Chapter Title : ?ഏദൻ തോട്ടത്തിന്റെ കാവൽക്കാരൻ 13?[സഞ്ജു സേന]

ഞാനാ അറുമുഖത്തെ അങ്ങോട്ട് പറഞ്ഞു വിടാം, സ്റ്റോറിൽ നിന്നു തൂമ്പയും, കൈക്കോട്ടുമൊക്കെ അയാളുടെ കയ്യിൽ കൊടുത്തു വിടണം..'' ''അച്ഛാ ഈ മഴയത്തു അയാളെയിങ്ങോട്ടു വിടണമെന്നില്ല, ഞാൻ കൊണ്ട് വരാം,'' '' വേണ്ടെടാ, നീയാ സ്റ്റോർ റൂമിന്റെ താക്കോൽ അയാൾക്ക് എടുത്തു കൊടുത്താൽ മതി, ഒറ്റയ്ക്ക് പുറത്തിറങ്ങാൻ പേടിയുണ്ടെങ്കിൽ അമ്മയെ കൂടെ വിളിച്ചോ '' ''അത് വേണ്ട ഞാൻ എടുത്തു കൊടുത്തോളാം ..'' '' അർജുൻ എങ്ങോട്ടാ,?'' '' അച്ഛനാ വിളിച്ചത്, അങ്ങോട്ടേക്ക് തൂമ്പയും മറ്റും എടുത്തു കൊടുത്തു വിടണമെന്ന്,'' '' ഞാനും വരാം, '' ''വേണ്ട ആന്റി കിടന്നോ, ആ തമിഴൻ വരുന്നുണ്ട്,.. '' ''ഒറ്റയ്ക്ക് പോകേണ്ടെടാ , ഞാനും വരാം,.. '' അലമാരിയിൽ നിന്ന് അമ്മയുടെ കുടയും തപ്പി പിടിച്ചു പുറത്തേക്കിറങ്ങുമ്പോഴേക്കും അറുമുഖൻ ഗേറ്റിൽ എത്തിയിരുന്നു,, വരേണ്ടെന്ന് പറഞ്ഞെങ്കിലും ആന്റിയും ഒരു കുടയുമെടുത്തു പിറകെ തന്നെ വന്നു.. ഒരു കണക്കിൽ അവർ വന്നത് നന്നായെന്ന് പിന്നെ തോന്നി,, പ്രകൃതി അതിന്റെ രൗദ്ര ഭാവം മൊത്തം പുറത്തെടുത്തു കലി തുള്ളി നിൽക്കുകയാണ്, കനത്ത കാറ്റിൽ ഉലയുന്ന മരച്ചില്ലകൾ ഏതു നിമിഷവും തലയ്ക്ക് മുകളിലേക്ക് പൊട്ടിവീഴുമെന്നു തോന്നിച്ചു..സ്റ്റോർ റൂം തുറന്നു പണിയായുധങ്ങൾ അയാൾക്കെടുത്തു കൊടുത്തു ഗേറ്റ് അടച്ചു തിരിഞ്ഞതും .. ''അർജുൻ കുട ചുരുക്കിക്കൊ,, '' ആന്റി കയ്യിൽ പിടിച്ചു വലിച്ചു ഓടുകയായിരുന്നു ,പിന്നാലെ മൊത്തം തകരുന്ന പോലൊരു ഒച്ചയും മിന്നലും,, അപ്പോഴേക്കും അടുക്കള വാതിൽ തുറന്നു ഞങ്ങൾ അകത്തു കയറിയിരുന്നു.. ആ ഇടി അടുത്തെവിടെയോ ഏറ്റിട്ടുണ്ട്‌ എന്നുറപ്പു,,. '' മൊത്തം നനഞ്ഞു, ...' അവർ സാരി കൂട്ടിപ്പിടിച്ചു പിഴിഞ്ഞു .. '' ആന്റിയോട്‌ ഞാൻ പറഞ്ഞതല്ലേ വരേണ്ടെന്ന്,, '' ''ഇതൊക്കെ ഒരു രസമല്ലേടാ ,.. '' ''അത് വല്ല പനിയും പിടിക്കുമ്പോൾ അറിയും,,'' '' പിടിക്കുന്നെങ്കിൽ നമ്മൾക്ക് രണ്ടാൾക്കും ഒരുമിച്ചേ പിടിക്കു മോനെ..'' '' അത് കാണാം, ..''

''കാണാനൊന്നുമില്ല, മോൻ പറഞ്ഞു നിൽക്കാതെ വേഗം പോയി നനഞ്ഞതു മാറ്റിയിട്, ഞാൻ ഇതൊക്കെ ഒന്ന് അഴിച്ചു പിഴിഞ്ഞിട്ടു വരാം....'' നനഞ്ഞു കുളിച്ചിരുന്നു , മുറിയിലെത്തി തോർത്ത് പരതിപ്പിടിച്ചു ദേഹം