Chapter Title : എൽ ഡൊറാഡോ 4 [സാത്യകി]

കൂടി ആയത് കൊണ്ട് സ്വർണ്ണത്തിന്റെ വില ഒക്കെ ശിവേച്ചിക്ക് നന്നായിട്ട് അറിയാം

'കാശ് കിട്ടാനാണ്. അതെനിക്ക് അറിയാം. പക്ഷെ എല്ലാവരും അത് വലിയ എന്തോ ആണെന്ന് കരുതുന്നത് കൊണ്ടല്ലേ ഈ സാധനം കാശ് കൊടുത്തു വാങ്ങുന്നത്.. അതിന്റെ കാര്യം എന്താ..?

ഞാൻ പിന്നെയും ചോദിച്ചു

'അത് കാണാൻ ഭംഗി ഉള്ളോണ്ട്.. സ്വർണ്ണവും വജ്രവും ഒക്കെ കാണാൻ നല്ലതല്ലേ. അപ്പോൾ ആളോൾക്ക് അത് സ്വന്തം ആക്കാൻ തോന്നും..'

ചേച്ചി വിരലിൽ നോക്കി ക്യൂട്ടസ് ഇടുന്നതിന് ഇടയിൽ പറഞ്ഞു

'എനിക്ക് വലിയ ഭംഗി ഒന്നും തോന്നിയിട്ടില്ല..'

ഞാൻ തുറന്നു പറഞ്ഞു

'പിന്നെ സാറിന് എന്താണാവോ ഭംഗി തോന്നിയിട്ടുള്ളത്...'

ചേച്ചി എന്നെ നോക്കാതെ തന്നെ ചോദിച്ചു

'വേറെ എന്തൊക്കെ ഉണ്ട്.. സ്വർണ്ണമുള്ള ഒരു സ്‌ഥലം ഉണ്ടെന്ന് എന്നോട് ആരേലും പറഞ്ഞാൽ ഞാൻ ഇങ്ങനെ തപ്പി പോകുവൊന്നും ഇല്ല..'

ഞാൻ തീർത്തു പറഞ്ഞു

'സ്വർണ്ണം കാണാൻ കൊള്ളില്ലേൽ പിന്നെ എന്താ നിനക്ക് സ്വർണ്ണത്തെക്കാൾ കാണാൻ കൊള്ളാവുന്നത്...?

ചേച്ചി അലസമായി എന്നെ നോക്കാതെ ക്യൂട്ടസ് ഇട്ട് കൊണ്ട് വെറുതെ ചോദിച്ചു

'ഇത്.......!

ഞാൻ അറിയാതെ എന്റെ വിരൽ ശിവേച്ചിക്ക് നേരെ നീട്ടി പറഞ്ഞു..

ക്യൂട്ടസ് ഇടുന്നത് നിർത്തി ശിവദ ചേച്ചി എന്നെ തല ഉയർത്തി നോക്കി.. ആ കവിളുകളിൽ ചിരിയുടെ ഒരു നുണച്ചുഴി വിരിഞ്ഞു.. ആ കവിളുകൾ നിമിഷനേരം കൊണ്ട് ചുവന്നു തുടുത്തത് ഞാൻ കണ്ടു.. - തൊടിയിൽ പൂത്തു നിൽക്കണ ചെമ്പരത്തി കണക്കെ.....!