Chapter Title : ഏദൻ തോട്ടത്തിന്റെ കാവൽക്കാരൻ 9 [സഞ്ജു സേന]

''

''ഞാൻ ചിറ്റയെ വിളിക്കട്ടെ നിങ്ങൾ തമ്മിൽ ഒന്ന് സംസാരിക്ക്..''

''അയ്യോ വേണ്ട..''

''പേടിക്കേണ്ട ,ചിറ്റ പാവമാ..''

''എന്നാലും.. ''

''ഒന്ന് സംസാരിക്ക് ,പ്രശ്നങ്ങൾക്ക് പരിഹാരമുണ്ടാകുമെങ്കിൽ നല്ലതല്ലേ.. ''

ഞാൻ ചിറ്റയെ ഫോണിൽ വിളിച്ചു അങ്ങോട്ട് വരാൻ പറഞ്ഞു.ചിറ്റയും മടിച്ചു മടിച്ചാണ് വന്നത്..

''ചിറ്റേ നിങ്ങളുടെ ലൈഫാണ് രണ്ട് പേരും കൂടി സംസാരിച്ചു ഒരു തീരുമാനത്തിലെത്തുക ,.. ''

''അർജുൻ നിൽക്ക് , ''

''പ്ലീസ് ,നിങ്ങൾ രണ്ടാളും കൂടി സംസാരിക്ക് ,ഞാനിപ്പോ വരാം , ''

ഞാൻ പതുക്കെ എഴുന്നേറ്റു നടന്നു..... കുറച്ചു ദിവസം മുന്നേ വരെ പൊട്ടൻ കളിച്ചു നടന്ന ഞാൻ തന്നെയാണോ ഈ മുതിർന്ന സ്ത്രീകളെ ഉപദേശിച്ചതു ,എന്തെല്ലാം മാറ്റങ്ങളാണ് ഈ ചെറിയ ദിവസങ്ങൾ എന്നിലുണ്ടാക്കിയത് , ഇന്നോവയിൽ ഇരുന്നാൽ രണ്ടും കൂടെ സംസാരിക്കുന്നതു കാണാം , കണ്ടിട്ടു ഉടക്കുന്ന ലക്ഷണമൊന്നുമില്ല... എനിക്കാണെങ്കിൽ ഉറക്കം വന്നു കണ്ണുകൾ താനെ അടഞ്ഞു പോകുന്ന അവസ്ഥയാണ്.. പതുക്കെ സീറ്റിലേക്ക് ചാരി കിടന്നു.... അര മണിക്കൂർ കഴിഞ്ഞു കാണും ചിറ്റ വന്നു കുലുക്കി വിളിച്ചപ്പോഴാണ് കണ്ണ് തുറന്നതു..

''നല്ലയാളാ ,ഞങ്ങളെ അവിടെയാക്കി നീയിവിടെ വന്നു ഉറക്കമാണല്ലേ.. ''

നോക്കുമ്പോൾ അവരും കൂടെയുണ്ട്..

''ദേ സരോജം പോവ്വാണെന്നു ,നിന്നോട് എന്തോ പറയാനുണ്ട്.. ''

''അർജുൻ താങ്ക്സ് ട്ടോ , പോട്ടെ വിമലേ ''

അവർ ചിറ്റയുടെ കയ്യിൽ പിടിച്ചു യാത്ര ചോദിച്ചു.....

''എന്തായി സംസാരിച്ചിട്ട് ,''

അവരുടെ കാർ അകന്നു പോയപ്പോൾ ഞാൻ ചിറ്റയോട് ചോദിച്ചു....

'' ഞാൻ പ്രതീക്ഷിച്ച പോലെ കുഴപ്പക്കാരിയൊന്നുമല്ലെടാ ,.. അവരൊഴിഞ്ഞു മാറാൻ റെഡിയാണ് ,പക്ഷെ സമ്മതിക്കാത്തത് ചേട്ടനാണ്. നീ പറഞ്ഞ പോലെ ഡിവോഴ്സ് ന് പോയാൽ കുട്ടികളുടെ ഭാവിയൊക്കെ പ്രശ്നമാണ്...അപ്പോൾ ? നാളെ രാവിലെ അവരിങ്ങോട്ടു വരാമെന്നു പറഞ്ഞിട്ടുണ്ട്.. ഞങ്ങൾ മൂന്നു പേരും മാത്രമായി ഒന്നിരുന്നാൽ പരിഹാരമുണ്ടാകുമെങ്കിൽ അതല്ലേ നല്ലതു...... ''

നിറഞ്ഞ കണ്ണുകൾ ഞാൻ കാണാതിരിക്കാൻ ചിറ്റ മുഖം തിരിച്ചു..എന്തൊക്കെ പറഞ്ഞാലും ഭർത്താവിന്റെ കാമുകിയെ അഭിമുഖീകരിക്കേണ്ടി വരുന്ന ഭാര്യയുടെ മനസ്സിന്റെ വിങ്ങൽ നമുക്ക് മനസ്സിലാകില്ലല്ലോ .

കുറച്ചു സമയം കഴിഞ്ഞു മുഖമൊക്കെ കഴുകി