Chapter Title : ദിവ്യാനുരാഗം 14 [Vadakkan Veettil Kochukunj]

വച്ചുകൊണ്ട് പറഞ്ഞു...

" മ്മ്...വേഗം വരണം... "

അവളെന്നെ നോക്കി ഒന്നുകൂടി പുഞ്ചിരിച്ച ശേഷം തീയേറ്ററിന് ഉള്ളിലേക്ക് നടക്കാൻ ഒരുങ്ങി...

" പിന്നെ നല്ല പടം നോക്കി എടുക്കണം...അല്ലാതെ കണ്ട ഊള പടം കാണിച്ച് ഉറങ്ങി പോയാൽ എന്നെ കുറ്റം പറയരുത്... "

പുറകിൽ നിന്നും ഞാൻ ഒരു ചിരിയോടെ പറഞ്ഞതും അവൾ തിരിഞ്ഞു നോക്കി പോടാന്ന് ആംഗ്യഭാഷയിൽ പറഞ്ഞതിന് ശേഷം തീയേറ്ററിൽ ഉള്ളിലേക്ക് കയറി അതോടെ ഞാൻ പുറകിൽ പോയി വണ്ടി പാർക്ക് ചെയുന്ന പരിപാടിയിലേക്ക് കടന്നു... ഈയിടെയായി തീയറ്ററുകളിൽ ടിക്കറ്റ് എടുക്കുന്നതിന് കാട്ടും കഷ്ടമാണ് വണ്ടി വർക്ക് ചെയ്യാൻ...എത്രയാ വണ്ടികൾ...ഒടുക്കം വണ്ടിയും പാർക്ക് ചെയ്ത് വരുമ്പോഴേക്കും അവൾ ഏതോ പടത്തിന് മാറ്റിനിക്ക് ടിക്കറ്റും എടുത്ത് എന്നെ കാത്തു നിൽപ്പുണ്ടായിരുന്നു...

" ഇതാ... "

ഞാൻ അടുത്തെത്തിയതും ചിരിച്ചുകൊണ്ട് അവളെനിക്ക് നേരെ ടിക്കറ്റും പേഴ്സും നീട്ടി...

" എന്തോന്നടീ ഇത് ഹൊററോ...വേറെ പടം ഒന്നും കിട്ടിയില്ലേ നിനക്ക്...വല്ല ലൗ സ്റ്റോറീസും നോക്കി കൂടെ... "

The Conjuring : The Devil Made Me Do It പടത്തിന്റെ പേര് കണ്ടതും ഞാൻ അവളെ നോക്കി ചോദിച്ചു...

" ചുമ്മാ കണ്ടപ്പൊ ഇതിനെടുക്കാൻ തോന്നി പിന്നെ ഇതാവുമ്പൊ ഇടയ്ക്കുള്ള ഒച്ചപാടിലും ബഹളത്തിലും ചിലർക്ക് കിടന്നുറങ്ങാനും പറ്റില്ല... "

അവളെന്നെ ആക്കി പറഞ്ഞുകൊണ്ട് കുണുങ്ങി ചിരിക്കാൻ തുടങ്ങി...

" അയ്യടാ...ഡോണ്ടു ഡോണ്ടു...ഊതല്ലേ...മോള് വാ... "

ഞാൻ അവളെ ചേർത്ത് പിടിച്ചു കൊണ്ട് തീയറ്ററിൻ്റെ ഉള്ളിലേക്ക് കയറി... പിന്നെ സീറ്റ് നമ്പർ നോക്കി ഇരിക്കുമ്പോഴേക്കും പടം തുടങ്ങാറായിരുന്നു...തിരക്ക് വളരെ കുറവായിരുന്നു...ഞങ്ങളിരിക്കുന്ന മൂലയിൽ ആളില്ലായിരുന്നു... അങ്ങനെ പടം തുടങ്ങിയതും ഒന്ന് രണ്ട് ഹൊറർ സീൻ കഴിയുമ്പോളേക്കും എൻ്റെ ധൈര്യശാലി കുഞ്ചൂസ് പിന്നെ എന്നെ കെട്ടിപ്പിടിച്ചായി ഇരുപ്പ്... പ്രേതത്തിന്റെ നിഴൽ വെട്ടം സ്ക്രീനിൽ കണ്ടാൽ അപ്പൊ കക്ഷി കണ്ണടയ്ക്കും... ഇടയ്ക്ക് പേടിച്ചിട്ട് ഏതോ മന്ത്രം ഒക്കെ ചൊല്ലുന്ന കണ്ടതും ചിരിച്ച് ചിരിച്ച് എൻ്റെ ഊപാടിളകി...

" അല്ല കുഞ്ചൂസേ...ഇത്രയ്ക്ക് പേടിയാണേൽ എന്തിനാ ചാടി കേറി ടിക്കറ്റെടുക്കാൻ പോയെ... "

ഞാൻ അവളുടെ കോപ്രായങ്ങൾ