Chapter Title : എൽ ഡൊറാഡോ 5 [സാത്യകി]

അങ്ങനെ സംശയം ചോദിച്ചു പോയില്ല..

അല്ലെങ്കിൽ തന്നെ സംശയം ഒന്നും പുറത്ത് നിന്ന് തീർക്കണ്ട കാര്യം എനിക്ക് ഇല്ലായിരുന്നു. എന്തെങ്കിലും മനസിലാകാതെ വന്നാൽ അത് അപ്പോൾ തന്നെ ചോദിക്കാൻ ഉള്ള സ്വാതന്ത്ര്യം അഫ്രിയ ടീച്ചർ എല്ലാവർക്കും തന്നിരുന്നു. പിറ്റേന്ന് ആണേലും ചോദിച്ചാൽ ടീച്ചർ എല്ലാം ആദ്യം തൊട്ട് പറഞ്ഞു തരും.. ഞാൻ ആ വഴി നീങ്ങി. ടീച്ചർ ആണേലും ഒരു ചേച്ചിയെ പോലെ ആണ് എനിക്ക് അഫ്രിയ ടീച്ചറോടു അടുപ്പം തോന്നിയത്. പക്ഷെ എന്റെ പിച്ചിക്കാവിലെ ചേച്ചിമാരെ കാണുന്നത് പോലെ ടീച്ചറെ കണ്ടില്ല എന്ന് മാത്രം..

ചേച്ചിമാരെ പോലെ കാണാൻ ആ പ്രായമേ ഉള്ളൂല്ലോ.. ടീച്ചർ കല്യാണം കഴിച്ചതാണ് എന്ന് ഞാൻ കുറച്ചു കഴിഞ്ഞാണ് അറിഞ്ഞത്.. കുട്ടികൾ ആയിട്ടില്ല.. സ്കൂളിന്റെ അടുത്ത് എവിടെയോ വാടകയ്ക്ക് ആണ് ഇപ്പോൾ ടീച്ചർ താമസിക്കുന്നത്.. സ്വന്തം വീട് കുറച്ചു ദൂരെ ആണ്..

അഫ്രിയ ടീച്ചർ പിള്ളേർ എന്ത് സംശയം ചോദിച്ചാലും പറഞ്ഞു തരുന്ന കൂട്ടത്തിൽ ആയിരുന്നു എങ്കിൽ അതിന് വിപരീതം ആയിരുന്നു മീനു ടീച്ചർ. കെമിസ്ട്രി ആയിരുന്നു അവർ പഠിപ്പിക്കുന്നത്. പകുതിയും മനസിലാവില്ല. മനസ്സിലാവാത്തത് ചോദിച്ചാൽ അവരുടെ മുഖം മാറും.. ആർക്കോ വേണ്ടിയോ പഠിപ്പിച്ചു പോകുന്ന പോലാണ് അവരുടെ പഠിപ്പിക്കൽ.. ഇവർക്ക് ശരിക്കും എന്തേലും അറിയാമോ എന്ന് എനിക്ക് സംശയം ഉണ്ടായിരുന്നു.. ഒട്ടും പഠിക്കാത്തത് കൊണ്ട് അലനെ അവർ മിക്കപ്പോഴും പൊക്കുമായിരുന്നു.. അവന് ഇവരെ കണ്ണെടുത്താൽ കണ്ടൂടായിരുന്നു.. നല്ല തെറി ആണ് അലൻ മീനു ടീച്ചറെ വിളിച്ചോണ്ട് ഇരുന്നത്..

ഞാൻ ഇതിന് മുമ്പ് ഒന്നും ടീച്ചർമാരെ തെറി പറഞ്ഞു ശീലിച്ചിട്ടില്ല. അലൻ