Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

എഴുന്നേൽക്ക് ,ഇല്ലെങ്കിൽ ..'' ഞാൻ പുറകിൽ തിരുകിയ പിസ്റ്റൾ പുറത്തെടുത്തു ..ഭയം കൊണ്ടവരുടെ മുഖം വിളറി വെളുക്കുന്നതു ആ മങ്ങിയ ഇരുട്ടിലും കണ്ടു .. നിങ്ങൾ പറയുന്നതെന്തും ഞാൻ അനുസരിക്കാം , അവർക്കെന്നെ കൈമാറരുത് പ്ലീസ് ,എനിക്കെന്തെങ്കിലും പറ്റിയാൽ അമ്മയും ചേച്ചിയും അവരുടെ രണ്ടു പെൺകുട്ടികളും പട്ടിണിയാകും ..'' ''അതൊക്കെ നേരത്തെ ആലോചിക്കേണ്ട കാര്യമായിരുന്നില്ല സിസ്റ്റർ ,'' ''അർജുൻ എന്താ എന്താ പറ്റിയേ ...'' ഷൈനി നിലത്തേക്കിരിക്കുന്നതു കണ്ടു ആകാശ് ഓടി അടുത്തേക്ക് വന്നു , ''ഒന്നൂല്ല ,ഇവരുടെ വക ചെറിയൊരു ഷോ ...നടക്കാൻ കഴിയുന്നില്ലത്രേ '' ''അർജുൻ അവർ പറഞ്ഞതിൽ കാര്യമുണ്ട് , ആ പൊലീസുകാരി ശരിക്ക് പെരുമാറിയിട്ടുണ്ട് ..ഇന്നാ ഇത് വേണമെങ്കിൽ കൊടുത്തേക്ക് ..'' അവൻ ജീൻസിന്റെ പോക്കെറ്റിൽ നിന്ന് സെവനപ്പിന്റെ ഒരു ചെറിയ ബോട്ടിൽ എടുത്തു എനിക്ക് നീട്ടി ..ഞാനതിന്റെ അടപ്പു തുറന്നു ഷൈനിക്ക് നീട്ടിയപ്പോൾ എന്തെങ്കിലും ചേർത്തിട്ടാണോ എന്ന സംശയത്തിൽ ആദ്യമൊന്നു ഞങ്ങളിരുവരെയും മാറി മാറി നോക്കി, പിന്നെ എന്തും വരട്ടെ എന്ന് തീരുമാനിച്ചു കാണും ,കൈ നീട്ടി വാങ്ങി ബോട്ടിൽ വാങ്ങി വായിലേക്ക് കമിഴ്ത്തി .. ''ശരിയായെങ്കിൽ എഴുന്നേൽക്ക് ...അവരെ അധികം കാത്തു നിർത്തിക്കാൻ കഴിയില്ല ..'' കാലുപിടിച്ചാലും രക്ഷയില്ല എന്ന് തോന്നിയിട്ടാകും അവർ പതുക്കെ എഴുന്നേൽക്കാൻ ശ്രമിച്ചു ,,അവരെ സഹായിക്കാൻ ആകാശിനെ നോക്കി ആംഗ്യം കാണിച്ചിട്ട് ഞാൻ പാർക്ക് ചെയ്തിരിക്കുന്ന ട്രാവലറിന് അടുത്തേക്ക് നടന്നു ,മൂന്നാലു പയ്യന്മാർ ആ വണ്ടിക്ക് ചുറ്റുമായി മൊബൈലും മറ്റും നോക്കി നിൽപ്പുണ്ട് ,ഞാൻ അടുത്തെത്തിയതും അതിലൊരാൾ എന്റെ അടുത്തേക്ക് നടക്കാൻ തുടങ്ങി .. ''ജിൻസൺ ...'' പരിചയമുള്ളൊരു സ്ത്രീ ശബ്ദം , അത് കേട്ടതോടെ അവൻ നേരത്തെ

നിന്നിടത്തേക്ക് തന്നെ തിരിച്ചു പോയി , ''അർജുൻ ഓർമ്മയുണ്ടോ ?'' കോംപ്ലെക്സിന്റെ ഇരുട്ട് മൂടിയ വശത്തു നിന്നൊരു സ്ത്രീ എന്റെ അടുത്തേക്ക് വന്നു ചോദിച്ചു ,.....കത്രീന , സാരിയൊക്കെ ഉടുത്തപ്പോൾ ആളാകെ മാറി പോയിരിക്കുന്നു ..ഏറ്റവും അടുപ്പമുള്ള ആളിനെ വളരെ കാലം കൂടി കണ്ടതിന്റെ സന്തോഷമായിരുന്നു ആ മുഖം നിറയെ ,പ്രതീക്ഷിക്കാതെ അവരെ കണ്ട ആശ്ചര്യത്തോടെ