Chapter Title : ഏദൻ തോട്ടത്തിന്റെ കാവൽക്കാരൻ 9 [സഞ്ജു സേന]

..''

''അർജുൻ ...''

പേടിച്ചരണ്ട പോലെയുള്ള വിളി കേട്ട് ഞാൻ സ്‌മിതയെ നോക്കി ...അവർ താഴേക്ക് കൈ ചൂണ്ടി കാണിച്ചു ,ടോർച്ചു വെളിച്ചങ്ങൾ മുകളിലേക്ക് കയറുന്നു ...

''ആന്റി ഞാൻ വിളിക്കാം ...''

''അർജുൻ ......................''

ഞാൻ കാൾ കട്ട് ചെയ്തു പോക്കറ്റിലിട്ടു ..

വാ..

ഞാൻ സ്മിതയുടെ കയ്യിൽ പിടിച്ചു എഴുന്നേൽപ്പിച്ചു ,ആന്റി പറഞ്ഞത് അനുസരിച്ചു മുകളിൽ കാണുന്ന തിട്ട കേറി മറിഞ്ഞു താഴേക്ക് ഇറങ്ങിയാൽ ബൈപാസ്സ് റോഡിലേക്ക് എത്താം. ആകാശ് ആ വഴിക്ക് വരുന്നുണ്ടെന്നല്ലേ പറഞ്ഞത് , അവൻ എത്തി ചേരുന്നത് വരെ ഇവരുടെ കയ്യിൽ പെടാതെ നോക്കണം.....പക്ഷെ എങ്ങനെ....?ഏതായാലും മുന്നോട്ടു ഓടുക തന്നെ , തിട്ട ചാടി കടന്നു സ്മിത നീട്ടിയ കൈ പിടിച്ചു വലിച്ചു കയറ്റുമ്പോൾ അവരുടെ കാലിടറി നേരെ എന്‍റെ മേലേക്ക് വീണതോടെ എനിക്കും അടിപതറി.. വീണതിന്റെ വെപ്രാളത്തിൽ എന്നെ ഇറുമ്പടക്കം പിടിച്ച സ്മിതയെയും കൊണ്ട് മൂന്നാലു മലക്കം താഴേക്ക് മറിഞ്ഞിട്ടാണ് നിന്നതു...ഇരുട്ടിൽ ഞങ്ങൾ രണ്ട് പേരുടെയും കിതപ്പിന്റെ ശബ്ദം മാത്രം ,, അപ്പുറത്തു നിന്നു കയറി വരുന്ന ഗുണ്ടകളുടെ ടോർച്ച വെളിച്ചം മുകളിലെ ഇലകളിൽ പതിക്കുന്നത് കണ്ടതോടെ അവരെ തള്ളിമാറ്റി ഞാൻ ചാടിയെഴുന്നേറ്റു...വീഴ്ചയിൽ എവിടെയൊക്കെയോ മുട്ടിയെന്നു തോന്നുന്നു , ശരിക്കൊന്നു ശരീരം കുടഞ്ഞു..സ്മിത എഴുന്നേറ്റിരുന്നു കിതപ്പ് മാറ്റുകയാണ് , സാരിയൊക്കെ അഴിഞ്ഞു മാറിൽ നിന്നു വീണിരിക്കുന്നു...ബ്ലൗസിനുള്ളിൽ തിങ്ങി നിൽക്കുന്ന കനത്ത മാറിടങ്ങൾ കിതപ്പിനൊത്തു ഉയർന്നു താഴുന്ന കാഴ്ച്ച ...വേറെ ഒരവസരത്തിൽ ആയിരുന്നെങ്കിൽ നോക്കി നിന്ന് ആസ്വദിച്ചേനെ ,പക്ഷെ ഇപ്പോൾ....നേരിയ നിലാവെളിച്ചത്തിൽ താഴെ റോഡ് കാണാം , ആന്റി പറഞ്ഞ വെയ്റ്റിംഗ് ഷെഡ് ? ഇറങ്ങി ചെന്നിട്ടു വലത്തോട്ട് എന്നാണ് പറഞ്ഞത്..നോക്കാം..

''വേഗമെണീക്ക് ,അവരെത്തി...''

നീട്ടിയ കൈകളിൽ പിടിച്ചു അവരെഴുന്നേൽക്കാൻ ശ്രമിച്ചെങ്കിലും പരാജയപ്പെട്ടു അവിടെ തന്നെ ഇരുന്നു...

''വയ്യ അർജുൻ , ഇനി എന്നെക്കൊണ്ട് ഓടാൻ പറ്റില്ല , നീ രക്ഷപെട്ടു പൊയ്ക്കോ അവർ എന്നെ തേടിയാണ് വരുന്നത്..നിന്നാൽ എനിക്കൊപ്പം നിന്നെയും അവർ കൊല്ലും ...വേണ്ട പൊയ്ക്കോ...''

''ഇങ്ങു എഴുന്നേല്ക്കുന്നുണ്ടോ ''

'' ഞാൻ ദേഷ്യത്തോടെ അവരെ പിടിച്ചു വലിച്ചു ,