Chapter Title : ?ഏദൻ തോട്ടത്തിന്റെ കാവൽക്കാരൻ 14?[സഞ്ജു സേന]

,'' ''ങേ ,അകത്തു കയറിയോ ? അവളെ കുറിച്ച് വല്ല സൂചനയുമുണ്ടോ ?'' ''ഇല്ലില്ല , ഗേറ്റിനു പുറത്തു മാറി നിൽക്കുകയാണ് ,നിങ്ങൾ പറഞ്ഞ പോലെ സെക്യൂരിറ്റി ടൈറ്റ് ആണ് ,,'' ''അതിനെ കുറിച്ച് പറയാനാണ് വിളിച്ചത് ,നിങ്ങളിന്നലെ നേഴ്സ് ഷൈനിയെ പൊക്കിയിരുന്നില്ലേ .'' ''ഉവ്വ് , ...'' ''ആലീസിന്റെ വിശ്വസ്തയാണ് ,പിന്നെ ഹോസ്പിറ്റലിലെ നഴ്സിംഗ് പെൺകുട്ടികളെ കൂട്ടിക്കൊടുക്കുന്ന പോലെ ആൺകുട്ടികളെ കൊച്ചമ്മമാർക്ക് എത്തിച്ചു കൊടുക്കുന്ന പരിപാടിയുമുണ്ട് ഷൈനിക്ക് .. രണ്ടും ആലീസിന്റെ വീക്നെസ്സാണ് ,എപ്പോഴും ഇളം പ്രായത്തിലുള്ള ആണോ പെണ്ണോ അവളുടെ കൂടെയുണ്ടാകും ..''

''നിങ്ങൾ പറഞ്ഞു വരുന്നത് ...?'' ''നാട്ടിലെത്തിയ ആലീസ് വേറെ ആരെ വിളിച്ചില്ലെങ്കിലും ഷൈനിയെ വിളിച്ചിരിക്കും ഉറപ്പു ....'' ''അതിനവളുടെ കൂടെ നമ്മുടെ ആളുകളുണ്ട് ..'' ''ഫോണല്ലെ അവളുടെ കയ്യിലിരിക്കുന്നതു ,കണ്ണ് വെട്ടിച്ചു കാൾ ചെയ്യാനും ,മെസേജ് അയക്കാനും അവളെ ആരെങ്കിലും പഠിപ്പിക്കണോ ,?'' ''അപ്പോൾ ഇന്നലെ നടന്നതെല്ലാം അവൾ അരുണിനെ അറിയിച്ചു കാണുമോ ?'' ''എയ് ,അതിനു ചാൻസില്ല ,അവളുടെ ചേച്ചിയും മക്കളും നമ്മുടെ കയ്യിലല്ലേ ,അവരെ വച്ച് റിസ്കെടുക്കാൻ ഷൈനി തയ്യാറാകില്ല ,..'' ''അപ്പോൾ പിന്നെ ആലീസുമായിട്ടു ...?'' ''ഇതെങ്ങനെയല്ലല്ലോ ,കൂട്ടിക്കൊടുപ്പല്ലേ , ..അർജുനൊരു കാര്യം ചെയ്യ് ,നേരിട്ട് പോയി ഷൈനിയെ കാണ് ,എന്തെങ്കിലും വിവരം കിട്ടാതിരിക്കില്ല .''

നേരിട്ട് പോയി കാണാമെന്നു വച്ചാൽ അവരുടെ താമസസ്ഥലം ? അല്ല കത്രീനയുടെ കസ്റ്റഡിയിലല്ലേ അവൾ ,വേഗം അവരുടെ നമ്പറിൽ വിളിച്ചു .. ഷൈനി ഡ്യൂട്ടി കഴിഞ്ഞു വന്നു താമസസ്ഥലത്തു തന്നെയുണ്ട് ,നഴ്സിംഗ് കുട്ടികളുടെ ഹോസ്റ്റലിനു മുട്ടി തന്നെയുള്ള ഒരു ചെറിയ വീടിന്റെ താഴത്തെ നിലയാണ് അവളുടെ താവളം ... മുകളിൽ വീട്ടുടമസ്ഥയായ വയസ്സായ സ്ത്രീയും സഹായിയായ സ്ത്രീയും മാത്രമാണ് താമസം .സഹായിയായ സ്ത്രീ കത്രീനയുടെ ആളാണ് ..ഒന്ന് കൂടി അവരെ വിളിച്ചു ഷൈനി അവിടെയുണ്ടെന്നു ഉറപ്പു വരുത്താൻ ആവശ്യപ്പെട്ടു ,അഞ്ചു മിനിറ്റ് വേണ്ടി വന്നില്ല അതിനു മുന്നേ കത്രീനയുടെ വിളിയെത്തി ..ഷൈനി അവിടെ തന്നെയുണ്ട് ,സന്തത സഹചാരിയായ സ്‌കൂട്ടറും പുറത്തു കിടപ്പുണ്ട് ,അതോടെ കത്രീനയോടു എത്രയും പെട്ടെന്ന് അങ്ങോട്ടെത്താൻ പറഞ്ഞിട്ട്