പേര് മാത്രം ചോദിച്ചതുമില്ല, പറഞ്ഞതുമില്ല. ലൈഫിൽ ഒരുപാട് പേരിങ്ങനെ കടന്ന് വരും. പേരോ ഊരോ അറിയാത്ത മറക്കാൻ പറ്റാത്ത ഒരുപാട് ഓർമ്മകൾ സമ്മാനിച്ച് ഇതുപോലെ വിട്ടകലുന്ന ഒരുപാടുപേർ. അതിലൊരാൾ തന്നാണ് ഇപ്പൊ കണ്മുന്നിൽ നിന്നും മാഞ്ഞുപോയ ആ പെൺകുട്ടിയും.

എനിക്ക് ഇറങ്ങേണ്ട സ്റ്റേഷനും അടുക്കാറായി. ഉള്ളിലൊരുപാട് സന്തോഷം തോന്നുന്നു. ഈ നേരവും കടന്ന് പോവും......!!

അമ്പലനട സ്റ്റാന്റിൽ ബസ്സിറങ്ങി., ഇനി നടക്കാവുന്ന ദൂരമേയുള്ളൂ. ചീക്കുട്ടി ഏട്ടൻ വരുവാ........