Chapter Title : ഏദൻ തോട്ടത്തിന്റെ കാവൽക്കാരൻ 12 [സഞ്ജു സേന]

നിന്റെയൊക്കെ മൂട് പിടിച്ചു നടന്നാൽ മതിയോ? ''

''അയ്യോ, ഞാനൊന്നും പറഞ്ഞില്ലേ വല്യമ്മേ..അവനെ കണ്ടപ്പോൾ വെറുതെ ചോദിച്ചെന്നേയുള്ളു..ഞാൻ വിട്ട്..''

''അതാ നല്ലതു , പിന്നെ നിന്‍റെ ചെക്കൻ പെമ്പിള്ളേര് കുളിക്കുന്നതും നോക്കി കുളക്കരയിൽ നിൽക്കുന്നുണ്ട്, തല്ല് ഞാൻ പോയി കൊടുക്കണോ അതോ നീ പോയി കൊടുക്കുമോ? ''

''ഏതു എന്‍റെ വിഷ്ണുവോ? വല്യമ്മയ്ക്ക് ആള് മാറിയതാകും, അവനങ്ങനെ ഒന്നും ചെയ്യില്ല, ''

''ആദ്യം നീ അവിടം വരെ പോയി നോക്ക്.. ''

''''അർജുൻ ഇതാ ചായ , ചേച്ചി ഞാനിപ്പോ വരാം..അവനെയിന്നു ഞാൻ..''

'' എന്തിനാ ചേച്ചി എടുത്തടിച്ച പോലെ പറഞ്ഞത് ?, ചേച്ചിക്കു തന്നെ അവനെയൊന്നു വഴക്ക് പറഞ്ഞു വിട്ടാൽ പോരായിരുന്നോ, ഇതിപ്പോ ഇവള് പോയി ചെക്കനെ തല്ലിക്കൊല്ലും, ''

രമേച്ചി ശരം പോലെ പുറത്തേക്ക് പോയപ്പോൾ 'അമ്മ വല്യമ്മയോടു ചൊടിച്ചു ..

''ആ രണ്ടെണ്ണം കിട്ടട്ടെ, നീയിവന് വല്ലതും തിന്നാൻ കൊടുക്കാൻ നോക്ക് , ഞാനാ തമിഴൻ വിറകു മൊത്തം കീറിയോന്നു നോക്കട്ടെ, ''

''നിന്നെ പറഞ്ഞത് ചേച്ചിക്കത്ര പിടിച്ചിട്ടില്ല, അതാ..ഏതായാലും ചെക്കനു ഇന്ന് കോളാ, നിനക്ക് ദോശ എടുക്കട്ടേ,, ''

''വേണ്ട ,വിശപ്പില്ല ,കുറച്ചു നേരമൊന്നു കിടക്കണം, ''

'' ഇപ്പോഴോ? അമ്പലത്തിൽ പോകാറായി ''

''ഏഴു മണിക്കല്ലേ അമ്മെ, രണ്ട് മണിക്കൂർ ഇനിയുമുണ്ടല്ലോ? ''

''എന്ന് വച്ച് ഉറങ്ങാനൊന്നും നിൽക്കേണ്ട ,...പിന്നെ ഒരു കാര്യം മറന്നു, നീ അനിതയെ കൂട്ടി എവിടേക്കെങ്കിലും പോകാമെന്നു പറഞ്ഞിരുന്നോ? ''

''ഇല്ല എന്തെ? , ''

'' നീയെന്തോ നേരത്തെ പറഞ്ഞു പറ്റിച്ചുവെന്നു പറഞ്ഞു വാശി പിടിച്ചു പുറത്തെങ്ങോട്ടോ പോയിട്ടുണ്ട്..ഒന്ന് പോയി നോക്കിക്കേ, അറിയാലോ നിനക്കവളുടെ സ്വഭാവം? ''

''എന്നിട്ടു അവളിപ്പോ എവിടെയുണ്ടു, ......''

'' നേരത്തെ ആ വാഴത്തോപ്പിൽ നിൽക്കുന്നത് കണ്ടെന്നു പിള്ളേര് പറഞ്ഞായിരുന്നു.. അവര് വിചാരിച്ചതു നന്ദനുമായി ഫോണിൽ സംസാരിച്ചു നിൽക്കുന്നതായിരിക്കുമെന്നാണ് , അത് കൊണ്ട് വിളിക്കാൻ നിൽക്കാതെ അവരിങ്ങോട്ടു പോന്നു ,എനിക്ക് കേട്ടപ്പോഴേ തോന്നി സംഭവം ഫോൺ വിളിയൊന്നുമല്ലെന്നു , നേരത്തെ എന്നെയിവിടെ ഇറക്കി നീ അവളെ മൈൻഡ് ചെയ്യാതെയല്ലേ പോയത് ?