Chapter Title : ?ഏദൻ തോട്ടത്തിന്റെ കാവൽക്കാരൻ 14?[സഞ്ജു സേന]

ഒരു വട്ടം തപ്പി നോക്കിയതാ , പക്ഷെ അവരെവിടെ പോയി എന്ന് ഒരു സൂചനയുമില്ല ..'' ''അത് ചിലപ്പോൾ ഗായത്രി മാഡത്തെ എവിടെയാണോ ഒളിപ്പിച്ചത് അവിടെ തന്നെ ..?'' ഞാൻ എനിക്ക് തോന്നിയൊരു സംശയം പറഞ്ഞു .. ''സാർ എനിക്കും അർജുൻ പറഞ്ഞത് പോലെയാണ് തോന്നുന്നത് ,ചിലപ്പോൾ അവരുടെ ആ പാർലറിൽ തന്നെ ഗായത്രീമാഡവും ? ........നല്ല സൗകര്യമുള്ള ബിൽഡിംഗ് അല്ലെ ..? ''സാധ്യതയുണ്ട് പ്രിയ ,പക്ഷെ എനിക്ക് തോന്നുന്നത് വേറൊന്നാണ് ......മാത്രമല്ല നമ്മൾ എന്ത് പറഞ്ഞാണ് അവിടെ കയറി ഒരു ഒരു പരിശോധന നടത്തുക ? ഏതായാലൂം ടൌൺ എസ് ഐ ജയശങ്കറിനോട് ടോൾ ഗേറ്റ് കഴിഞ്ഞു ബൈ പാസ്സ് റോഡിൽ വച്ചിട്ടുള്ള ക്യാമെറകൾ എല്ലാമൊന്ന് നോക്കാൻ പറഞ്ഞിട്ടുണ്ട് ..എന്തെങ്കിലും വിവരം കിട്ടുമോന്നു നോക്കാം ...'' ''സർ ,അയാളെ വിശ്വസിക്കാമല്ലോ അല്ലെ ?'' ''കുഴപ്പക്കാരനല്ല ,പിന്നെ ഈ അടുത്ത് ജോലിയിൽ കയറിയതിന്റെ ഒരു ആവേശമുണ്ട് ...''

ഉം ...... പ്രിയ ഒന്ന് മൂളുക മാത്രം ചെയ്തു ... ''എന്താ മാഡം ......?'' ''ഒന്നുമില്ല , അർജുൻ ,കളി അരുണിനോടാകുമ്പോൾ നമ്മളീ ചവിട്ടി നിൽക്കുന്ന മണ്ണിനെ പോലും വിശ്വസിക്കാൻ പറ്റില്ല ..........എന്താ അർജുന് കൂടെ നിൽക്കാൻ ഭയം തോന്നുന്നുണ്ടോ '' '' ''എയ് .... ഞാൻ പെട്ടെന്ന് മുഖത്ത് മിന്നിമറഞ്ഞ ഭയത്തെ അവരിൽ നിന്നൊളിപ്പിക്കാനായി തിരിഞ്ഞു ..എങ്കിലും ഉള്ളിൽ വരാൻ പോകുന്ന ആപത്തുകളെ കുറിച്ചുള്ള ആശങ്കകൾ വന്നു നിറയാൻ തുടങ്ങിയിരുന്നു ..അത് അവർക്ക് പ്രകടമാകാതിരിക്കാൻ മൊബൈൽ എടുത്തു ആരെയോ വിളിക്കാനെന്ന ഭാവത്തിൽ കുറച്ചകലേക്ക് മാറി .. ''അർജുൻ .....'' ഒന്ന് രണ്ടു മിനിറ്റ് കഴിഞ്ഞപ്പോൾ തോളത്തു പ്രിയയുടെ കരസ്പർശം .. ''നമ്മളൊരുപാട് പേരില്ലെടാ ...''

''എയ് എനിക്ക് പേടിയൊന്നുമില്ല ...'' പ്രിയ എന്റെ കണ്ണുകളിലേക്ക് തന്നെ ഉറ്റു നോക്കി , ഉള്ളിലേക്ക് ആഴ്ന്നിറങ്ങുന്ന ആ നോട്ടം നേരിടാനാകാതെ ഞാൻ മുഖം താഴ്ത്തി .. ''വാ .....'' തോളത്തു കൂടെ കയ്യിട്ടു എന്നെ ചേർത്ത് പിടിച്ചു അവർ കാറിനരികിലേക്ക് നടന്നു .. എന്നെ ആശ്വസിപ്പിക്കാൻ ശ്രമിച്ചെങ്കിലും ഏതാണ്ട് സമാന അവസ്ഥ