Chapter Title : ധ്രുവചൈതന്യം 2 [Nishinoya]

പോവാം. ഞാൻ വീട്ടിൽ വിളിച്ചു വിവരം പറയാം..."അത് കേട്ടപ്പോൾ എല്ലാർക്കും സന്തോഷമായി.

ഭക്ഷണം കഴിഞ്ഞ് നേരെ റൂമിൽ പോയി. അമ്മയോട് ഫോൺ ചെയ്ത് കാര്യം പറഞ്ഞു. അമ്മയും അതാണ് നല്ലത് എന്ന് പറഞ്ഞ് അനുകൂലിച്ചു. ഇന്നത്തെ ദിവസത്തെ കുറച്ച് ആലോചിച്ചപ്പോ മനസ്സിൽ ഒരു കുളിർമ. കുഞ്ഞു എന്നെ സ്വന്തം ചേട്ടനായി അംഗീകരിച്ചു അതാണ് ഇന്നത്തെ ഏറ്റവും വല്യ സന്തോഷം.പെട്ടെന്ന് ചൈതന്യ റൂമിൽ കയറി ഡോർ അടച്ചു.

"... Thanks..."മടിച്ചാണ് അവൾ അത് പറഞ്ഞത്

"...എന്തിനു..?"മനസ്സിലാവാതെ ഞാൻ അവളോട്‌ ചോദിച്ചു

"... ഇന്ന് ഞങ്ങളെയും കൂട്ടി പുറത്ത് പോയില്ലേ. അവൾക്ക് ചോദിച്ചത് എല്ലാം വാങ്ങി കൊടുത്തില്ലേ.കുഞ്ഞു ഇന്ന് ഒരുപാടു സന്തോഷിച്ചു..."

"... ഇതിനൊക്കെ എന്തിനാ thanks പറയുന്നത് അവൾ എന്റെ സ്വന്തം അനിയത്തിയാ അപ്പൊ അവൾ ചോദിക്കുന്നത് വാങ്ങി കൊടുക്കേണ്ടത് എന്റെ കടമയാണ്. അതിൽ എനിക്ക് സന്തോഷം മാത്രെ ഉള്ളു..."അത് കേട്ടപ്പോ ചെയ്‌തന്യയുടെ കണ്ണുകൾ നിറഞ്ഞു. അവളെ കെട്ടിപിടിച് ഒന്ന് കൊഞ്ചിക്കണം എന്നുണ്ട് സമയമായിട്ടില്ല.

"... എനിക്ക് ആകെ ഒരു വിഷമമേ ഉള്ളു..."അവളുടെ മൂഡ് ഒന്ന് മാറ്റാനായി പറഞ്ഞത്. എന്താ എന്നാ ഭാവത്തിൽ എന്നെ നോക്കി നിൽക്കാ

"... അനിയത്തി ആഗ്രഹിച്ചത് എല്ലാം വാങ്ങി കൊടുക്കാൻ കഴിഞ്ഞു. ഭാര്യയുടെ ആഗ്രഹം ഒന്നും അറിയാൻ പറ്റിയില്ല..."അവളുടെ മുഖത്ത് ഒരു പുഞ്ചിരി വന്നു.

"... സമയം ഉണ്ടല്ലോ മാഷേ..."അതും പറഞ്ഞു ചിരിച്ചോണ്ട് കട്ടിലിൽ കേറി കിടന്നു

മതി ഇത് മതി ഇപ്പൊ ഉറപ്പായി ഇവളുടെ മനസ്സിൽ എനിക്ക് ഒരു സ്ഥാനം ഉണ്ട് അവളെ നോക്കി ചിരിച്ചോണ്ട് ലൈറ്റ് ഓഫ്‌ ആക്കി കിടന്നു.