Chapter Title : ദിവ്യ പ്രണയം [Eros]

കൂട്ടി വീട്ടിലേക്ക് നടന്നു.

വീട്ടിലേക്ക് കയറിയ ഞാൻ കാണുന്നത് അച്ചുവിന്റെ അടുത്തിരുന്ന് സംസാരിക്കുന്ന ദിവ്യയെ ആണ്.. നമ്മളെ കണ്ടതും അവൾ അവിടെ നിന്ന് എഴുനേറ്റു…

ഒരു നിമിഷം എന്റെ ഹൃദയം നിലച്ചതുപോലെ തോന്നി …. കല്യാണ സാരി മാറ്റി ഇപ്പോൾ ഒരു സെറ്റ് സാരിയാണ് അവൾ ഉടുത്തിരുന്നത് . ഒരു നിമിഷം ഞാൻ അവളെ തന്നെ നോക്കി നിന്നു. അതിസുന്ദരിയാണ് അവൾ. കരച്ചിലൊക്കെ മാറി ഇപ്പോൾ മുഖം തെളിഞ്ഞിട്ടുണ്ട് . എന്റെ നോട്ടം കണ്ടിട്ടാവണം അവൾ മുഖത് നോക്കാതെ തല താഴ്ത്തി നിന്നു .

അമ്മായിയപ്പനും മരുമോനും എവിടെ ആയ്യിരുന്നു ഇത്രയും നേരം???. അച്ചുവിന്റെ വകയായിരുന്നു ആ ചോദ്യം .

നമ്മൾ അച്ഛനും മോനും പല രഹസ്യങ്ങൾ കാണും അതൊക്കെ എല്ലാരോടും പറയാൻ പറ്റില്ല  മോളെ…..  അച്ഛൻ കുറച്ച ഗൗരവമിട്ട് മറുപടി കൊടുത്തു ..

ഓ .. ഒരു അച്ഛനും മോനും…. അച്ചു കൊഞ്ഞനം കാട്ടി  മറുപടി പറഞ്ഞു.

എന്താ അവിടെ ഒരു ചർച്ച നമുക്കും പങ്കെടുക്കാമോ..??.. അമ്മയാണ് ചോദിച്ചത് കൂടെ ശോഭമ്മയുമൊണ്ട്….

പിന്നെന്താ…. അപ്പച്ചി വരണം … അച്ചു അമ്മയെ പിടിച്ചു ദിവ്യയുടെ അടുത്തിരുത്തി …

ആഹ്ഹ എന്താ ഒരു ചേർച്ച അപ്പച്ചിയെയും ദിവ്യയെയും കണ്ടാൽ  അമ്മയും മോളും അല്ല എന്ന് പറയില്ല …… അച്ചു ഒരു കള്ളചിരിയോടെ പറഞ്ഞു .

ഇവൾ എന്റെ മകൾ  തന്നെയാണ് അച്ചു …. എന്റെ കാർത്തിയുടെ ഭാര്യ പിന്നെ എന്റെ മകൾ  അല്ലാതെ പിന്നെ ആരാ …

‘അമ്മ അതുംപറഞ്ഞു ദിവ്യയുടേ മുടിയിൽ തലോടാൻ  ആരംഭിച്ചു .. അവൾ അതിനനുസരിച്ച  അമ്മയോട് പറ്റിച്ചേർന്നു ഇരിക്കുന്നുണ്ട് .. ഞാൻ അവളെ തന്നെ കുറച്ചു സമയം നോക്കി ഇരുന്നു . എത്ര പെട്ടന്നാണ് അവൾ എല്ലാരുമായി  അടുത്തത്. ഇവൾ എനിക്ക് വേണ്ടി ജനിച്ചവളാണ് എന്ന് മനസ്സിൽ ആരോ മന്ത്രിക്കുന്നത്പോലെ… ഞാൻ അവളെ തന്നെ നോക്കി ഇരികുന്നത് കണ്ടിട്ടാവണം അവളുടെ ചുണ്ടിൽ ഒരു ചെറു ചിരി വിരിയുന്നുണ്ട് …..

കാർത്തി….. പെട്ടന്ന് അമ്മ പേര് വിളിച്ചപ്പോൾ ഞാൻ അവളിൽ നിന്ന് നോട്ടം മാറ്റി .