Chapter Title : ദിവ്യാനുരാഗം 12 [Vadakkan Veettil Kochukunj]

എൻ്റെ മനസ്സിൽ ഒരു ചിന്തയായിരുന്നു ഇപ്പൊ ഇവൾക്കെന്തിനാ ഇത്ര ദേഷ്യം...

" അളിയാ എന്തിനാ അവളിങ്ങനെ ഇവനെ ഇട്ട് ദഹിപ്പിക്കുന്നേ... "

അവളുടെ നോട്ടവും സിറ്റുവേഷനും ഒക്കെ കൂടി കണ്ടപ്പൊ ശ്രീ പിറുപിറുക്കുമ്പോലെ ചോദിച്ചു...

" നിനക്ക് ബുദ്ധിയില്ലേ മൈരേ...അന്ന് ആതിരയുടെ മുന്നിൽ ഇവന് വേണ്ടി ആരാ നാടകം കളിച്ചത്...അവൾ....ആ അവളിന്ന് കാണുന്നതെന്താ...കാര്യം അറിയില്ലെങ്കിലും അവളെന്താ കരുതുക അവളെ നല്ല ഒന്നാന്തരം പൊട്ടത്തി നാടകകാരി ആക്കിയെന്ന്...മനസ്സിലായോ... "

നന്ദുവായിരുന്നു ശ്രീക്ക് മറുപടി കൊടുത്തത്...ഞാൻ അപ്പോഴും ഓടാൻ ഉള്ള നല്ല ഒരു വഴി നോക്കുവാർന്നു...

" ഹാ...ഇതെന്താടാ എല്ലാരും ഇവിടെ നിൽക്കുന്നേ...ആഹാ റോസാപ്പൂ ഒക്കെ ഉണ്ടല്ലോ... എന്നതാ പരിപാടി... "

എവിടെ നിന്നോ അപ്പൊ ചേട്ടത്തിയും അവിടെ പ്രത്യക്ഷപ്പെട്ടു...അല്ലേലും ഈ പെമ്പറന്നോത്തി ഒറ്റ ഒരാള് കാരണാ ഈ പുകില് ഉണ്ടായത്...ഇതിനെ പിക്ക് ചെയ്യാൻ വന്നത് കൊണ്ടല്ലേ അവളിപ്പൊ എല്ലാം കണ്ടത്...

" റോസാപ്പൂ നെഞ്ചത്ത് വെച്ചൊരു ഫോട്ടൊ എടുക്കണം...ഏത് സമയത്തും നാടിന്റെ പൊന്നോമനയ്ക്ക് ആദരാഞ്ജലികൾ എന്ന ക്യാപ്ഷനിൽ ഒരു ഫ്ലെക്സടിക്കേണ്ടി വരും... "

ഞാൻ ചേട്ടത്തിയേയും ദിവ്യയേയും മാറി മാറി നോക്കി പിറുപിറുത്തു...

" ഇവനിതെന്തോന്ന് വട്ടാ പറേന്നെ...അല്ല ഈ പെണ്ണെന്താ ഇങ്ങനെ വെളിച്ചപ്പാടിനെ പോലെ നിൽക്കുന്നേ... "

ചേട്ടത്തിയും ഞങ്ങളെ മാറി മാറി നോക്കി സംഭവം മനസ്സിലാകാത്ത പോലെ പിള്ളാരെ നോക്കി ചോദിച്ചു...

" അവിടെ ചോദിച്ചാ മതി...എല്ലാം അറിയാം... "

ഞാൻ എന്തേലും പറയും മുന്നേ നന്ദു ചേട്ടത്തിക്ക് മറുപടി കൊടുത്തതോടെ പുള്ളിക്കാരി കാര്യം എന്തെന്നറിയാൻ അവൾടെ അടുത്തേക്ക് നീങ്ങി....

" എന്താ കുഞ്ചുസ്സേ...മുഖം വല്ലാതിരിക്കുന്നെ... "

ചേട്ടത്തി അവൾടെ അടുത്തെത്തിയതും കാര്യം അറിയാൻ ഉള്ള തൊര കൊണ്ട് തിരക്കി...

" എന്ത് പറ്റി പോലും....കേറുന്നുണ്ടോ....അതോ ഞാൻ പോണോ... "

ചേട്ടത്തിയുടെ ചോദ്യത്തിന് മുന്നിൽ ഇത്രനേരം തിളച്ചു നിന്ന ആ അഗ്നിപർവ്വതം പൊട്ടി തെറിച്ചു...അത് കണ്ടതും ഞങ്ങളെല്ലാവരും ഒന്ന് ഞെട്ടി...ചേട്ടത്തിയുടെ കിളി വരെ പാറി കാണണം...ഉള്ളിലുള്ള ദേഷ്യം എന്നെ നോക്കി ഒരിക്കൽ കൂടി പ്രകടമാക്കി അവൾ വണ്ടിയെടുത്ത് വളച്ചു...അതോടെ എന്നെ ഒന്ന് വേവലാതിയൊടെ നോക്കിയ ശേഷം ചേട്ടത്തി