Chapter Title : എന്റെ അച്ചുവിലൂടെ 2 [Njan Alchemist]

ദിവസം ലീവ് എടുക്കാൻ ഞാൻ തീരുമാനിച്ചു. എന്തെന്നാൽ അവർ മൂന്നു പേരെയും ഫേസ് ചെയ്യാനുള്ള മടി തന്നെ. ആദ്യ രണ്ടു ദിവസം കാണാഞ്ഞിട്ട് വിളി ഒന്നും ഇല്ലായിരുന്നു. എന്നാൽ അത് കഴിഞ്ഞ് അമൃതയും മായയും വിളിയോട് വിളി. ഞാനാണെങ്കിൽ ഫോൺ എടുക്കാനേ പോയില്ല. അങ്ങനെ മായ എനിക്കൊരു ടെക്സ്റ്റ് മെസ്സേജ് അയച്ചു. ഡാ നീ നാളെ എന്തായാലും ക്ലാസിൽ വരണം. അച്ചുവിന് നിന്നോട് എന്തോ അത്യാവശ്യമായിട്ട് പറയാനുണ്ടെന്നും. പറ്റുമെങ്കിൽ എട്ടര ആകുമ്പോഴേക്കും എത്തുമോ എന്നും. അവൾ എന്തായാലും അവിടെ കാത്തിരിക്കുമെന്ന്. അങ്ങനെ പിറ്റേന്ന് രാവിലെ. പോകണോ വേണ്ടയോ എന്ന കൺഫ്യൂഷനായി. പോയാൽ വീണ്ടും ഇവർ അപമാനിക്കും എന്ന് കരുതി ഞാനന്ന് 12 മണിയോട് അടുപ്പിച്ചാണ് കോളേജിൽ എത്തിയത്. എന്നെ കണ്ട പാടെ അച്ചു ഓടി വന്നു. എന്നിട്ട് ഇങ്ങനെ പറഞ്ഞു. എന്താടാ ഞങ്ങൾ നിന്നെ പറ്റിച്ചതിന്റെ പ്രതികാരം വീട്ടുവാണോ. നേരത്തെ വരാൻ പറഞ്ഞാൽ എന്താടാ നിനക്ക് വന്നാ. അവളാണെങ്കിൽ ഒരേ കലിപ്പ്. ഞാനൊന്നും മിണ്ടാതെ അവളുടെ മുഖം വെട്ടിച്ച് അങ്ങോട്ടും ഇങ്ങോട്ടൊക്കെ നോക്കി. അവൾ ആണെങ്കിൽ എൻറെ വയറ്റിലിട്ട് ഒറ്റക്കുത്ത്. എനിക്കാണെങ്കിൽ കാലുവാരി നിലത്തടിക്കാനുള്ള ദേഷ്യം ഉണ്ടായിരുന്നു. പക്ഷേ ആ കുരുപ്പിന്റെ കണ്ണിലോട്ട് നോക്കിയാൽ നിന്ന നിൽപ്പിൽ ഇല്ലാണ്ടായിപ്പോവും. എന്ത് ചെയ്യാനാ അവൾ പറയുന്നതും കേട്ടിരിക്കല്ലാതെ. അങ്ങനെ അവള് ഭീഷണിയുടെ സ്വരത്തിൽ വീണ്ടും പറഞ്ഞു. ഡാ കോപ്പേ... ക്ലാസ് കഴിഞ്ഞ ഉടനെ ലാബിനെ അടുത്തുള്ള ക്ലാസിൽ വന്നോണം. ഇനി അഥവാ നീയെങ്ങാനും വന്നില്ലെങ്കിൽ ഉറപ്പായിട്ടും നിന്നെ ഞാൻ തല്ലും നോക്കിക്കോ എന്ന്. ഇവളുടെ സംസാരം കേട്ടാ തോന്നും