Chapter Title : ദിവ്യാനുരാഗം 5 [Vadakkan Veettil Kochukunj]

കളയാതെ എല്ലാം വീട്ടിപോയി വേഗം കോളേജിലേക്ക് പോകാൻ നോക്ക്... "

അമ്മ ഞങ്ങളെ നോക്കി പറഞ്ഞു

" ഇങ്ങളെന്താണ് ആൻ്റി..

കോളേജ് അവിടുന്ന് ഏടേമ് പോകുവൊന്നൂലാലോ..... "

അമ്മയുടെ മറുപടി കേട്ട് നന്ദു ചിരിയോടെ പറഞ്ഞു

" ആണോ... അതെനിക്കൊരു പുതിയറിവാടാ...നീ പറഞ്ഞത് നന്നായി... "

അവനെ കളിയാക്കുകയെന്നോണം അമ്മ പറഞ്ഞു

" ഇങ്ങളോട് പറഞ്ഞു ജയിക്കാൻ ഞമ്മക്കാവില്ലേ... "

അമ്മയെ നോക്കി ചിരിച്ചു കൊണ്ടതും പറഞ്ഞവൻ എന്നെ നോക്കി തുടർന്നു...

" ഡാ... ഞാൻ ശ്രീയോടൊപ്പം പോവ്വാ... ഇവൻ്റെ വീട്ടീന്ന് ഒരു സാധനം എടുക്കാനുണ്ട്.... "

അതും പറഞ്ഞ് അവന്മാര് മെല്ലെ നീങ്ങി

" നിനക്കെന്താടാ ഒരു ഏനക്കേട് പോലെ... "

അതുവരെ ഒന്നും മിണ്ടാതിരുന്ന എന്നെ നോക്കി അമ്മ പറഞ്ഞു..

" ഹേയ്... എന്ത്... ഞാൻ പോവ്വാ... "

ദിവ്യയെ ഒന്ന് പാളിനോക്കിയ ശേഷം ഞാൻ അമ്മയെ നോക്കി പറഞ്ഞു..

" എന്നാ പിന്നെ വിട്ടോ മോനെ വണ്ടി... "

എന്നെ നോക്കി ചിരിച്ചുകൊണ്ട് അമ്മ പറഞ്ഞു.. അതോടെ ഞാൻ അവരെ കടന്നു നടക്കാൻ തുടങ്ങി

" ഡാ ഒന്ന് നിന്നേ... "

പുറകീന്നുള്ള അമ്മയുടെ വിളി കേട്ടാണ് ഞാൻ നിന്നത്...അതിന് ഞാൻ തിരിഞ്ഞു നിന്ന് എന്താണെന്നുള്ള അർത്ഥത്തിൽ പുരികമുയർത്തി

" ഏതായാലും നീ ഒറ്റയ്ക്കല്ലേ...ഇവളുടെ വണ്ടി വർക്ക്ഷോപ്പിലാണത്രേ... പോകും വഴി ഇവളെ ഒന്ന് ട്രോപ്പ് ചെയ്യോ നീ... "

അടുത്ത് നിന്ന ദിവ്യയെ ചൂണ്ടിക്കാണിച്ച് അമ്മ എന്നോട് ചോദിച്ചു

" വേണ്ട മേഡം....ഞാൻ ബസ്സിന് പോയിക്കോളും... "

അമ്മയുടെ മറുപടി കേട്ട് ദിവ്യ