Chapter Title : ഏദൻ തോട്ടത്തിന്റെ കാവൽക്കാരൻ 9 [സഞ്ജു സേന]

ഞാൻ സ്വർഗ്ഗത്തിലെ കട്ടുറുമ്പായി ,ഇനിയും നിന്നാൽ നിങ്ങളെന്നെ ഓടിക്കും ''

''പോ ചേട്ടാ , ചേട്ടൻ ഞങ്ങൾക്ക് അങ്ങനെയാണോ ? പിന്നെ ഒരാള് രണ്ട് ദിവസമായി ഈ സ്വർഗത്തിൽ ചേട്ടനെ കാത്തിരിക്കുന്നുണ്ട് ,മറക്കേണ്ട...വേണമെങ്കിൽ ഇപ്പൊ തന്നെ ഹോസ്പിറ്റലിൽ പോയി വിളിച്ചോണ്ട് പോരെ ,ഞങ്ങൾക്ക് സന്തോഷമേയുള്ളൂ ,..അല്ലെ ചേട്ടായി ..''

പെണ്ണങ്ങനെ തുറന്നു പറഞ്ഞപ്പോൾ ഞാനൊന്നു ചമ്മി , അല്ലെങ്കിലും ഇവൾക്ക് പണ്ടേ നാവിനു എല്ലില്ലാത്ത ഇനമാണ് .എന്നിലെ ഭാവവ്യത്യാസം ആകാശിനോ കാണിക്കാതിരിക്കാൻ പെട്ടെന്ന് തന്നെ ഇന്നോവയിൽ കയറി സ്റ്റാർട്ട് ചെയ്തു...

''അർജുൻ , ''

വണ്ടി മുന്നോട്ടെടുക്കുമ്പോൾ ആകാശ് അടുത്തേക്ക് വന്നു..

''അവള് പറഞ്ഞത് എന്റെയും അഭിപ്രായമാണൂട്ടോ , പപ്പാ ഉപേക്ഷിച്ചു പോയി ,ഞങ്ങളിങ്ങനെയും.മമ്മി വല്ലാണ്ട് ഒറ്റയ്ക്കായി പോയ പോലെയുണ്ട്.....നീയാണ് ഇനി ഞങ്ങളുടെ മമ്മിയെ മടക്കി തരേണ്ടത് , എന്‍റെ മമ്മിയായതു കൊണ്ട് നിനക്കൊരു മടി പോലെയുണ്ട് , അത് വേണ്ടെടാ അവളെ പോലെ എനിക്കും നൂറുവട്ടം സമ്മതമാ ...''

''ഇല്ലെടാ ആന്റിയോട്‌ ഇഷ്ടക്കേടൊന്നുമില്ല ,ഞാനിപ്പോൾ ഒരു പാട് കുരുക്കുകൾക്കിടയിലാ ,ഞാൻ മാത്രമല്ല നീയും ജീനയുമൊക്കെ അവരുടെ കുരുക്കിലാ ,''

'' നീ പറയുന്നത് , ?''

''ഞാൻ വിശദമായി പറഞ്ഞു തരാം ,നാളെയാകട്ടെ... ''

അവൻ ആലോചിച്ചു നിൽക്കെ ഞാൻ ഇന്നോവ മുന്നോട്ടെടുത്തു... ചിറ്റ ഹോസ്പിറ്റൽ വരാന്തയിൽ കാത്തു നിൽക്കുന്നുണ്ട് ,

''എന്താ ചിറ്റേ , ''

''നീ വാ ഒരു ചായ കുടിക്കാം.. ''

ചിറ്റയെ കൂട്ടി ഹോസ്പിറ്റലിലെ ടീ സ്റ്റാളിൽ പോയി രണ്ടു കാപ്പി വാങ്ങി സമീപത്തെ ബെഞ്ചിലിരുന്നു ..

''അർജുൻ നിനക്ക്