Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

വണ്ടിയിൽ തന്നെ ഇരിക്കാൻ പറഞ്ഞു വാക്കിങ് സ്റ്റിക്കുമായി പിന്നാലെ ഞാനും ..ഞങ്ങളെത്തി എന്നറിയിക്കാൻ ഫോണെടുത്തു ആകാശിനു ഒരു മിസ് കാൾ കൊടുത്തു ,കുറച്ചു മാറി ഒരു കാറിന്റെ പാർക്കിങ് ലൈറ്റുകൾ ഒന്ന് തെളിഞ്ഞു ഓഫായി ,ഉറപ്പിക്കാനായി അടുത്തേക്ക് ചെന്ന് നോക്കിയപ്പോൾ ഊഹം തെറ്റിയില്ല ,ഞങ്ങളുടെ ഫിഗോ തന്നെ ,അതിൽ തന്നെയിരിക്കാൻ കൈകൊണ്ടു ആംഗ്യം കാണിച്ചു ..അപ്പോഴേക്കും മനോജിന്റെ വിളിയെത്തി ..സമ്മതിക്കണം പറഞ്ഞ സമയത്തിൽ ഒരു മിനിറ്റ് പോലും മാറിയിട്ടില്ല ..

''ഞാൻ മനോജാണ് ,നിങ്ങളിപ്പോ ?''

''പറഞ്ഞതു പോലെ റയിൽവേ സ്റ്റേഷൻ പാർക്കിങ്ങിൽ ..''

''ഷൈനി സിസ്റ്ററെയും കൂട്ടി റയിൽവേ പാളം കടന്നു തെക്കു വശത്തെ ഓട്ടോ സ്റ്റാൻഡിലേക്ക് പോരെ ,പിന്നെ എല്ലാവരും വേണ്ട ,ആളുകൾ ശ്രദ്ധിക്കും ..''

കയ്യിലെ കെട്ടുകൾ അഴിച്ചപ്പോൾ ഷൈനി ഞങ്ങളെ എല്ലാവരെയും മാറി മാറി നോക്കി , എന്താണ് ചെയ്യാൻ പോകുന്നതെന്ന ഭാവത്തിൽ ..

''ഇറങ്ങെടി ..''

അവൾ;പ്രിയയെ ഒന്ന് തറപ്പിച്ചു നോക്കി ,

''എന്താടി കൂത്തിച്ചി നോക്കി പേടിപ്പിക്കുന്നത് ? നിനക്ക് കിട്ടിയതെന്നും പോരെ ..''

''പ്രിയ മാഡം , ആളുകൾ ശ്രദ്ധിക്കും ..''

''അത് സാരമില്ല ,പിങ്ക് പോലീസിന്റെ പട്രോളിംഗ് വണ്ടി അപ്പുറത്തുണ്ട് , എന്തെങ്കിലും മോഷണക്കേസു ചാർത്തി കസ്റ്റഡിയിൽ വച്ച് ഇവള് വാ തുറക്കാത്ത വിധത്തിൽ ഞാൻ പെരുമാറിക്കൊള്ളാം ''

''മാഡം ,അതൊന്നും വേണ്ട , ആ ഡ്രൈവറും ടീമും പാളത്തിനു അപ്പുറമുണ്ട് ,ഇവളെയും കൊണ്ട് അങ്ങോട്ട് ചെല്ലാനാണ് പറഞ്ഞത് ..''