Chapter Title : ദി ട്രിപ്പ് 2 [ഫിർഔൻ]

ഡോറിലേക് നോക്കി, നേരത്തെ താൻ അകത്തുകയറിയപ്പോൾ ഫെസ്സ ഡോർ അടച്ചിട്ടില്ലായിരുന്നു, ഫസീന നോക്കുന്നത് കണ്ട് ഫെസ്സയും കാർത്തിക്കും ഡോറിലേക് നോക്കി, ഡോർ പകുതി ചാഞ്ഞു കിടക്കുന്നു.... കാർത്തിക് മെല്ലെ എണീച്ചു ഡോർ ലക്ഷ്യമാക്കി നടന്നു, ഫസീനയും ഫെസ്സയും അവനെ തന്നെ നോക്കിയിരുന്നു... ഡോറിന്റെ അടുത്തെത്തിയ അവൻ ഒരു കൈ കൊണ്ട് ഡോർ വലിച്ചടച്ചു, ഡോർ ലോക്ക് ചെയ്തു കീ ഊരി അവൻ അവന്റെ പാന്റിന്റെ പോക്കറ്റിൽ ഇട്ടു....
നേരെ തിരിച്ചു വന്നു ഫസീനയുടെ മുൻപിൽ ഇരുന്നു, മേശയിൽ ഉണ്ടായിരുന്ന ജ്യൂസ്‌ ഗ്ലാസ്‌ ഫസീനയുടെ മുൻപിലേക് തള്ളി നീക്കി....

കാർത്തിക് : ഇത്ത ജ്യൂസ്‌ കുടിക്ക്...

കുടിക്കണം എന്ന് വിചാരിച്ചൊന്നും അല്ലേ, ഒരു പക്ഷെ അവളുടെ ഉപബോധ മനസിന്റെ ഭയം അവളുടെ കരങ്ങളെ ചലിപ്പിച്ചതാകാം.... അവൾ പോലും അറിയാതെ അവളുടെ കൈ ആ ജ്യൂസ്‌ എടുത്തു വായിൽ വെച്ചു, ഒറ്റ വലിക് പകുതിയും അവൾ കുടിച്ചു തീർത്തു.... അപ്പോളും കാർത്തിക് അവളെ തന്നെ നോക്കിയിരിക്കുന്നുണ്ട്...
പകുതി കുടിച്ച ജ്യൂസ് ഗ്ലാസ്‌ അവൾ മേശയിൽ വെച്ചു എന്നിട്ട് കാർത്തിക് നെ നോക്കി....

കാർത്തിക് : പറ..... ഇത്താക് എന്താ അറിയേണ്ടത്?

ഫസീന : അത്... അത്.... നിങ്ങൾ?

കാർത്തിക് : കാർത്തിക് അതാണ് എന്റെ പേര്..
കണ്ണൂർ, ചന്ദനക്കാംപാറയിലാണ് വീട്, അവിടെ വന്നിട്ട് നരിങ്കണ്ഠത്തിൽ വീട് എവിടെയാന്ന് ചോദിച്ചാൽ ആരായാലും കാട്ടി തരും.... കുറച്ച് കുന്നിൻ മുകളിലാണ്.....

അവൻ അവളെ ഒന്ന് തറപ്പിച്ചു നോക്കി, അവളുടെ അടുത്ത് മുഖം കൊണ്ട് വന്ന് ചോദിച്ചു...

കാർത്തിക് : ഇത്ത വരുന്നോ?

ഒരു കൊച്ചു കുഞ്ഞിനെ പോലെ "ഇല്ല" എന്നവൾ തലയാട്ടി....

കാർത്തിക് : ഇനി ഇത്താക്ക് എന്താ അറിയേണ്ടേ?

ഫസീന : ഒന്നുല്ല.... ഞാൻ വെറുതെ......

ഫസീന ഒന്ന് ഫെസ്സയെ നോക്കി....
അവൾകാണെങ്കിൽ ഇപ്പളും പോയ കിളി തിരിച്ചു വന്നിട്ടില്ല...

ഫസീന : എന്ന ശെരി ഞാൻ ഇറങ്ങട്ടെ, അവിടെ ഇക്ക തനിച്ചേ ഉള്ളു...

ഫസീന മെല്ലെ എണീച്ചു....
കാർത്തിക് ഒരു ഭവ വ്യത്യാസവും ഇല്ലാതെ ഫസീനയെ തന്നെ തുറിച്ചു നോക്കി കൊണ്ടിരുന്നു...