ഏദൻ തോട്ടത്തിന്റെ കാവൽക്കാരൻ 6

Eden Thottathinte Kavalkkaran Part 6 bY സഞ്ജു സേന

Click here to read Previous parts of this story

പ്രിയ വായനക്കാരെ മടുത്തു തുടങ്ങിയെങ്കിൽ പറയണം ,,,,നിങ്ങളുടെ ലൈക്കും അഭിപ്രായങ്ങളും തന്നെയാണ് എനിക്കുള്ള പ്രതിഫലം ,,,അതിൽ കുറവ് വരുത്തിയാൽ കഥയുടെ ഒഴുക്ക് നിലയ്ക്കും ......ഇത് വരെ തന്ന പിന്തുണയ്ക്കും പ്രോത്സാഹനത്തിനും നന്ദി .......

''മോളെ ജീനെ ,,അർജുൻ ചേട്ടന് വേഗം ഫുഡ് എടുത്തു വച്ചേ ..''

എന്നെ കണ്ടതും ആന്റി അകത്തേക്ക് നോക്കി വിളിച്ചു പറഞ്ഞു . കുറച്ചു നേരമായെന്ന് തോന്നുന്നു ഒരുങ്ങി നില്ക്കാൻ തുടങ്ങിയിട്ട് .

''അയ്യോ വേണ്ട ആന്റി..അർജെന്റ് കേസല്ലേ പെട്ടെന്ന് പോകാം ''

''അത് കൊള്ളാം ഈ സ്പെഷ്യൽ ഒക്കെ ഉണ്ടാക്കി വച്ചതു അർജുനും കൂടിയാ ,''

''അയ്യോ ആന്റി കഴിക്കാൻ നിന്നാൽ സമയം ഇനിയും വൈകും ,അതാ ... നമുക്ക് പോകാം ,ഹോസ്പിറ്റലിലെ കാര്യമല്ലേ ,,

''എന്നാ മോളെ അർജുന് ആ കാസറോളിൽ എടുത്തോളൂ ,,വീട്ടിൽ ചെന്ന് കഴിക്കാമല്ലോ ?''

''വേണ്ട ആന്റി ,..''

''അത് പറഞ്ഞാൽ പറ്റില്ല , രാത്രി നമുക്കെല്ലാവർക്കും ഒരുമിച്ചിരുന്നു കഴിക്കാലോ എന്ന് കരുതിയാ അർജുൻ പോയ പാടെ മോനെ വിട്ട് ചിക്കനും ബീഫുമൊക്കെ വാങ്ങി ഇതൊക്കെ ഉണ്ടാക്കിയത്...പക്ഷെ എന്‍റെ ജോലിയുടെ സ്വഭാവം കണ്ടില്ലേ ,,ഡ്യൂട്ടിക്കു പോയില്ലെങ്കിൽ നാളെ രാവിലെ സസ്പെൻഷൻ ഓർഡർ ഉറപ്പാ...അറിയാലോ ഇനി എനിക്കും പിള്ളേർക്കും ആകെയുള്ള പിടിവള്ളി ഈ ജോലി മാത്രമാ ,,അതല്ലെങ്കിൽ ഇന്ന് ഞാനെവിടെയും പോകില്ലായിരുന്നു....'

പറഞ്ഞു തീർന്നപ്പോഴേക്കും അവരുടെ മുഖം വാടി...

''എന്താ ആന്റി ഇത്...അതൊക്കെ നമ്മള് പറഞ്ഞു തീർത്തതല്ലേ..''

''എന്നാലും എന്‍റെ ഉള്ളില് അതങ്ങു മാറുന്നില്ല ,,പിള്ളേരുടെ കാര്യം പോകട്ടെ ,അതവരുടെ പ്രായത്തിന്റെ അറിവില്ലായ്‍മ എന്ന് കരുതി സമാധാനിക്കാം ,പക്ഷെ അവരുടെ പപ്പയുടെ കാര്യം അതല്ലല്ലോ ,ഒന്നുമില്ലെങ്കിൽ ഇത്രയും കൊല്ലം കൂടെ കഴിഞ്ഞതല്ലേ ''..

''അർജുൻ ചേട്ടാ കാറില് വച്ചിട്ടുണ്ടേ ....ഈ മമ്മീടെ ഒരു കാര്യം പപ്പ പോണെങ്കിൽ പോട്ടെ മമ്മി ,മമ്മിക്ക് ആരെയാ ഇഷ്ട്ടപ്പെടുന്നത് ,എനിക്കും ചേട്ടനും ഒരെതിർപ്പുമില്ല