Chapter Title : ഏദൻ തോട്ടത്തിന്റെ കാവൽക്കാരൻ 9 [സഞ്ജു സേന]

പിന്നെയെപ്പോഴെങ്കിലും കൊടുത്തോളം ,നീ കാറെടുക്ക് , ഒന്ന് പോയി ഉറങ്ങണം , ഡീലക്സ് ബസ് എന്നൊന്നും പറഞ്ഞിട്ട് കാര്യമില്ല, പൊളിഞ്ഞ റോഡില് കുലുങ്ങി കുലുങ്ങി ഒന്ന് കണ്ണടയ്ക്കാൻ പോലും കഴിഞ്ഞില്ല..''

.ഇൻഡിക്കേറ്റർ ഇട്ടു റോഡിലേക്ക് കയറുമ്പോൾ പെട്ടെന്ന് ഒരു ഹോണ്ടാ സിറ്റി കേറി നേരെ മുന്നിൽ തന്നെ നിർത്തി , അമ്മായി കൂടെയുള്ളത് കൊണ്ട് വായിൽ വന്ന തെറി ഉള്ളിൽ തന്നെ ഒതുക്കി.

''അവരെന്തോ വാങ്ങിക്കാനാ ,ഇപ്പൊ മറ്റും ,ഈ സമയത്തു വെറുതെ ഹോണടിച്ചു ഒച്ചയുണ്ടാക്കേണ്ട....''

അമ്മായി പറഞ്ഞത് കേട്ടു ഞാൻ ഹോണിൽ നിന്നു കയ്യെടുത്തു..നോക്കുമ്പോൾ സിറ്റിയുടെ ഡോർ തുറന്നു ഒരു മധ്യവയസ്ക്ക പുറത്തേക്കിറങ്ങി , നല്ല ഉരുപ്പടി എന്നൊക്കെ പറയാവുന്ന ഒരു ഐറ്റം ,അവർ ഒരു മിനിട്ടെന്നു ഞങ്ങളെ നോക്കി ആംഗ്യം കാണിച്ചു തിരക്കിട്ടു മിൽമ ബൂത്തിലേക്ക് നടന്നു..

''പോട്ടെടാ...''

ഉള്ളിൽ നിറഞ്ഞ ദേഷ്യം പിറുപിറുക്കലായി പുറത്തു വന്നപ്പോൾ അമ്മായി പുറത്തു തട്ടി..

''സോറി ട്ടോ..''

ഒന്ന് രണ്ട് പാക്കെറ്റ് പാലുമായി വേഗത്തിൽ തിരിച്ചു വന്ന സ്ത്രീ ഞങ്ങളെ നോക്കി പറഞ്ഞിട്ട് കാറിലേക്ക് കയറി..അപ്പോഴാണ് ഞാനവരുടെ മുഖം കുറച്ചു കൂടി വ്യക്തമായി കണ്ടത്..ഇവരെ ഞാൻ എവിടെയോ ?

''ഡാ...ആ തള്ളയെ വായി നോക്കാണ്ട് നീ വണ്ടിയെടുത്തെ...''

അമ്മായി എന്നെ കളിയാക്കി..എവിടെയാണ് ഞാനിവരെ ? ആ ചിന്തയിൽ മുഴുകി ഞാൻ ഇന്നോവ മുന്നോട്ടെടുത്തു...

''അമ്മായി അവരെ മുൻപ് കണ്ടിട്ടുണ്ടോ ,'''

അമ്മായിയുടെ വീട്ടിലെത്തിയെട്ടും എന്റെ മനസ്സ് ആ സ്ത്രീ ആരെന്നു തിരയുകയായിരുന്നു

''ആരെ..''

''ആ കാറിലെ സ്ത്രീയെ , നീയിപ്പോഴും അവരെ വിട്ടില്ല ,ഡാ ആ പെണ്ണുമ്പിള്ളയ്ക്ക് രേവതിച്ചേച്ചിയുടെ പ്രായം കാണും..നിനക്ക് ഞങ്ങൾ സമീറയെ പോലെ നല്ല സുന്ദരിക്കൊച്ചിനെ കണ്ടെത്തിക്കൊള്ളാം ,ആ അല്ല നീനയ്ക്ക് എന്താ കുഴപ്പം ? ''

''ഈ അമ്മായി...കാര്യമായിട്ടു ഒന്ന് ചോദിക്കുമ്പോ ...ഞാൻ പോകുവാ ,, ''

പെട്ടെന്ന് നീനയുടെ പേര് കേട്ടപ്പോൾ ഞാൻ ഒന്ന് വല്ലാതായി..കുറച്ചു ദിവസമായി അവളെ കുറിച്ച് ആലോചിട്ടു പോലുമില്ല ,അവളും കണക്ക് തന്നെ ഇത് വരെ എന്നെയൊന്നു വിളിച്ചോ ,,

'' ഡാ..അർജുൻ പിണങ്ങി പോകുവാ ,,അമ്മായി ഒരു