Chapter Title : എൽസമ്മ എന്ന മമ്മി.. അല്ല.. ആന്റ്റി [Socrates]

താണ്ടി 1km എത്തുമ്പോൾ പള്ളിമുക്ക് എത്തി. അവിടെ നിന്ന് വലത് റോഡിൽ കയറി കുറച്ചു വീടുകൾ കഴിഞ്ഞ് ഇറക്കം ഇറങ്ങിയാൽ നെല്ല് വയലുകൾ ആണ്. അവിടാണ് ആന്റോ ഇപ്പോൾ നില്കുന്നത്. ഈ വയലുകൾ കഴിഞ്ഞാൽ ഒരു ചെറിയ കയറ്റം വന്നു. കയറ്റം കയറി ഒരു 100 മീറ്റർ കഴിയുമ്പോൾ റോഡിന്റെ ഇടതുവശത്ത് ഒരു വീടും ചെറിയ കടമുറിയും കാണാം അതിന്റെ അപ്പുറത് ഒരു ഇടവഴിയിലേക്ക് ഇറക്കം ഇറങ്ങണം. ആ ഇറക്കം ഇറങ്ങി ഒരു 50 മീറ്റർ കഴിയുമ്പോൾ എബിയുടെ വീടെത്തും.

'എന്തായാലും ഇവിടെ വരെ ആയി......ഇല്ല..  ഒരു പ്രശ്നവും വരില്ല.... റിസ്ക്  എടുക്കാത്തവർക്ക് ഒന്നും കിട്ടില്ല..So I should go ',  സധൈര്യം മുമ്പോട്ട് നീങ്ങാൻ ആൻറ്റോ ഉറച്ചു തീരുമാനിച്ചു. കയറ്റം കയറി ചെന്ന്,  എബിയുടെ വീട്ടിലേക്കുള്ള വഴിയിലേക്ക് ആന്റോ സൈക്കിൾ ഓടിച്ചിറങ്ങി. ചാറ്റൽ മാറി, മഴ ശക്തിയായി പെയ്തു തുടങ്ങിയിരുന്നു. ടാർ ഇടാത്ത ആ ഇടവഴിയിൽ വെള്ളവും ചള്ളയും നിറഞ്ഞു. 'കർത്താവേ.. പാമ്പൊന്നും കാണല്ലേ.. ' ആൻറ്റോ പ്രാർത്ഥിച്ചു. അല്പം ചെന്നപ്പോൾ ദൂരെ ഒരു വീടിന്റെ മുമ്പിൽ  ചുമന്ന പ്രകാശം മിന്നുന്ന ക്രിസ്മസ് സ്റ്റാർ ആന്റോ കണ്ടു. അതായിരുന്നു അന്റോയുടെ സുഹൃത്തായ എബിയുടെ വീട്. 10-12 ഏക്കറിൽ നിന്നിരുന്ന ആ ചെറിയ വീട് ഇടവഴിയിൽ നിന്നും ഒരു അല്പം ഉള്ളിലേക്ക് ആണ്. ചുറ്റിനും റബ്ബർ കൃഷിയും. സൈക്കിളിൽ നിന്ന് ഇറങ്ങി അത്‌ ഉരുട്ടികൊണ്ട് ആന്റോ എബിയുടെ വീട്ടിലേക്ക് നടന്നു. ഗേറ്റ് തുറന്ന് സൈക്കിളും ആയി അകത്തേക്ക് കയറിയപ്പോൾ വീടിന്റെ കാർപോച്ചിൽ നിന്ന് ടിപ്പു എന്ന വളർത്തു നായ ഒരു കുര തന്നു. എന്നാൽ മഴയുടെ ശബ്ദം അവന്റെ കുരയുടെ കാഠിന്യം ഇല്ലാതാക്കി. ആൻറ്റോയെ പരിചയം ഉള്ളതുകൊണ്ടും മഴയും തണുപ്പും ആയതിനാലും കുറച്ചു നേരം വാലാട്ടിയതിനു ശേഷം ടിപ്പു ചുരുണ്ട് കൂടി ഉറക്കം തുടർന്നു. ഒന്ന് നോക്കിയാൽ ചിലപ്പോൾ അവൻ പുറകേ വരും എന്ന് ഓർത്ത് ആന്റോ ടിപ്പുവിനെ നോക്കാതെ സൈക്കിൾ ഉരുട്ടി വീടിന്റെ പുറകു വശത്തേക്ക് പോയി. വീടിന്റെ മുമ്പിൽ തൂക്കിയിരുന്ന സ്റ്റാറിന്റെ വെട്ടവും കാർപോച്ചിൽ ഉള്ള